ନାବାଳିକାଙ୍କ ହାତ ଧରି ପ୍ରେମ ନିବେଦନ କରିବା ନୁହେଁ ଯୌନ ନିର୍ଯାତନା, କହିଲେ କୋର୍ଟ…

ମୁମ୍ବାଇ,୧।୮: ନାବାଳିକାଙ୍କ ହାତ ଧରି ପ୍ରେମ ନିବେଦନ କରିବା ଯୌନ ନିର୍ଯାତନା ଅନ୍ତର୍ଗତ ନୁହେଁ ବୋଲି ମୁମ୍ବାଇର ଏକ ପୋକ୍ସୋ କୋର୍ଟ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। ଏହା ସହିତ କୋର୍ଟ ୨୮ ବର୍ଷ ବୟସ୍କ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି। ୨୦୧୭ରେ ଅଭିଯୁକ୍ତଙ୍କୁ ଜଣେ ୧୭ ବର୍ଷ ବୟସ୍କା ନାବାଳିକାଙ୍କୁ ହାତ ଧରି ପ୍ରେମ ନିବେଦନ କରୁଥିବା ଅଭିଯୋଗରେ ଗିରଫ କରାଯାଇଥିଲା। କୋର୍ଟ କହିଛନ୍ତି ଯେ ନାବାଳିକାଙ୍କର ହାତ ଧରି ତାଙ୍କୁ ପ୍ରେମ ନିବେଦନ କରିବାକ ଜଣାଇବା ଯ sexual ନ ଉତ୍ପୀଡ଼ନର ପରିମାଣ
ଶୁଣାଣି ସମୟରେ କୋର୍ଟ କହିଛନ୍ତି ଯେ ଅଭିଯୁକ୍ତଙ୍କ ଆଚରଣ ଯୌନ ନିର୍ଯାତନା ପାଇଁ ଉଦ୍ଦିଷ୍ଟ ଥିଲା ବୋଲି କୌଣସି ପ୍ରମାଣ ନାହିଁ। ସେହିପରି ଅଭିଯୁକ୍ତ ଜଣକ ପୀଡିତାଙ୍କୁ ଅନୁସରଣ କରି ବଳ ପ୍ରୟୋଗ କରିଥିବାର ପ୍ରମାଣ ମଧ୍ୟ ମିଳିନାହିଁ। ଅଭିଯୁକ୍ତ କେବଳ ହାତଧରି ପ୍ରେମ ନିବେଦନ କରିଛନ୍ତି।
ଏହା ପୂର୍ବରୁ ମଧ୍ୟ ଛୋଟ ପିଲାଙ୍କ ହାତ ଧରିବାକୁ ଯୌନ ଅପରାଧ ଭାବେ ଗ୍ରହଣ କରିବାକୁ କୋର୍ଟ ମନା କରି ସାରିଛନ୍ତି। ବମ୍ବେ ହାଇକୋର୍ଟଙ୍କ ପକ୍ଷରୁ ଏକ ମାମଲାରେ ଜଣେ ବର୍ଷ ନାବାଳିକାଙ୍କ ସହିତ ଆପତ୍ତିଜନ କାର୍ଯ୍ୟ କରିଥିବା ଅଭିଯୋଗରେ ୫୦ ବର୍ଷ ବୟସ୍କା ବ୍ୟକ୍ତିଙ୍କ ଦଣ୍ଡକୁ ରଦ୍ଦ କରିଦେଇଥିଲେ। ଏହି ରାୟ ପ୍ରଦାନ କରିବାବେଳେ କୋର୍ଟ କହିଥିଲେ ଯେ କୌଣସି ନାବାଳିକାଙ୍କ ହାତ ଧରିବା ଯୌନ ଶୋଷଣର ପରିଭାଷା ନୁହେଁ।
ସୂଚନାଯୋଗ୍ୟ, ଯୌନ ଅପରାଧରୁ ପିଲାମାନଙ୍କୁ ସୁରକ୍ଷା ଦେବା ଲାଗି ପୋକ୍ସା ଆଇନ ପ୍ରଣୟନ କରାଯାଇଛି। ୧୮ ବର୍ଷରୁ କମ ବୟସ୍କ ପିଲାମାନଙ୍କ ପ୍ରତି ହେଉଥିବା ଯୌନ ଶୋଷଣ ଅପରାଧର ବିଚାର ଏହି ଆଇନ ଅନ୍ତର୍ଗତ କରାଯାଇଥାଏ।