ଉତ୍ତର ପ୍ରଦେଶରେ ବର୍ତ୍ତମାନ ପ୍ରବଳ ଥଣ୍ଡା ପଡ଼ିଛି। ପାହାଡ଼ିଆ ଅଞ୍ଚଳରେ ତୁଷାରପାତ ହେଉଥିବାବେଳେ ସବୁ ସ୍ଥାନରେ କୁହୁଡ଼ି ଦେଖିବାକୁ ମିଳୁଛି। ଏପରିକି ମୁମ୍ବାଇରେ ତାପମାତ୍ରା ଯଥେଷ୍ଟ ହ୍ରାସ ପାଇଛି ଏବଂ ଥଣ୍ଡା ବୃଦ୍ଧି ପାଇଛି। ଅନେକ ସ୍ଥାନରେ ମଧ୍ୟ ବର୍ଷା ହେଉଛି। ଏଭଳି ପରିସ୍ଥିତିରେ ବିଭିନ୍ନ ସହରରେ ପ୍ରବଳ ଥଣ୍ଡା ଯୋଗୁ ଲୋକେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି।
ଏହି ସମୟରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି, ଯାହା ଲୋକଙ୍କୁ ଆଶ୍ଚର୍ଯ୍ୟ କରିଛି। ଯେଉଁଥିରେ ପାଣି ବଦଳରେ ଟ୍ୟାପ୍ରୁ ଗରମ ଚା’ ବାହାରୁଛି। ଆପଣ ଜାଣି ଆଶ୍ଚର୍ଯ୍ୟ ହେବେ। ମାତ୍ର ଭିଡିଓ ଦେଖିଲେ ବିଶ୍ୱାସ କରିପାରିବେ।
ଭିଡିଓରେ ଟ୍ୟାପ୍ରୁ ଗରମ ଚା’ ବାହାରୁଛି। ଲୋକେ ଧାଡ଼ିବାନ୍ଧି ପେପର କପ୍ ଦେଖାଇ ଏଥିରୁ ଚା’ ନେଉଛନ୍ତି। ଭିଡିଓଟି ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି। କିଛି ଲୋକ ଏହା ଦେଖି ଆଶ୍ଚର୍ଯ୍ୟ ହୋଇଯାଇଥିବା ବେଳେ ଆଉ କିଛି ଲୋକ ଭିଡିଓ ଦେଖିବା ପରେ ସେମାନଙ୍କ ହସ ବନ୍ଦ କରିପାରୁନାହାନ୍ତି। ଭିଡିଓଟିକୁ ବର୍ତ୍ତମାନ ୧୦ ଲକ୍ଷରୁ ଅଧିକ ଲୋକ ଦେଖିସାରିଲେଣି। ଜଣେ ୟୁଜର ଲେଖିଛନ୍ତି, ଏହି ଚା’ର ଭଣ୍ଡାର କୁଆଡ଼େ?