କେନ୍ଦୁଝର,୨୦ା୮(ସ୍ବ.ପ୍ର): ଲଘୁଚାପଜନିତ ଲଗାଣ ବର୍ଷା ବ୍ୟାପକ କ୍ଷୟକ୍ଷତି ଘଟାଇଛି। ଏଭଳି ସ୍ଥିତିରେ କେନ୍ଦୁଝର ସଦର ବ୍ଲକ ବାଉରୀପଦା ପଞ୍ଚାୟତ ବନମାଳୀପୁର ଗ୍ରାମର ନିତ୍ୟାନନ୍ଦ ମହାନ୍ତଙ୍କ ଘର ଲଗାଣ ବର୍ଷାରେ ଘରକାନ୍ଥ ଭାଙ୍ଗି ଭୁଶୁଡି ପଡିଛି। ସୌଭାଗ୍ୟବଶତଃ ପରିବାର ଲୋକେ ଅଳ୍ପକେ ବର୍ତ୍ତିଯାଇଛନ୍ତି। କିନ୍ତୁ କାନ୍ଥ ତଳେ ଚାପି ହୋଇ ଆସବାବପତ୍ରସବୁ ନଷ୍ଟ ହୋଇଯାଇଛି। ଲଗାଣ ବର୍ଷା ସାଙ୍ଗକୁ ଡ୍ରେଜେନ ବ୍ୟବସ୍ଥା ନ ଥିବାରୁ ପାଣି କାନ୍ଥକୁ ଲାଗି ରହିଥିଲା। ଫଳରେ ଘର କାନ୍ଥ ପଡ଼ିଯାଇଛି ବୋଲି ନିତ୍ୟାନନ୍ଦ କହିଛନ୍ତି। ଜିଲା ପ୍ରଶାସନ ଘଟିଣାର ତଦନ୍ତ କରି ସହାୟତା ଯୋଗାଇ ଦେବାକୁ ସେ ଦାବି କରିଛନ୍ତି।