ହଲିଉଡ୍ର ଲୋକପ୍ରିୟ ଅଭିନେତ୍ରୀ ଏମା ଓ୍ବାଟସନଙ୍କୁ କିଏ ବା ନ ଜାଣେ। ଫିଲ୍ମ ‘ହେରି ପୋଟର’ ମାଧ୍ୟମରେ ସେ ଲୋକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି। ସୋସିଆଲ ମିଡିଆରେ ସେ ସେତେଟା ସକ୍ରିୟ ନୁହନ୍ତି। ତେବେ ଯାହା ଶୁଣିବାକୁ ମିଳୁଛି ଏମା ଖୁବ୍ଶୀଘ୍ର ଅଭିନୟ ଦୁନିଆରୁ ବିଦାୟ ନେବାକୁ ଯାଉଛନ୍ତି। ଏହା ଶୁଣିବା ପରେ ତାଙ୍କ ପ୍ରଶଂସକମାନେ ସୋସିଆଲ ମିଡିଆରେ ଭାବପ୍ରବଣ ହୋଇପଡ଼ିଛନ୍ତି ।
ଏହି ଖବର ପ୍ରଚାରିତ ହେବା ପରେ ଏମାଙ୍କ ମ୍ୟାନେଜର ପ୍ରତିକ୍ରିୟା ରଖିଛନ୍ତି। ଏମାଙ୍କ ମ୍ୟାନେଜର ଜେସନ ଓ୍ବେନବର୍ଗ କହିଛନ୍ତି ଯେ, ଏମାଙ୍କ ସୋସିଆଲ ମିଡିଆ ଆକାଉଣ୍ଟ ନିଷ୍କ୍ରିୟ। ସେ ଅଭିନୟ କ୍ୟାରିୟର ଠାରୁ ବିଦାୟ ନେଉ ନାହାନ୍ତି ବୋଲି ସ୍ପଷ୍ଟ କରିଛନ୍ତି।
ଏକ ରିପୋର୍ଟ ଅନୁଯାୟୀ, ଅଭିନେତ୍ରୀ ନିଜ ପ୍ରେମିକ ଲିଓ ରବିନଣ୍ଟନଙ୍କ ସହ ସମ୍ପର୍କ ଏବଂ ପରିବାରକୁ ଅନୁସରଣ କରିବା ପାଇଁ ତାଙ୍କ ଅଭିନୟ କ୍ୟାରିୟର ଛାଡିବେ ବୋଲି ଶୁଣିବାକୁ ମିଳୁଥିଲା।
