ପାଟଣା,୧୮।୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ସାହାରପଡ଼ା ସେକ୍ସନ ମାଛଗଡ଼ ବିଟ୍ ଅଞ୍ଚଳରେ ସୋମବାର ବିଳମ୍ବିତ ରାତିରେ ଏକ ୭ ଜଣିଆ ହାତୀପଲ ପଶି ଉପଦ୍ରବ କରିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।
ଠାକୁରମୁଣ୍ଡା ରେଞ୍ଜରୁ ଏହି ହାତୀ ପଲ ଆସି ସାହାରପଡ଼ା ସେକ୍ସନର ହିଞ୍ଜଳଗାଡ଼ିଆ, କଣ୍ଟିଡ଼ିହା, ଚୁଆ ପାଣି ଗ୍ରାମରେ ପଶି ଉପଦ୍ରବ କରିବା ସହ ପନିପରିବା ଚାଷ ନଷ୍ଟ କରିଥିବା ଜଣାପଡିଛି। ସେହିପରି ଚୁଆପାଣି ଗ୍ରାମର ଅକ୍ଷୟ କୁମାର ମହାନ୍ତଙ୍କ ଘର ଭାଙ୍ଗିବା ସହ ପରିବା ଚାଷକୁ ଦଳି ନଷ୍ଟ କରିଦେଇଛନ୍ତି। ହାତୀପଲ ବର୍ତ୍ତମାନ ମୟୁରଭଞ୍ଜ ଜିଲା କରଞ୍ଜିଆ ରେଞ୍ଜ ଟିକାସିଲ ଜଙ୍ଗଲରେ ଡେରା ପକାଇଥିବା ରେଞ୍ଜର ଟିକେଶ୍ୱର ମହାନ୍ତ ସୂଚନା ଦେଇଛନ୍ତି। ଗାଁ ନିକଟ ଜଙ୍ଗଲରେ ହାତୀପଲ ରହି ଥିବାରୁ ଲୋକେ ଭୟଭୀତ ଅବସ୍ଥାରେ ରହିଛନ୍ତି। ହାତୀ ଘଉଡାଇବାକୁ ବନ ବିଭାଗ ପକ୍ଷରୁ ଉଦ୍ୟମ ଜାରି ରହିଛି।