ସାଧାରଣତଃ
ଡବା କ୍ଷୀର ଉପରେ ନିର୍ଭର କରୁଥିବା ଶିଶୁଙ୍କର କୋଷ୍ଠକାଠିନ୍ୟ ସମସ୍ୟା ଅଧିକ ଦେଖିବାକୁ ମିଳିଥାଏ। ଆପଣଙ୍କ ଶିଶୁ ଯଦି ଏପରି ସମସ୍ୟାର ଶିକାର ହୋଇଥାଏ ତେବେ ଜାଣି ରଖନ୍ତୁ କିଛି ଘରୋଇ ଉପାୟ…
ଶିଶୁକୁ ହାଲ୍କା ବ୍ୟାୟାମ କରାନ୍ତୁ। ଯେପରି କି ତା’ର ଗୋଡ଼, ହାତକୁ ଆଗ ପଛ କରି ବୁଲାନ୍ତୁ। ଏହା ସହିତ ସାବଧାନତାର ସହିତ ଗୋଡ଼କୁ ସାଇକେଲ ଭଳି ବୁଲାନ୍ତୁ।
କୋଷ୍ଠକାଠିନ୍ୟ ସମସ୍ୟା ରହିଥିଲେ ଶିଶୁକୁ ଉଷୁମ ପାଣିରେ ସ୍ନାନ କରାନ୍ତୁ। ଏହା ଫଳରେ ମାଂସପେଶୀକୁ ଆରାମ ମିଳିଥାଏ, ଏହା ସହିତ କୋଷ୍ଠକାଠିନ୍ୟ ଫଳରେ ଦରଜ ରହିଥିବା ସ୍ଥାନକୁ ବି ଆରାମ ମିଳିଥାଏ।
କୋଷ୍ଠକାଠିନ୍ୟ ଫଳରେ ଶିଶୁର ଦରଜ ହୋଇଥିବା ସ୍ଥାନରେ ନଡ଼ିଆ ତେଲ ଲଗାନ୍ତୁ। ଦରଜ କମ୍ ହେବା ସହିତ ପୁଣି ଥରେ ଝାଡ଼ା ହେବା ବେଳକୁ କଷ୍ଟ କମ୍ ହୋଇଯିବ।
ପାନମହୁରି ମଧ୍ୟ ହଜମ କରାଇବାରେ ସାହାଯ୍ୟ କରିଥାଏ। ତେଣୁ ଏକ ଚାମଚ ପାନମହୁରିକୁ ଏକ କପ୍ ପାଣିରେ ସିଝାଇ ଥଣ୍ଡା କରି ଦିଅନ୍ତୁ। ପାନମହୁରିକୁ ଛାଣି ଦେଇ ସେହି ପାଣିକୁ ଦିନକୁ ତିନି ଚାରି ଥର କରି ଶିଶୁକୁ ଚାମଚରେ ପିଆଇ ଦିଅନ୍ତୁ।
ଶରୀରରେ ପାଣି କମିଗଲେ କୋଷ୍ଠକାଠିନ୍ୟ ସମସ୍ୟା ଦେଖା ଦେଇଥାଏ। ଯଦି ଶିଶୁକୁ ୬ ମାସରୁ ଅଧିକ ହୋଇଥାଏ ତେବେ ତାକୁ ସୁପ୍, ଫଳ ରସ, କ୍ଷୀର ଓ ପାଣି ଆଦି ପିଆନ୍ତୁ।
ଶିଶୁର ସମ୍ପୂର୍ଣ୍ଣ ମାଲିସ ସହିତ ବିଶେଷକରି ପେଟ ଏବଂ ପେଟ ତଳକୁ ହାଲ୍କା ମାଲିସ କରନ୍ତୁ। ଏପରି କରିବା ଫଳରେ ଶିଶୁର କୋଷ୍ଠକାଠିନ୍ୟ ସମସ୍ୟା ଅନେକାଂଶରେ ଦୂର ହୋଇଯାଏ।