କରୋନା ମହାମାରୀ ମଧ୍ୟରେ ଆମେରିକାର ଲୋକପ୍ରିୟ ପପ୍ ଗାୟିକା କେଟି ପେରି ଏବଂ ଭାବି ସ୍ବାମୀ ଅର୍ଲାଣ୍ଡୋ ବ୍ଲୁମ୍ଙ୍କ ପ୍ରଶଂସକଙ୍କ ପାଇଁ ଗୋଟିଏ ଖୁସି ଖବର। କେଟି ଏବଂ ଅର୍ଲାଣ୍ଡୋ ନିଜ ପ୍ରଥମ ସନ୍ତାନର ମାତାପିତା ହୋଇଛନ୍ତି। କେଟି ଏକ ଶିଶୁକନ୍ୟାକୁ ଜନ୍ମ ଦେଇଛନ୍ତି। ସେମାନେ ଝିଅର ନାମ ରଖିଛନ୍ତି ଡେଜି ଡୋଭ୍ ବ୍ଲୁମ୍। ଉଭୟ ସୋସିଆଲ ମିଡିଆରେ ନିଜର ଏହି ଖୁସିକୁ ପ୍ରଶଂସକଙ୍କ ସହ ଶେୟାର କରିଛନ୍ତି।
କେଟି ଅଫିସିଆଲ ଇନ୍ଷ୍ଟାଗ୍ରାମ୍ରେ ଝିଅର ଏକ ସୁନ୍ଦର ଫଟୋ ଶେୟାର କରିଛନ୍ତି। ଏଥିରେ କେଟି, ଅର୍ଲାଣ୍ଡ ଏବଂ ଝିଅ ଡୋଭଙ୍କ ହାତ ଦେଖିବାକୁ ମିଳୁଛି। ଏହି ଫଟୋ ଶେୟାରକରି କେଟି ଲେଖିଛନ୍ତି, ଦୁନିଆକୁ ଡେଜି ବ୍ଲମ୍କୁ ସ୍ବାଗତ। ତୁମର ସୁସ୍ଥ ଏବଂ ନିରାପଦ ଆଗମରେ ଆମେ ବହୁତ ଖୁସି। ଆମେ ବହୁତ ଭାଗ୍ୟବାନ ବୋଲି କେଟି ଲେଖିଛନ୍ତି।