ଲାଞ୍ଜିଗଡ଼,୬।୩(ଡି.ଏନ.ଏ): ବିଦ୍ୟୁତ୍ ଶଟ୍ ସର୍କିଟରୁ ନିଆଁ ଲାଗି ଜଣେ ମହିଳାଙ୍କ ଘର ପୋଡ଼ି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଫଳରେ ମହିଳାଙ୍କ ପରିବାର ସର୍ବସ୍ବାନ୍ତ ହୋଇଯାଇଛନ୍ତି।
ମିଳିଥିବା ସୂଚନା ମୁତବକ, ଲାଞ୍ଜିଗଡ଼ ବ୍ଲକ ଗୋବର୍ଦ୍ଧନପୁର ପଞ୍ଚାୟତ ଗୋବର୍ଦ୍ଧନପୁର ଗାଁର ଗୋମତୀ ହରିଜନ ଗାଁର ଶେଷମୁଣ୍ଡରେ ପୁଅ ଓ ଝିଅଙ୍କୁ ନେଇ ଏକ ଘର କରି ରହୁଥିଲେ। ପରିବାର ପ୍ରତିପୋଷଣରେ ସମସ୍ୟା ହେବାରୁ ଗୋମତୀଙ୍କ ସ୍ବାମୀ ସନ୍ତୋଷ ହରିଜନ ଦାଦନ ଖଟିବାକୁ କେରଳ ଯାଇଛନ୍ତି। ଘରେ ଗୋମତୀ ନିଜ ପୁଅ ଝିଅଙ୍କୁ ଧରି ରହୁଥିଲେ। ରବିବାର ଘରେ ଲାଗିଥିବା ବିଦ୍ୟୁତ୍ ତାରରେ ଶଟ୍ ସର୍କିଟ ହୋଇ ନିଆଁ ଲାଗିଯାଇଥିଲା। ଫଳରେ ତାଙ୍କର ଦୁଇ ବଖରା ଘର ପୋଡି ପାଉଁଶ ହୋଇଯାଇଛି। ଏନେଇ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଗୋମତୀ ନିବେଦନ କରିଛନ୍ତି।
