ବିଶ୍ୱର ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଉପାୟରେ ରଙ୍ଗର ପର୍ବ ହୋଲି ପାଳିତ ହୋଇଥାଏ। ଭାରତରେ ବିଭିନ୍ନ ରଙ୍ଗ ତଥା ଅବିର ଲଗାଇ ଏହାକୁ ପାଳନ କରାଯାଉଥିବା ବେଳେ ସ୍ପେନ୍ର ଭାଲେନ୍ଶିୟା ନଗରରେ ଟମାଟୋ ଲାଲ୍ ଫୋପାଡ଼ି ହୋଲି ମନାଯାଇଥାଏ।
ପ୍ରତିବର୍ଷ ଅଗଷ୍ଟ ମାସର ଶେଷ ବୁଧବାର ସ୍ପେନ୍ର ଲୋକେ ବାହାରକୁ ବାହାରିଥାନ୍ତି। କାରଣ ସେଦିନ ଥାଏ ହୋଲି। ଏଥିରେ ଲୋକମାନେ ଜଣେ ଅନ୍ୟଜଣଙ୍କୁ ଟମାଟୋ ଫୋପାଡ଼ି ହୋଲିର ବଧାଇ ଜଣାଇଥାନ୍ତି। ୧୯୯୫ ମସିହାରୁ ସ୍ପେନ୍ରେ ଏପରି ହୋଲି ପାଳିତ ହୋଇଆସୁଛି। ଏହା ଅନ୍ୟ ସ୍ଥାନରେ ହେଉଥିବା ହୋଲିଠାରୁ ଭିନ୍ନ ହୋଇଥିବା ହେତୁ ପ୍ରତିବର୍ଷ ବିଭିନ୍ନ ଦେଶର ଲୋକେ ଏଠାକୁ ଯାଇ ଏହି ଉତ୍ସବକୁ ଉପଭୋଗ କରିଥାନ୍ତି।