କୋରାପୁଟ,୩୧ା୧୨(ସ୍ବ.ପ୍ର.): ଚଳିତବର୍ଷ ଓଡ଼ିଶା ବିଶ୍ୱକପ ହକି ଆୟୋଜନ କରୁଛି। ଏଥିପାଇଁ କ୍ରୀଡା ବିଭାଗ ପକ୍ଷରୁ ବିଶ୍ୱକପ ହକିର ଟ୍ରଫି ରାଜ୍ୟର ସମସ୍ତ ଜିଲା ପରିକ୍ରମା କରାଯାଉଛି। କୋରାପୁଟରେ ଏହି ଟ୍ରଫି ପହଞ୍ଚତ୍ବା ପରେ ଜିଲା ପ୍ରଶାସନ ପକ୍ଷରୁ ବିପୁଳ ସ୍ବାଗତ କରାଯାଇଛି। ଜିଲାର ଲକ୍ଷ୍ମୀପୁର ବ୍ଲକ ସୀମାରୁ ସ୍ବାଗତ କରାଯାଇ କଡା ସୁରକ୍ଷା ମଧ୍ୟରେ କୋରାପୁଟକୁ ଅଣାଯାଇଥିଲା ା ବାଟରେ ଲକ୍ଷ୍ମୀପୁର, କାକିରିଗୁମ୍ମା, ପଞ୍ଚଡା, ପୋଡାଗଡ ଆଦି ସ୍ଥାନରେ ଏହି ବିଶ୍ୱକପ ହକି ଟ୍ରଫିକୁ ସ୍ଥାନୀୟ ଜନସାଧାରଣ, କ୍ରୀଡାବିତ୍ମାନେ ସ୍ବାଗତ କରିଥିଲେ। କୋରାପୁଟ ସହରର ଲାଲବାହାଦୁର ପ୍ରତିମୂର୍ତ୍ତି ଛକ ନିକଟରେ ଏହା ପହଞ୍ଚତ୍ବା ପରେ ସେଠାରେ ଜିଲାପାଳ ଅବଦାଲ ଏମ. ଅଖତାର ପ୍ରଥମେ ସ୍ବାଗତ ଜଣାଇଥିଲେ। କୋରାପୁଟ ବିଧାୟକ ରଘୁରାମ ପଡାଲ, କୋଟପାଡ ବିଧାୟିକା ପଦ୍ମିନୀ ଦିଆନ, ପଟ୍ଟାଙ୍ଗୀ ବିଧାୟକ ପିତମ ପାଢୀ, ଅତିରିକ୍ତ ଜିଲାପାଳ ରାମେଶ୍ୱର ପ୍ରଧାନ, ପୌରାଧ୍ୟକ୍ଷ ଲଲାଟ ରଞ୍ଜନ ସେଠୀ, ନିର୍ବାହୀ ଅଧିକାରୀ ସ୍ବସ୍ତିକ ଜମାଦାର, ଏସ୍ପି ବରୁଣ ଗୁଣ୍ଟୁପାଲି, ପୋଲିସ ଆରଆଇ ସୁବାଷ ଚନ୍ଦ୍ର ନାୟକ, ଏସ୍ଡିପିଓ ମନୋଜ ପୂଜାରୀ, ଟାଉନ ଥାନା ଅଧିକାରୀ ଧୀରେନ ପଟ୍ଟନାୟକ, ସ୍ବତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ଚନ୍ଦ୍ର ଶେଖର ମାଝି, ପୂର୍ବତନ ବିଧାୟକ ପ୍ରଫୁଲ୍ଲ ପାଙ୍ଗି, ଜିଲା କ୍ରୀଡା ଅଧିକାରୀ ଜ୍ଞାନଜିତ ତ୍ରୀପାଠୀ ପ୍ରମୁଖ ଉପସ୍ଥିତ ଥିଲେ। ଟ୍ରଫିକୁ ଏକ ଶୋଭାଯାତ୍ରା ସହର ପରିକ୍ରମା କରାଯାଇଥିଲା। ଏହି ସମୟରେ ଢେମସା ନୃତ୍ୟ, ବାଦ୍ୟରେ ସହର କମ୍ପିଥିଲା।