ସୁନ୍ଦରଗଡ୧।୫(ଡିଏନଏ): ରାଜ୍ୟ ସରକାରଙ୍କ ତରଫରୁ ପ୍ରଥମ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ରୀଛାତ୍ରଙ୍କ ପାଇଁ ଗ୍ରୀଷ୍ମ ଅବକାଶ କାଳୀନ ହୋମଓ୍ବର୍କ କାର୍ଯ୍ୟକ୍ରମ ସୋମବାର ଠାରୁ ଆରମ୍ଭ ହୋଇଛି। ଯାହାକି ମେ ୧ରୁ ଆରମ୍ଭ ହୋଇ ଗ୍ରୀଷ୍ମ ଅବକାଶ ସମାପ୍ତ ହେବା ପର୍ଯ୍ୟନ୍ତ ପ୍ରାରମ୍ଭିକ ଭାବେ ସାରା ଓଡ଼ିଶାରେ ଲାଗୁ ହେବ। ସୋମବାର ସୁନ୍ଦରଗଡ ଜିଲା ଶିକ୍ଷା କାର୍ଯ୍ୟାଳୟରେ ନିଃଶୁଳ୍କ ସହାୟତା କେନ୍ଦ୍ର ଜିଲା ଶିକ୍ଷା ଅଧିକାରୀ ଅମୂଲ୍ୟ କୁମାର ପ୍ରଧାନଙ୍କ ଦ୍ବାରା ଉଦ୍ଘାଟିତ ହୋଇଯାଇଛି। ଏହି ଉଦଘାଟନ ଉତ୍ସବରେ ଅତିରିକ୍ତ ଶିକ୍ଷା ଅଧିକାରୀ ସାରଙ୍ଗ ଧର ବରିହା, ଜିଲା ବିଜ୍ଞାନ ପରିଦର୍ଶକ ଚନ୍ଦ୍ର ଶେଖର ସାହୁ, ଭାରପ୍ରାପ୍ତ ଶୈକ୍ଷିକ ଉନ୍ନୟନ ସଂଯୋଜକ ଅମାତ୍ୟ ପ୍ରଧାନ,ବିତ୍ତ ପରାମର୍ଶଦାତା ରାଜେନ୍ଦ୍ର ପାତ୍ର ପ୍ରମୁଖ ଉପସ୍ଥିତ ଥିଲେ।
ଜିଲା ସ୍ତରୀୟ ସହାୟତା କେନ୍ଦ୍ରରେ ସୁନ୍ଦରଗଡ ଜିଲା ଛାତ୍ରୀଛାତ୍ରଙ୍କ ପାଇଁ ଦୁଇଟି ଦେୟ ମୁକ୍ତ ଫୋନ ନମ୍ବର ଆବଣ୍ଟିତ ହୋଇଛି। ଯଥା ୧୮୦୦-୩୪୫୭୪୭୯ ଓ ୧୮୦୦୩୪୫୭୪୮୦। ଛାତ୍ରୀଛାତ୍ର, ଶିକ୍ଷକ ଓ ଅଭିଭାବକ ଉକ୍ତ ନମ୍ବରରେ ଯୋଗାଯୋଗ କରିପାରିବେ ବୋଲି ଜିଲା ଶିକ୍ଷା ଅଧିକାରୀ ଅମୂଲ୍ୟ କୁମାର ପ୍ରଧାନ ସୋମବାର ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି।