ଅଧିକାଂଶ ସମୟରେ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। ଏଥିମଧ୍ୟରୁ କିଛି ଫଟୋ ଏବଂ ଭିଡିଓ ବେଶ୍ ଶିକ୍ଷଣୀୟ ହୋଇଥାଏ। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯାହାକୁ ଦେଖିଲେ ଆପଣ ବି ପ୍ରଶଂସା କରିବେ।
ଆମକୁ ପିଲାଦିନରୁ ଶିକ୍ଷା ଦିଆଯାଇଛି, ସର୍ବଦା ଅନ୍ୟମାନଙ୍କୁ ସାହାଯ୍ୟ କରିବା ଉଚିତ୍। ଯଦି କେହି ଅସୁବିଧାରେ ପଡ଼ନ୍ତି, ତେବେ ତାଙ୍କୁ କେବେବି ଏକୁଟିଆ ଛାଡ଼ିଯିବା ଉଚିତ୍ ନୁହେଁ। ବର୍ତ୍ତମାନ ଏଭଳି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହା ଆମ ସାମ୍ନାରେ ମାନବିକତାର ଏକ ଉଦାହରଣ ସୃଷ୍ଟି କରେ।
କୁହାଯାଏ, ଯେଉଁମାନଙ୍କର ଟଙ୍କା ଅଛି ସେମାନେ କିଛି କରିପାରିବେ, କିନ୍ତୁ ଆପଣ ପ୍ରାୟତଃ ଦେଖିଥିବେ ଦୁନିଆରେ ଅଧିକାଂଶ ଲୋକ ଅଛନ୍ତି, ଯେଉଁମାନଙ୍କ ପାଖରେ ବହୁତ ଟଙ୍କା ଅଛି, କିନ୍ତୁ ସେମାନଙ୍କ ହୃଦୟ ବହୁତ ଛୋଟ। ଏହାର ଅର୍ଥ ହେଉଛି ଟଙ୍କା ଥିବା ଲୋକମାନେ ପ୍ରାୟତଃ ଅନ୍ୟମାନଙ୍କୁ ସାହାଯ୍ୟ କରିବାକୁ କୁଣ୍ଠାବୋଧ ମନେ କରିଥାନ୍ତି। ସେହି ସମୟରେ ଯେଉଁମାନେ ଗରିବ, ସେମାନେ ସର୍ବଦା ସେମାନଙ୍କ ସହିତ ଛିଡ଼ା ହୁଅନ୍ତି, ସେ ମଣିଷ ହୁଅନ୍ତୁ କିମ୍ବା ପଶୁ ।
ଫଟୋରେ ଦେଖିବେ ଜଣେ ବ୍ୟକ୍ତି ହ୍ୟାଣ୍ଡକାର୍ଟ ଉପରେ ଶୋଇଛନ୍ତି। ଆଉ ତାଙ୍କ ମୁଣ୍ଡ ଉପରେ କୁକୁର ଶୋଇବା ପାଇଁ ସେ ଏକ ବେଡ୍ ମଧ୍ୟ କରିଛନ୍ତି। କୁକୁରର ଏହି ବେଡ୍କୁ ଅତି ସୁନ୍ଦର ଭାବରେ ସଜାଇଛନ୍ତି ଅସହାୟ ବ୍ୟକ୍ତି ଜଣକ। ଯେମିତି ଡବଲ ବେଡ୍ ପଡ଼ିଥିବା ପରି ଦେଖାଯାଉଛି।
ଏହି ଫଟୋକୁ ଆଇପିଏସ୍ ଅଧିକାରୀ ଦୀପାଂଶୁ କାବ୍ରା ତାଙ୍କ ଟୁଇଟରରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ‘କିଛି ଲୋକ ଏତେ ଗରିବ ଯେ, ସେମାନଙ୍କ ପାଖରେ କେବଳ’ ଟଙ୍କା ଅଛି ଏବଂ କିଛି ଲୋକ ଏତେ ଧନୀ ଅଟନ୍ତି ଯେ, ସେମାନଙ୍କ ପାଖରେ କେବଳ ହୃଦୟ ଥାଏ।
ଏହି ଫଟୋଟିକୁ ହଜାର ହଜାର ଲୋକ ପସନ୍ଦ କରିଛନ୍ତି। ୟୁଜରମାନେ ଅନେକ ଭଲ ମନ୍ତବ୍ୟ ଦେବା ସହ ସେହି ବ୍ୟକ୍ତିଙ୍କୁ ମଧ୍ୟ ଖୁବ୍ ପ୍ରଶଂସା କରୁଛନ୍ତି। ଜଣେ ୟୁଜର ଲେଖିଛନ୍ତି, ମଣିଷ ଆମେ ସମସ୍ତେ, ଯଦି କେବଳ ମାନବିକତା ଆମ ଭିତରକୁ ଆସେ, ତେବେ ଏହି ପୃଥିବୀ ସ୍ବର୍ଗଠାରୁ କମ୍ ନୁହେଁ । ସେହିପରି ଅନ୍ୟ ଜଣେ ଲେଖିଛନ୍ତି – ଧନ ପାଇଁ ଅର୍ଥର ଆବଶ୍ୟକତା ନାହିଁ, ହୃଦୟରେ ଧନୀ ବ୍ୟକ୍ତି ସମସ୍ତଙ୍କ ପାଇଁ ଦୟାଳୁ ଏବଂ ସାହାଯ୍ୟକାରୀ।