ଆନନ୍ଦର ପର୍ବ ହୋଲି। ଏହି ଉତ୍ସବରେ ମାନ ଅଭିମାନ ଭୁଲି ଜଣେ ଅନ୍ୟ ଜଣଙ୍କୁ ରଙ୍ଗ ଲଗାଇଥାଏ। ଯେପରି ରଙ୍ଗ ବିନା ହୋଲି ଅଧୁରା, ସେହିପରି ଭାଙ୍ଗ ବିନା ହୋଲି ଖାଲି ଖାଲି ଲାଗିଥାଏ। ହୋଲିରେ ଭାଙ୍ଗ ମିଶା ସର୍ବତର ମଜା ନିଆରା। ତେବେ ହୋଲିରେ କାହିଁକି ଭାଙ୍ଗ ପିଆଯାଏ ଆସନ୍ତୁ ଜାଣିବା।
-ହିନ୍ଦୁ ଶାସ୍ତ୍ର ଅନୁସାରେ ହୋଲିରେ ଭାଙ୍ଗ ପିଇବାକୁ ଉଲ୍ଲେଖ ରହିଥିବା ବେଳେ ଏହି ନିୟମ ଏଯାବତ୍ ପାଳନ କରାଯାଇ ଆସୁଅଛି।
-ଅଥର୍ବ ବେଦ ଅନୁସାରେ ୫ଟି ଗଛରୁ ପତ୍ରକୁ ପବିତ୍ର କୁହାଯାଇଥାଏ। ତନ୍ମଧ୍ୟରୁ ଭାଙ୍ଗ ଅନ୍ୟତମ।
– ସେହିପରି ଆୟୁର୍ବେଦରେ ଭାଙ୍ଗରେ ଔଷଧୀୟ ଗୁଣ ଭରି ରହିଥିବା ଉଲ୍ଲେଖ ରହିଛି। ଏହା ସ୍ନାୟୁ ସମସ୍ୟାକୁ ସମ୍ପୂର୍ଣ୍ଣ ଦୂର କରିଥାଏ। ଏହା ସହ ଭୋକ ମଧ୍ୟ ବଢ଼ାଇଥାଏ।
– ଭଗବାନ ଶିବଙ୍କ ପାଖରେ ଭାଙ୍ଗ ପ୍ରସାଦ ଭାବରେ ଲାଗିଥାଏ। କିମ୍ବଦନ୍ତୀ ଅନୁସାରେ ଥରେ ଭଗବାନ ଶିବ କୌଣସି କଥାରେ ରାଗିଯାଇ ଘରୁ ଚାଲିଗଲେ। ପରେ ସେ ଏକ ଭାଙ୍ଗ ବଗିଚାରେ ହଜିଗଲେ, ସେଇଠି ଶୋଇଗଲେ। ସକାଳୁ ଭୋକ ଲାଗିବାକ୍ଷଣି ଭଗବାନ ସେହି ପତ୍ରକୁ ଖାଇଲେ। ତାହା ତାଙ୍କୁ ଭଲ ଲାଗିଥିଲା। ସେବେଠାରୁ ଭାଙ୍ଗ ତାଙ୍କୁ ପ୍ରସାଦ ରୂପେ ଚଢ଼ାଯାଏ। ତେବେ ସେବେଠାରୁ ଭାଙ୍ଗକୁ ପବିତ୍ର ମନେକରି ବିଭିନ୍ନ ଧାର୍ମିକ କାର୍ଯ୍ୟରେ ସାମିଲ କରାଯାଇଥାଏ।