ଲକ୍ଷ୍ନୌ,୬।୮: ଉତ୍ତରପ୍ରଦେଶର ବାନ୍ଦାରେ ଏକ ଅଭାବନୀୟ ଘଟଣା ଘଟିଛି। ଏଠାରେ ପ୍ରେମିକା-ପ୍ରେମିକଙ୍କ ଜୀଅନ୍ତା ଜାଳି ଦିଆଯାଇଛି। ଏହି ସମ୍ବେଦନଶୀଳ ଘଟଣା ପରେ ଉଭୟଙ୍କ ମୃତ୍ୟୁ ଘଟିଛି। ମାମଲାର ସମ୍ବେଦନଶୀଳତାକୁ ଦୃଷ୍ଟିରେ ରଖି ଡିଜି ଏବଂ ଏସପି କାନପୁର ଡାକ୍ତରଖାନାରେ ପହଞ୍ଚିଛନ୍ତି। ସେଠାରେ ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଛି। ସୂଚନାନୁସାରେ, ଗାଁର ଜଣେ ଯୁବକ ଉକ୍ତ ଗାଁର ଜଣେ ଯୁବତୀଙ୍କ ସହ ପ୍ରେମ ସମ୍ପର୍କ ରଖିଥିଲେ। ବୁଧବାର ସାରେ ଝିଅଟି ପ୍ରେମିକକୁ ଭେଟିବାକୁ ଡାକିଥିଲେ। ଏହା ଜାଣିପାରି ତାଙ୍କ ପରିବାର ସଦସ୍ୟ ଉତ୍ତେଜିତ ହୋଇପଡିଥିଲେ। ପ୍ରେମିକ ପହଞ୍ଚିବା କ୍ଷଣି ଉଭୟଙ୍କୁ ପ୍ରଥମେ ଠେଙ୍ଗାରେ ପିଟିଥିଲେ। ପରେ ଦୁହଁିଙ୍କୁ ଜୀବନ୍ତ ଜାଳିଦେଇଥିଲେ। ଆହତ ଅବସ୍ଥାରେ ଲୋକମାନେ ତାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ ସେଠାରେ ଉଭୟଙ୍କର ମୃତ୍ୟୁ ହୋଇଥିଲା। ଏଥିସହ ମୃତ ଯୁବକଙ୍କ ପିତା ଝିଅର ପରିବାର ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ପୋଲିସ ବର୍ତ୍ତମାନ ମାମଲାର ତଦନ୍ତ କରୁଛି। ଏହି ମାମଲାରେ ୯ ଜଣଙ୍କ ବିରୋଧରେ ପୋଲିସ ମାମଲା ରୁଜୁ କରିଛି।
