ନୂଆଦିଲ୍ଲୀ,୯।୯:ଦେଶର ପ୍ରମୁଖ ଚାରିଚକିଆ ଯାନ ନିର୍ମାତା ହୋଣ୍ଡା କାର୍ସ ଇଣ୍ଡିଆ ଲିମିଟେଡ୍ (ଏଚ୍ସିଆଇଏଲ୍)ର ଲୋକପ୍ରିୟ ଫ୍ୟାମିଲି ସେଡାନ୍ ହୋଣ୍ଡା ଆମେଜ୍ ଏକ ବିରଳ ରେକର୍ଡର ମାଇଲଖୁଣ୍ଟ ହାସଲ କରିଛି। ବିଶେଷକରି ଏହାର (ଆମେଜ୍) ପୌନପୁନିକ ବିକ୍ରୟ ୫ଲକ୍ଷ ୟୁନିଟ୍ ହୋଇଥିବା କମ୍ପାନୀ ପକ୍ଷରୁ ଘୋଷଣା କରାଯାଇଛି। ସେହିଭଳି ଆମେଜ୍ ହେଉଛି ବର୍ତ୍ତମାନ ଏଚ୍ସିଆଇଏଲ୍ର ସର୍ବାଧିକ ବିକ୍ରି ହେଉଥିବା ମଡେଲ, ଯାହାକି କମ୍ପାନୀର ବିକ୍ରୟର ୪୦% ରୁ ଅଧିକ ରହିଛି। ଏହା ଏକ ଭାରତ ଉପଯୋଗୀ ଉପତ୍ାଦ ହୋଇଥିବାରୁ ଭାରତରେ ନିର୍ମିତ ଆମେଜ୍କୁ ରାଜସ୍ଥାନରେ ହୋଣ୍ଡାର ଟାପୁକାରା ପ୍ଲାଣ୍ଟରେ ପ୍ରସ୍ତୁତ କରାଯାଇଛି। ଏହାକୁ ‘ୱାନ୍ କ୍ଲାସ୍ ଆବୋଭ୍ ସେଡାନ୍’ ଭାବେ ମଧ୍ୟ ଡିଜାଇନ କରାଯାଇଛି। ଏ ସମ୍ପର୍କରେ ହୋଣ୍ଡା କାର୍ସ ଇଣ୍ଡିଆ ଲିମିଟେଡ୍ର ପ୍ରେସିଡେଣ୍ଟ ତଥା ସିଇଓ ତାକୁୟା ସୁମୁରା କହିଛନ୍ତି, ହୋଣ୍ଡା ଆମେଜ୍ ୫ ଲକ୍ଷ ୟୁନିଟ ବିକ୍ରିର ମାଇଲଖୁଣ୍ଟ ହାସଲ କରିଥିବାରୁ ଏହା ଆମ ପାଇଁ ଏକ ଗୌରବର ବିଷୟ। ଏହି ବ୍ରାଣ୍ଡ ପାଇଁ ଗ୍ରାହକମାନେ ସେମାନଙ୍କର ଭଲ ପାଇବା ଦେଇଥିବାରୁ ଆମେ ସେମାନଙ୍କ ନିକଟରେ କୃତଜ୍ଞ ଓ ଆମ ପାର୍ଟନରମାନେ ଆମକୁ ନିରନ୍ତର ସହଯୋଗ ପ୍ରଦାନ କରୁଥିବାରୁ ଆମେ ସେମାନଙ୍କୁ ମଧ୍ୟ କୃତଜ୍ଞତା ଜ୍ଞାପନ କରୁଛୁ। ଛୋଟ ଓ ବଡ଼ ସହରରେ ଏହାର ଲୋକପ୍ରିୟତା ପ୍ରମାଣିତ କରିଛି ଯେ ପ୍ରିମିୟମ ସେଡାନ୍ କେବଳ ଗ୍ରାହକଙ୍କର ଆବଶ୍ୟକତାକୁ ପୂରଣ କରି ନ ଥାଏ ବରଂ ଏହା ସେମାନଙ୍କର ଆଶାକୁ ମଧ୍ୟ ଅତିକ୍ରମ କରିଥାଏ।
