ହଲିଉଡ୍ ଅଭିନେତା ଡଷ୍ଟିନ ଡାଇମଣ୍ଡଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୪୪ ବର୍ଷ ହୋଇଥିଲା। ତେବେ କ୍ୟାନ୍ସର ରୋଗରେ ଆକ୍ରାନ୍ତ ଯୋଗୁ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି। ଟିଭି ଶୋ’ ‘ସେଭ୍ ବାଏ ଦ ବେଲ’ ପାଇଁ ସେ ବେଶ୍ ଲୋକପ୍ରିୟ ଥିଲେ। ଏ ନେଇ ଡଷ୍ଟିନଙ୍କ ମୁଖପାତ୍ର ସୂଚନା ଦେଇଛନ୍ତି।
ସେ କହିଛନ୍ତି ଯେ, ଡଷ୍ଟିନ କର୍କଟ ରୋଗରେ ଆକ୍ରାନ୍ତ ଥିବା ୩ ସପ୍ତାହ ପୂର୍ବେ ଜଣାପଡ଼ିଥିଲା। ଏହା ତାଙ୍କ ସମ୍ପୂର୍ଣ୍ଣ ଶରୀରକୁ ଶୀଘ୍ର ବ୍ୟାପିଯାଇଥିଲା। ମାତ୍ର ଏହି ରୋଗକୁ ନେଇ ଡଷ୍ଟିନଙ୍କ ମୁହଁରେ ଆଦୌ ହେଲେ ଦୁଃଖ ନ ଥିଲା। ତାଙ୍କୁ କେବେବି ଦୁଃଖରେ ବୁଡି ରହିବାର ଦେଖିବାକୁ ମିଳି ନ ଥିଲା ବୋଲି ମୁଖପାତ୍ର କହିଛନ୍ତି।
କାଲିଫର୍ଣ୍ଣିଆରେ ରହୁଥିବା ଡଷ୍ଟିନ ‘ଗୁଡ୍ ମର୍ଣ୍ଣିଂ ବିସ୍ ବ୍ଲିସ୍’ରୁ ନିଜର ଅଭିନୟ କ୍ୟାରିୟର ଆରମ୍ଭ କରିଥିଲେ । ଅନେକ ରିଆଲିଟି ଶୋ’ ସେଲିବ୍ରିଟି ଫିଟ୍ କ୍ଲବ, ସେଲିବ୍ରିଟି ବକ୍ସିଂ ୨ ଏବଂ ସେଲିବ୍ରିଟି ଚାମ୍ପିୟନଶିପ୍ କୁସ୍ତି ଆଦିରେ ତାଙ୍କୁ ଦେଖିବାକୁ ମିଳିଥିଲା।