ଜେରୁଜେଲମ,୧୩।୧୧: ହମାସ ସହିତ ଚାଲିଥିବା ଯୁଦ୍ଧ ମଧ୍ୟରେ ଇରାନ ସମର୍ଥିତ ଗୋଷ୍ଠୀ ହିଜବୁଲ ଏବଂ ଇସ୍ରାଏଲ ସେନା ମଧ୍ୟରେ ବିବାଦ ଲେବାନନ-ଇସ୍ରାଏଲ ସୀମାରେ ତୀବ୍ର ହେବାରେ ଲାଗିଛି। ଏହି ସମୟରେ, ହିଜବୁଲ ମୁଖ୍ୟ ହସନ ନସରାଲ୍ଲା ନିଜର ଶେଷ ବୟାନରେ କହିଛନ୍ତି ଯେ ଇସ୍ରାଏଲ ବିରୋଧ ଆକ୍ରମଣରେ ଏହି ଗୋଷ୍ଠୀ ନୂଆ ଅସ୍ତ୍ର ବ୍ୟବହାର କରୁଛି।
ହାମାସ-ଇସ୍ରାଏଲ ଯୁଦ୍ଧ ପରଠାରୁ ହାସନ ନାସରାଲ୍ଲା ତାଙ୍କର ଦ୍ୱିତୀୟ ଟେଲିଭିଜନ ସମ୍ବୋଧନରେ କହିଛନ୍ତି ଯେ ଗତ ସପ୍ତାହରେ ଇରାନ ସମର୍ଥିତ ଗୋଷ୍ଠୀ ଲେବାନନ ସାମ୍ମୁଖ୍ୟରେ ନିଜର କାର୍ଯ୍ୟକଳାପକୁ ତୀବ୍ର କରିଛି। ସେ କହିଛନ୍ତି ଯେ ହିଜବୁଲ ପ୍ରଥମ ଥର ପାଇଁ ‘ବୁର୍କାନ କ୍ଷେପଣାସ୍ତ୍ର’ ବ୍ୟବହାର କରିଛି। େଏହି ଗୋଷ୍ଠୀ ଲେବାନନରେ ପ୍ରଥମ ଥର ପାଇଁ ଆକ୍ରମଣ ଡ୍ରୋନ ବ୍ୟବହାର କରୁଥିଲା ଏବଂ ପ୍ରତିଦିନ ଇସ୍ରାଏଲରେ ‘ଅନୁସନ୍ଧାନ ଡ୍ରୋନ’ ଉଡାଉଥିଲା।
ସୂଚନାଯୋଗ୍ୟ ଅକ୍ଟୋବର ୭ରେ ଗାଜା ଷ୍ଟ୍ରିପରୁ ଇସ୍ରାଏଲ ଉପରେ ହମାସ ଆକ୍ରମଣ ପରଠାରୁ ଲେବାନାନର ଦକ୍ଷିଣ ସୀମାରେ ଇସ୍ରାଏଲ ଏବଂ ପାଲେଷ୍ଟାଇନ ଦଳର ସହଯୋଗୀ ହିଜବୁଲ ମଧ୍ୟରେ ବିବାଦ ତୀବ୍ର ହୋଇଛି। ଏଏଫପି ରିପୋର୍ଟ ଅନୁଯାୟୀ, ଗତ ମାସରୁ ଇସ୍ରାଏଲର ଗୁଳିରେ ଅତି କମରେ ୬୮ହିଜବୁଲ ଯୁଦ୍ଧା ନିହତ ହୋଇଥିଲେ। ଏଥିସହ ଲେବାନନରେ ଅତି କମରେ ୧୧ ଜଣ ସାଧାରଣ ନାଗରିକ ଏବଂ ଅନ୍ୟ ୧୨ଜଣ ଯୋଦ୍ଧା ନିହତ ହୋଇଛନ୍ତି।