ଲସ୍ ଏଞ୍ଜେଲ୍ସ: ଚଳିତ ବର୍ଷ ଓସ୍କାର ସମାରୋହକୁ ପ୍ରଥମ ଥର ପାଇଁ ୩ ମହିଳା ହୋଷ୍ଟ କରିଛନ୍ତି। ରେଜିନା ହଲ, ଏମି ଶ୍ଚୁମର ଏବଂ ଓ୍ବାଣ୍ଡା ସାଇକ୍ସ ୯୪ତମ ଓସ୍କାର କାର୍ଯ୍ୟକ୍ରମରେ ଅତିଥି ସତ୍କାରକ ସାଜିଥିଲେ। ଦୁଇ ବାନ୍ଧବୀଙ୍କ ସହ ଏହି ବଡ଼ କାର୍ଯ୍ୟକ୍ରମ ହୋଷ୍ଟ କରିବାର ସୁଯୋଗ ମିଳିଥିବାରୁ ଖୁସି ବୋଲି ଏମି ଇନ୍ଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ଶେୟାର କରିଛନ୍ତି। ୨୦୧୮ରେ ଆୟୋଜିତ ଓସ୍କାର ସମାରୋହରେ ପ୍ରଥମଥର ପାଇଁ ଅତିଥି ସତ୍କାରକ ରଖାଯାଇଥିବାବେଳେ ୩୫ ବର୍ଷରେ ପ୍ରଥମ ଥର ତିନି ଜଣ ମହିଳାଙ୍କୁ ହୋଷ୍ଟିଂ ଦାୟିତ୍ୱ ଦିଆଯାଇଥିଲା। ଏହାପୂର୍ବରୁ ୧୯୮୭ରେ ଅନୁଷ୍ଠିତ ସମାରୋହରେୁ ଗୋଲ୍ଡି ହଉନ, ଚେଭି ଚେଜ୍ ଏବଂ ପାଉଲ ହଗାନ କାର୍ଯ୍ୟକ୍ରମ ହୋଷ୍ଟ କରିଥିଲେ। ୨୦୧୪ରେ ଇଲେନ ଡିଜେନରସ୍ ପ୍ରଥମ ମହିଳା ଭାବେ କାର୍ଯ୍ୟକ୍ରମ ହୋଷ୍ଟ କରିଥିଲେ।
ଲତା,ଦିଲୀପ କୁମାରଙ୍କୁ ଅଣଦେଖା
ଓସ୍କାର ସମାରୋହରେ ଭାରତର ସ୍ବର ସାମ୍ରାଜ୍ଞୀ ଲତା ମଙ୍ଗେସକର ଏବଂ ଅଭିନେତା ଦିଲୀପ କୁମାରଙ୍କୁ ଶ୍ରଦ୍ଧାଞ୍ଜଳି ଦିଆ ନ ଯିବା କଥା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ବଲଉଡ୍ ଇଣ୍ଡଷ୍ଟ୍ରିରେ ଏହି ଦୁଇ ଦିବଂଗତ କଳାକାରଙ୍କ ଅତୁଳନୀୟ ଅବଦାନ ସତ୍ତ୍ୱେ ଓସ୍କାରରେ ସେମାନଙ୍କୁ ଅଣଦେଖା କରାଯିବା ବହୁ କଳାକାରଙ୍କ ମନରେ ଅସନ୍ତୋଷ ସୃଷ୍ଟି କରିଛି।