ନୂଆଦିଲ୍ଲୀ,୪।୮: ଦେଶର ପ୍ରମୁଖ ୨ ଚକିଆ ଯାନ ନିର୍ମାତା ହୋଣ୍ଡା ମୋଟର ସାଇକେଲ ଆଣ୍ଡ ସ୍କୁଟର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ପକ୍ଷରୁ ନ୍ୟୁ ଡିଓ ସ୍ପୋର୍ଟସ୍ର ଶୁଭାରମ୍ଭ କରାଯାଇଛି। ଏହା ସୀମିତ ସମୟ ପାଇଁ ଉପଲବ୍ଧ ହେବ ବୋଲି କମ୍ପାନୀ ପକ୍ଷରୁ ମଧ୍ୟ ସୂଚନା ଦିଆଯାଇଛି। ଆଗ୍ରହୀ ଗ୍ରାହକମାନେ ନିକଟସ୍ଥ ରେଡ୍ ୱିଙ୍ଗ୍ ଡିଲରଶିପ୍ରେ ଏହାର ଅନୁଭୂତି ହାସଲ କରିପାରିବେ ଏବଂ ଅଧିକ ବିବରଣୀ ପାଇଁ କମ୍ପାନୀର ଓ୍ବେବ୍ସାଇଟ ମଧ୍ୟ ପରିଦର୍ଶନ କରିପାରିବେ। ଏ ସମ୍ପର୍କରେ ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆର ପରିଚାଳନା ନିର୍ଦ୍ଦେଶକ, ସଭାପତି ତଥା ସିଇଓ ଆତସୁସି ଓଗାତା କହିଛନ୍ତି, ଏହାର ଶୁଭାରମ୍ଭ ହେବା ପରଠାରୁ ଡିଓ ପରିବାର ଆକର୍ଷଣ ଓ ଯୁବ ସୁଲଭତାର ଏକ ମିଶ୍ରଣ ପ୍ରଦାନ କରିଛି।
ହୋଣ୍ଡା ଡିଓ ସ୍ପୋର୍ଟସ୍ରେ ୧୧୦ ସିସି ପିଜିଏମ୍-ଏଫ୍ଆଇ ଇଞ୍ଜିନ, ଏନ୍ହାନ୍ସଡ୍ ସ୍ମାର୍ଟ ପାୱାର (ଇଏସ୍ପି), ଟେଲିସ୍କୋପିକ୍ ସସ୍ପେନ୍ସନ୍, ଇଣ୍ଟିଗ୍ରେଟେଡ୍ ଡୁଆଲ୍ ଫଙ୍କ୍ସନ୍ ସ୍ବିଚ୍, ଏକ୍ସଟରନାଲ୍ ଫୁଏଲ୍ ଲିଡ୍, ପାସିଂ ସ୍ବିଚ୍ ଓ ସାଇଡ୍ ଷ୍ଟାଣ୍ଡ୍ ଇଣ୍ଡିକେଟର, କମ୍ବି ବ୍ରେକ୍ ସିଷ୍ଟମ୍ ସହ ଇକ୍ୱିଲାଇଜର୍ ଓ ତିନି ସୋପାନ ଆଡ୍ଜଷ୍ଟ୍ ହୋଇପାରୁଥିବା ପଛ ସନ୍ପେନ୍ସନ୍ ସହ ଉତ୍ତମ ଇନ୍ଧନ ମିତବ୍ୟୟିତା ପାଇଁ ୩-ଷ୍ଟେପ୍ ଇକୋ ଇଣ୍ଡିକେଟର ଇତ୍ୟାଦି ରହିଛି। ଡିଓ ସ୍ପୋର୍ଟସ୍ର ଷ୍ଟାଣ୍ଡାର୍ଡ ଭାରିଆଣ୍ଟର ଦାମ୍ (ଏକ୍ସ ଶୋ’ରୁମ୍, ନୂଆଦିଲ୍ଲୀ) ୬୮,୩୧୭ ଟଙ୍କା ଓ ଡିଲକ୍ସ ଭାରିଆଣ୍ଟ ଦାମ୍ ୭୩,୩୧୭ ଟଙ୍କା ରହିଛି।
