ନୂଆଦିଲ୍ଲୀ,୧୩।୩: ଦେଶର ପ୍ରମୁଖ ଦୁଇ ଚକିଆ ଯାନ ନିର୍ମାତା ‘ହୋଣ୍ଡା ମୋଟରସାଇକେଲ୍ ଆଣ୍ଡ୍ ସ୍କୁଟର୍ ଇଣ୍ଡିଆ’ (ଏଚ୍ଏମ୍ଏସ୍ଆଇ) ପକ୍ଷରୁ ୨ଟି ଅତ୍ୟାଧୁନିକ ମଡେଲର ସର୍ବ ଭାରତୀୟ ଉନ୍ମୋଚନ ସମ୍ପର୍କରେ ଘୋଷଣା କରାଯାଇଛି। ଏପରିକି ଓବିଡି ୨ବି ନିୟମ ପାଳନ କରୁଥିବା ୨୦୨୩ ହାଇନେସ୍ ସିବି୩୫୦ ଓ ସିବି୩୫୦ଆର୍ଏସ୍ର ବଜାର ପ୍ରବେଶ କରାଯାଇଛି। ଏହି ନୂଆ ମୋଟରସାଇକେଲ୍ ଚଳିତ ବର୍ଷ ମାର୍ଚ୍ଚ ଶେଷ ସୁଦ୍ଧା ସାରା ଭାରତରେ ଥିବା ବିଗ୍ୱିଙ୍ଗ୍ ଡିଲରଶିପ୍ରେ ଉପଲବ୍ଧ ହେବ।
ବିଶେଷକରି ହାଇନେସ୍ ସିବି୩୫୦ର ଏକ୍ସ ଶୋ’ରୁମ୍ ଦିଲ୍ଲୀ ବଜାର ମୂଲ୍ୟ ୨,୦୯,୮୫୭ ଟଙ୍କାରୁ ଆରମ୍ଭ ହୋଇଥିବା ବେଳେ ୨୦୨୩ ସିବି୩୫୦ଆର୍ଏସ୍ର ମୂଲ୍ୟ ୨,୧୪,୮୫୬ ଟଙ୍କା ରହିଛି। ସେହିଭଳି ସିବି୩୫୦ ଗ୍ରାହକମାନଙ୍କ ଲାଗି ଏଚ୍ଏମ୍ଏସ୍ଆଇ ପକ୍ଷରୁ ମାଇଁ ସିବି, ମାଇଁ ୱେ ନାମକ ନୂଆ କଷ୍ଟମାଇଜେଶନ୍ ସେକ୍ସନ୍ର ମଧ୍ୟ ଶୁଭାରମ୍ଭ କରାଯାଇଛି। ହୋଣ୍ଡା ଅସଲି ଆସେସୋରି ଭାବେ ବିକ୍ରି ହେବାକୁ ଥିବା ଏହି କଷ୍ଟମ୍ କିଟ୍ ୨୦୨୩ ମାର୍ଚ୍ଚ ଶେଷ ସୁଦ୍ଧା ବିଗ୍ୱିଙ୍ଗ୍ ଡିଲରଶିପ୍ରେ ଉପଲବ୍ଧ ହେବ।
ଏ ସମ୍ପର୍କରେ ଏଚ୍ଏମ୍ଏସ୍ଆଇର ପରିଚାଳନା ନିର୍ଦ୍ଦେଶକ ଆତସୁସି ଓଗାତା କହିଛନ୍ତି,ସରକାରଙ୍କ ଦ୍ୱାରା ଧାର୍ଯ୍ୟ ସମୟ ପୂର୍ବରୁ ନୂଆ ଉପତ୍ାଦଗୁଡ଼ିକୁ ଅପ୍ଗ୍ରେଡ୍ କରିବା ଲାଗି ଏଚ୍ଏମ୍ଏସ୍ଆଇ ଉତ୍ସାହର ସହ କାର୍ଯ୍ୟ କରୁଛି। ଆମେ ଅତ୍ୟନ୍ତ ଆଶାବାଦୀ ଯେ ଆମ ନୂଆ ସେକ୍ସନ ମାଇଁ ସିବି, ମାଇଁ ୱେ ଅଧୀନରେ ସ୍ବତନ୍ତ୍ର ଭାବେ ପ୍ରସ୍ତୁତ କଷ୍ଟମ୍ କିଟ୍ ଆମର ନୂଆ ଓ ପୂର୍ବରୁ ଥିବା ସିବି୩୫୦ ଗ୍ରାହକଙ୍କୁ ଆହୁରି ଉଲ୍ଲସିତ କରିବ।