ଆଜି କର୍ମସ୍ଥାନରେ ଚନ୍ଦ୍ର ଯୋଗୁ ପାରିବାରିକ ସ୍ଥିତି ବହୁତ ଭଲ ରହିବ। ଅଶ୍ୱିନୀ ନକ୍ଷତ୍ର ଭୁଲ୍ ବୁଝାମଣାବଶତଃ ଅନ୍ୟମାନଙ୍କୁ ସନ୍ଦେହ ଚକ୍ଷୁରେ ଦେଖିପାରନ୍ତି। ପୈତୃକ ସମ୍ପତ୍ତିକୁ କେନ୍ଦ୍ରକରି ଭ୍ରାତୃବର୍ଗ ଦ୍ୱାରା ସମସ୍ୟା ସୃଷ୍ଟିର ଆଶଙ୍କା ରହିଛି। ଅଫିସରେ ସ୍ଥଗିତ କାମ ପାଇଁ କୈଫିୟତ୍ ଦେବାକୁ ପଡ଼ିପାରେ।
ରବି ଓ ରାହୁଙ୍କ ସଂଯୋଗଜନିତ ଅର୍ଥ ସମ୍ପର୍କକୁ ନେଇ ଆତ୍ମୀୟମାନେ କଳହ ସୃଷ୍ଟି କରିପାରନ୍ତି। ସ୍ବାସ୍ଥ୍ୟ ସମସ୍ୟା ପୂର୍ବପରି ରହିବ। କୌଣସି ବନ୍ଧୁଙ୍କ ଦ୍ୱାରା ପ୍ରତାରିତ ହୋଇପାରନ୍ତି, ଯାହାଦ୍ୱାରା କି କାମଟି ଅପୂର୍ଣ୍ଣ ରହିଯାଇପାରେ। କୌଣସି ମୂଲ୍ୟବାନ ଜିନିଷ କ୍ରୟ କରିବା ସକାଶେ ହଠାତ୍ ମୋଟା ଅଙ୍କ ଅର୍ଥର ଆବଶ୍ୟକତା ଦେଖାଦେବ।
ମୃଗଶିରା ନକ୍ଷତ୍ର ପାଇଁ ଭଲ ସମ୍ପର୍କ ନ ଥିବା ଆତ୍ମୀୟମାନେ ଫାଇଦା ହାସଲ ଲାଗି ମନ ବଳାଇପାରନ୍ତି। କର୍ମକ୍ଷେତ୍ରରେ ସୁବିଧାରେ କାମ ହାସଲ କଷ୍ଟକର ହୋଇପଡ଼ିବ। ପରିବାରରେ ପରିସ୍ଥିତିକୁ ଯଥାସାଧ୍ୟ ନିୟନ୍ତ୍ରଣ ମଧ୍ୟରେ ରକ୍ଷା କରିବାରେ ସମର୍ଥ ହେବେ। ଆର୍ଥିକ ଦିଗରୁ ଯେତେ ପାଇଲେ ମଧ୍ୟ ଅଭାବ ପିଛା ଛାଡ଼ିବ ନାହିଁ।
ଦୈହିକ ଦୁର୍ବଳତା ଯୋଗୁ ମନବଳ ଦୁର୍ବଳ ରହିଲେ ମଧ୍ୟ ପରିସ୍ଥିତିକୁ ସମ୍ଭାଳି ନେବେ। ପୁନର୍ବସୁ ନକ୍ଷତ୍ର ଆଜିର ଆନୁଷ୍ଠାନିକ କାମରୁ ଖୁସି ରହିବେ। କର୍ମକ୍ଷେତ୍ର, ପ୍ରକାଶନ, ମନୋରଞ୍ଜନ, ସାହିତ୍ୟଚର୍ଚ୍ଚା, ସଭାସମିତି, ଆଲୋଚନା ଦିଗଟି ପ୍ରଶସ୍ତ ରହିବ। ବ୍ୟବସାୟିକ କ୍ଷେତ୍ର ମନ୍ଦ ହେବନି କିନ୍ତୁ ଆଶାନୁରୂପ ନ ହେବା କାରଣରୁ ମନ ଭଲ ରହି ନ ପାରେ।
ମଙ୍ଗଳ ଯୁକ୍ତ ଶନିଶ୍ଚର, ଚନ୍ଦ୍ରଙ୍କ ଉପଚୟସ୍ଥ ଯୋଗୁ ପରିସ୍ଥିତିର ବିଷମତା ହେତୁ ଓହରି ଆସିପାରନ୍ତି। ପାରିବାରିକ କ୍ଷେତ୍ରରେ ଖର୍ଚ୍ଚ ବୃଦ୍ଧିପାଇବା ଚିନ୍ତାଜନକ ସ୍ଥିତି ଉପତ୍ନ୍ନ କରିବ। ବନ୍ଧୁଙ୍କ ନିମନ୍ତ୍ରଣକୁ ଉପେକ୍ଷା କରି ନ ପାରି ଦୂରଯାତ୍ରା କରିବାକୁ ପଡିପାରେ। ପରୋକ୍ଷ ଶତ୍ରୁତା ଯୋଗୁ ଆଜିର କୌଣସି କାମ ଉତ୍ସାହପ୍ରଦ ହେବ ନାହିଁ।
ଲାଭାଧିପ କୋଣଭାବସ୍ଥ ରହିଥିବାରୁ ଆଜିର ଆଲୋଚନା ଫଳପ୍ରଦ ହେବ। କଥା ଓ କାର୍ଯ୍ୟରେ ତାଳମେଳ ନ ରହିବା ହେତୁ ସର୍ବସାଧାରଣରେ ସମାଲୋଚନାର ଶରବ୍ୟ ହେବେ। ଉତ୍ତରାଫାଲଗୁନୀ ନକ୍ଷତ୍ର ପ୍ରିୟ ବ୍ୟକ୍ତିଟିର ସମ୍ପର୍କ ହାନି ଯୋଗୁ ଚିନ୍ତା ପ୍ରକଟ କରିପାରନ୍ତି। କର୍ମକ୍ଷେତ୍ରରେ ଅସଲ ଉଦ୍ଦେଶ୍ୟ ସାଧିତ ନ ହୋଇପାରେ।
କେନ୍ଦ୍ରସ୍ଥ କର୍ମାଧିପ ଏକାଧାରରେ ପାରିବାରିକ ଶାନ୍ତି ସହ କର୍ମକ୍ଷେତ୍ରକୁ ସମସ୍ୟାମୁକ୍ତ କରାଇବ। ସ୍ବାସ୍ଥ୍ୟ ସମସ୍ୟା ସାଙ୍ଗକୁ ଅର୍ଥସଙ୍କଟ ମଧ୍ୟ ବିଶାଖାର ମାନସିକ ଅଶାନ୍ତିର କାରଣ ହୋଇପାରେ। ଦିନଟିରେ ଯାହା ଉପରେ ଭରସା କରିବେ ସେହି ବ୍ୟକ୍ତି ହିଁ ସମସ୍ୟାର କେନ୍ଦ୍ରବିନ୍ଦୁ ପାଲଟି ଯିବାର ଆଶଙ୍କା ରହିଛି।
ପରିସ୍ଥିତିର ବିଡ଼ମ୍ବନା ଯୋଗୁ ପ୍ରିୟ ବ୍ୟକ୍ତିଟିର ଛଳନା ଓ ପ୍ରତାରଣାପୂର୍ଣ୍ଣ କଥାରେ ମନରୁ ସରସତା ଉଭେଇଯିବ। ଅନୁରାଧା ନକ୍ଷତ୍ର ସମସ୍ୟା ମଧ୍ୟରେ ଗତି କରୁଥିବା କାରଣରୁ ଗଠନମୂଳକ କାର୍ଯ୍ୟ ମନ୍ଥର ହୋଇପାରେ। ଆଜିର ଯାତ୍ର୍ରା ସମୟରେ ଦ୍ରବ୍ୟ ନଷ୍ଟ ଯୋଗୁ କ୍ଷୋଭ ପ୍ରକାଶ କରିପାରନ୍ତି। ପାରିବାରିକ ଜୀବନ ସୁଖରେ କଟିବ।
ଧନଭାବସ୍ଥ ଚନ୍ଦ୍ର ପ୍ରଭାବରୁ ଆଶା କରି ନ ଥିବା ଦିଗରୁ ଅର୍ଥପ୍ରାପ୍ତିର ସମ୍ଭାବନା ରହିଛି। ଜମିଜମା, ନୂତନ ପ୍ରକଳ୍ପ, ପ୍ରଶାସନ, ପ୍ରଶାସନିକ ସ୍ତରରେ ଚୁକ୍ତିପତ୍ର ସ୍ବାକ୍ଷରିତ ହୋଇପାରେ। ବାଣିଜ୍ୟ, ବ୍ୟବସାୟ ଓ ପରିବହନ ପାଇଁ ବିଶେଷ ଅସୁବିଧା ହେବ ନାହିଁ। ପୂର୍ବାଷାଢ଼ା ନକ୍ଷତ୍ର ବନ୍ଧୁମାନଙ୍କ ସହ ଆଳାପ ଆଲୋଚନାରେ ସମୟ କଟାଇପାରନ୍ତି।
ଚନ୍ଦ୍ରଙ୍କ ସୁପ୍ରଭାବରୁ ପାରିବାରିକ କ୍ଷେତ୍ରରେ ପ୍ରତିକୂଳ ପରିସ୍ଥିତିର ଚାପ କମି ଯିବାରୁ ଆଶ୍ୱସ୍ତି ଲାଭ କରିବେ। କର୍ମକ୍ଷେତ୍ରରେ ନିଜର ଅପରିଣାମଦର୍ଶିତା କାରଣରୁ କେତେକ କାମ କରି ସମସ୍ୟାକୁ ଡାକି ଆଣିପାରନ୍ତି। ଆମଦାନୀ କାରବାର ବାଧାପ୍ରାପ୍ତ ହେବା କାରଣରୁ କ୍ଷତିର ଆଶଙ୍କା ରହିଛି। ଉପରିସ୍ଥଙ୍କ ଆଦେଶକୁ ମାନିବାକୁ ବାଧ୍ୟ ହେବେ।
ଶନି କ୍ଷେତ୍ରସ୍ଥ ମଙ୍ଗଳ ଯୋଗୁ ସ୍ବାସ୍ଥ୍ୟ ସମସ୍ୟା ସହ କାର୍ଯ୍ୟହାନିର ଅସନ୍ତୋଷ ମାନସିକ ଅଶାନ୍ତିର କାରଣ ହେବ। ପାରିବାରିକ ସ୍ତରରେ ପୁରୁଣା କଥାକୁ ବେଶି ଆଲୋଚନା କରିବା ଠିକ୍ ହେବନି। ନିଜ ଅସଫଳତାର କାରଣ ଖୋଜିବାକୁ ଯାଇ ପ୍ରତ୍ୟେକ ଘଟଣାକୁ ସନ୍ଦେହ ଦୃଷ୍ଟିରେ ଦେଖିପାରନ୍ତି। ସାମ୍ବାଦିକତା, କ୍ରୀଡ଼ା କ୍ଷେତ୍ରରେ ସୁନାମ ଅର୍ଜିବେ।
ଆଜିର କର୍ମକ୍ଷେତ୍ରରେ ପରିସ୍ଥିତି ସହ ଲଢ଼େଇ କରି ଦକ୍ଷତା ପ୍ରତିପାଦନ କରିପାରିବେ। କଳା, ସାହିତ୍ୟ, ସାମ୍ବାଦିକତା, ପ୍ରକାଶନ, ପ୍ରଶାସନ ଓ ରାଜନୀତି କ୍ଷେତ୍ରରୁ ସୁଫଳ ମିଳିବ। ଉତ୍ତରଭାଦ୍ରପଦ ନକ୍ଷତ୍ର ସକାଶେ ପାରିବାରିକ କ୍ଷେତ୍ର ଓ କର୍ମକ୍ଷେତ୍ର ପ୍ରାୟତଃ ମଧ୍ୟମ ଧରଣର ରହିବ। ସଭାସମିତି, ମାଲିମକଦ୍ଦମା, ଜମିଜମା ଓ ବାଣିଜି୍ୟକ କାରବାର ମନ୍ଦ ହେବନି।