ନୂଆଦିଲ୍ଲୀ,୬।୧: ଭାଜପାର ଆଉ ୩ଜଣ ନେତାଙ୍କୁ ଭିଆଇପି ସୁରକ୍ଷା ଦେବାକୁ ସ୍ବରାଷ୍ଟ୍ର ମନ୍ତ୍ରଣାଳୟ ନିଷ୍ପତ୍ତି ନେଇଛି। ଏହି ୩ଜଣ ନେତାଙ୍କୁ ଓ୍ବାଇ ପ୍ଲସ୍ କାଟାଗୋରୀ ସୁରକ୍ଷା ଦିଆଯାଇଛି। ଏହାପରେ ତାଙ୍କ ସହିତ ସିଆଇଏସ୍ଏଫ୍ର କମାଣ୍ଡୋ ରହିବେ। ସୂଚନାଯୋଗ୍ୟ, କେନ୍ଦ୍ର ସରକାରଙ୍କ ନଳିନ କୋହଲି, ଋତୁରାଜ ସିହ୍ନା ଏବଂ ଅଭୟ ଗିରିଙ୍କୁ ସ୍ବରାଷ୍ଟ୍ରମନ୍ତ୍ରଣାଳୟ ପକ୍ଷରୁ ଏହି ସୁରକ୍ଷା ପ୍ରଦାନ କରାଯାଇଛି। ବର୍ତ୍ତମାନ ଏହି ୩ନେତା କଡା ସୁରକ୍ଷାବଳୟରେ ରହିବେ। କୁହାଯାଉଛି, ନାଗାଲାଣ୍ଡ ନିର୍ବାଚନକୁ ଦୃଷ୍ଟିରେ ରଖି ଏହି ସୁରକ୍ଷା ପ୍ରଦାନ କରାଯାଇଛି। ନଳିନ କୋହଲି ହେଉଛନ୍ତି ଭାଜପା ନାଗାଲାଣ୍ଡର ରାଜ୍ୟ ଇନ୍ଚାର୍ଜ।
