ନୂଆଦିଲ୍ଲୀ, ୭।୧୧ : ଏଫ୍ଆଇଏଚ୍ ହକି ଅଲିମ୍ପିକ କ୍ୱାଲିଫାୟର୍ସ ଜାନୁୟାରୀ ୧୩ରୁ ୧୯ ପର୍ଯ୍ୟନ୍ତ ରାଞ୍ଚତ୍ଠାରେ ଖେଳାଯିବ। ଭାରତ ଏକ କଷ୍ଟସାଧ୍ୟ ଗ୍ରୁପ୍ରେ ସ୍ଥାନ ପାଇଛି। ଏହି ଗ୍ରୁପ୍ରେ ବିଶ୍ୱର ୫ ନମ୍ବର ଜର୍ମାନୀ ରହିଛି। ଭାରତ ପର୍ଯ୍ୟାୟ ପ୍ରତିଯୋଗିତାରେ ବିଶ୍ୱର ୬ନମ୍ବର ମାନ୍ୟତାପ୍ରାପ୍ତ ଭାରତ ଅଲିମ୍ପିକ କ୍ୱାଲିଫାୟର୍ସରେ ଭେଟିବାକୁ ଥିବା ଅନ୍ୟ ଦଳଜୁଡ଼ିକ ହେଲେ ନ୍ୟୁଜିଲାଣ୍ଡ (୯ମ), ଜାପାନ (୧୧ତମ), ଚିଲି (୧୪ତମ), ଯୁକ୍ତରାଷ୍ଟ୍ର ଆମେରିକା (୧୫ତମ), ଇଟାଲୀ (୧୯ତମ) ଏବଂ ଚେକ୍ ରିପବ୍ଲିକ୍ (୨୫ତମ)। ଅଲିମ୍ପିକରେ ସ୍ଥାନ ପାଇଁ ସ୍ପେନର ଭାଲେନ୍ସିଆରେ ଲଢେଇ କରୁଥିବା ଅନ୍ୟ ୮ଟି ଦଳ ହେଲେ ବେଲଜିୟମ, ଗ୍ରେଟ୍ ବ୍ରିଟେନ, ଜର୍ମାନୀ, ନ୍ୟୁଜିଲାଣ୍ଡ, ମାଲେସିଆ, ପାକିସ୍ତାନ, କାନାଡା, ଚିଲି ଓ ଚାଇନା। ପୁରୁଷ କ୍ୱାଲିଫାୟର୍ସ ମସ୍କାଟ ଓ ଭାଲେନ୍ସିଆରେ ହେବ। ମସ୍କାଟଠାରେ ଅନୁଷ୍ଠିତ ହେବାକୁଥିବା ପ୍ରତିଯୋଗିତାରେ ୮ଟି ଦଳ ଅଂଶଗ୍ରହଣ କରିବେ। ସେଗୁଡ଼ିକ ହେଲା ଗ୍ରେଟ୍ ବ୍ରିଟେନ, ଜର୍ମାନୀ, ନ୍ୟୁଜିଲାଣ୍ଡ, ମାଲେସିଆ, ପାକିସ୍ତାନ, କାନାଡା, ଚିଲି ଓ ଚାଇନା। ସେହିପରି ଭାଲେନ୍ସିଆରେ ଭାଗନେବାକୁ ଥିବା ଦଳଗୁଡ଼ିକ ହେଲେ ବେଲଜିୟମ, ସ୍ପେନ, କୋରିଆ, ଆୟର୍ଲାଣ୍ଡ, ଜାପାନ, ଅଷ୍ଟ୍ରିଆ, ଇଜିପ୍ଟ ଓ ୟୁକ୍ରେନ। ସମସ୍ତ କଣ୍ଟିନେଣ୍ଟାଲ ଚାମ୍ପିୟନଶିପ୍ ଶେଷ ହେବା ପରେ ବିଶ୍ୱ ର଼୍ୟାଙ୍କିଙ୍ଗ ଭିତ୍ତିରେ ପୁରୁଷ ଓ ମହିଳା ଦଳଗୁଡ଼ିକୁ ଦୁଇଟି ଗ୍ରୁପ୍ରେ ବିଭକ୍ତ କରାଯିବ। ପାନ୍ ଆମେରିକାନ ଗେମ୍ସ ଏବଂ ଆଫ୍ରିକାନ ହକି ରୋଡ୍ ଟୁ ପ୍ୟାରିସ ୨୦୨୪ରେ ହକି ଇଭେଣ୍ଟଗୁଡ଼ିକ ଶେଷ ହେବାପରେ କଣ୍ଟିନେଣ୍ଟାଲ ଚାମ୍ପିୟନ ହିସାବରେ ୫ ପୁରୁଷ ଏବଂ ମହିଳା ଦଳ ଆସନ୍ତାବର୍ଷ ପ୍ୟାରିସ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିବେ। ଆୟୋଜକ ଫ୍ରାନ୍ସ ଆପେ ଯୋଗ୍ୟତା ହାସଲ କରିସାରିଛି।