ନୂଆଦିଲ୍ଲୀ,୧୬।୫: ମେ ୨୫ରେ ଲୋକ ସଭା ନିର୍ବାଚନର ଷଷ୍ଠ ପର୍ଯ୍ୟାୟରେ ଗୁରୁଗ୍ରାମ ଲୋକ ସଭା ଆସନରେ ମତଦାନ ଅନୁଷ୍ଠିତ ହେବ। ଏଭଳି ପରିସ୍ଥିତିରେ ଗୁରୁଗ୍ରାମର କୌଣସି ନାଗରିକ ଭୋଟ ପ୍ରକ୍ରିୟା ଦ୍ୱାରା ପ୍ରଭାବିତ ନହେବାକୁ ଜଲା ନିର୍ବାଚନ ଅଧିକାରୀ ତଥା ଡିସି ନିଶାନ୍ତ କୁମାର ଯାଦବଙ୍କ ନିର୍ଦ୍ଦେଶରେ ତଥା ଭାରତର ର୍ନିବାଚନ ଆୟୋଗଙ୍କ ଦ୍ୱାରା ଧାର୍ଯ୍ୟ କରାଯାଇଥିବା ନିୟମ ଅନୁଯାୟୀ ବିଭିନ୍ନ ଅନନ୍ୟ ପଦକ୍ଷେପ ନିଆଯାଉଛି।
ନିର୍ବାଚନ ସମୟରେ ଜିଲା ନିର୍ବାଚନ ଅଧିକାରୀ ତଥା ଡିସି ନିଶାନ୍ତ କୁମାର ଯାଦବ ଏହି ଅଭିଯାନର ଶୁଭାରମ୍ଭ କରି ପଟୌଦି ବିଧାନସଭାର ଗାଁ ବଡା ଓ ନବାଡା ଫତେହପୁର ଓ ଗୁରୁଗାଓଁ ବିଧାନସଭାର ସେକ୍ଟର ୫୬ ସ୍ଥିତ ଜଳବାୟୁ ବହାରରେ ମତଦାତାଙ୍କ ଘରକୁ ଯାଇ ସମ୍ପୂର୍ଣ୍ଣ ପ୍ରକ୍ରିୟାର ଯାଞ୍ଚ କରିଥିଲେ। ଏହି ସମୟରେ ଗୁଡଗାଁଓ୍ବ ବିଧାନସଭାର ଏଆର ଏବଂ ଏସଡିଏମ ରବୀନ୍ଦ୍ର କୁମାର ଏବଂ ପଟୌଦି ବିଧାନସଭାର ଏଆରଓ ଏବଂ ଏସଡିଏମ ହୋସିୟାର ସିଂ ବି ଉପସ୍ଥିତ ଥିଲେ।
ଗୁରୁଗ୍ରାମ ଜିଲାରେ, ୧୦୨୨ ଭୋଟର ମତଦାନ କେନ୍ଦ୍ରରେ ପହଞ୍ଚିବାକୁ ଅସମର୍ଥତା ପ୍ରକାଶ କରିଥିଲେ ଏବଂ ଘରୁ ଭୋଟ ଦେବା ବିକଳ୍ପକୁ ବାଛିଥିଲେ। ଗୃହ ଭୋଟ ପାଇଁ ପଟୌଦିରେ ୧୬, ବାଦଶାହପୁରରେ ୨୮, ଗୁରୁଗାଓଁରେ ୧୭ ଏବଂ ସୋହନାରେ ୧୯ ଟି ମତଦାନ ଦଳ ନିୟୋଜିତ ହୋଇଥିଲେ। ପ୍ରତ୍ୟେକ ମତଦାନ ପାର୍ଟିରେ ଜଣେ ସେକ୍ଟର ଅଫିସର, ବିଏଲଓ, ମତଦାନ ଅଧିକାରୀ, ଜଣେ ଭିଡିଓ ଫଟୋଗ୍ରାଫର ଏବଂ ପୋଲିସ ସମେତ ମାଇକ୍ରୋ ପର୍ଯ୍ୟବେକ୍ଷକ ସାମିଲ ଥିଲେ।