ବଟରକୁ ଅଧିକ ସମୟ ପର୍ଯ୍ୟନ୍ତ ବ୍ୟବହାର କରିବାକୁ ଚାହୁଁଥିଲେ ତାକୁ ଫ୍ରିଜରରେ ରଖନ୍ତୁ। ଫ୍ରିଜରେ ରଖନ୍ତୁ ନାହିଁ। ତେବେ ଏହାକୁ ଅଧିକ ଗନ୍ଧଥିବା କୌଣସି ଜିନିଷ ପାଖରେ ରଖନ୍ତୁ ନାହିଁ। କାରଣ ବଟର ଶୀଘ୍ର ଅନ୍ୟ ଜିନିଷର ଗନ୍ଧକୁ ଗ୍ରହଣ କରିନିଏ।
ଆଳୁ ପିଆଜକୁ ଏକାଠି ରଖନ୍ତୁ ନାହିଁ। ଏହା ଶୀଘ୍ର ଖରାପ ହୋଇଯାଏ। ଆଳୁକୁ ବେଶି ଦିନ ରଖିବା ପାଇଁ ଥଣ୍ଡା ଏବଂ ପବନ ବାଜୁଥିବା ସ୍ଥାନରେ ହିଁ ରଖନ୍ତୁ।
ପନିପରିବାକୁ ଧୋଇବା ପରେ ତାକୁ ଶୁଖାଇ ପେପର ଟାୱେଲରେ ବାନ୍ଧି ରଖନ୍ତୁ। ଫଳରେ ଅଧିକ ଦିନ ପର୍ଯ୍ୟନ୍ତ ପରିବା ନଷ୍ଟ ନ ହୋଇ ତାଜା ରହିବ।
ସବୁ ପ୍ରକାରର ଫଳକୁ ଏକାଠି ଗୋଟିଏ ଝୁଡ଼ିରେ ରଖନ୍ତୁ ନାହିଁ। କାରଣ କିଛି ଫଳରୁ ଇଥୋଲିନ୍ ଗ୍ୟାସ ବାହାରି ଅନ୍ୟ ଫଳକୁ ଖରାପ କରିଦିଏ। ତେଣୁ କଦଳୀ, ସେଓ, ନାଶପାତି ଆଦି ସବୁ ଫଳକୁ ଅଲଗା ଅଲଗା କରି ରଖନ୍ତୁ, ନଷ୍ଟ ନ ହୋଇ ବେଶି ଦିନ ରହିବ।
ଟମାଟୋକୁ ଫ୍ରିଜରେ ରଖିବା ଉଚିତ ନୁହେଁ। କାରଣ ଫ୍ରିଜରେ ରହିବା ପରେ ଟମାଟୋ ସିଝିବାକୁ ଅଧିକ ସମୟ ନିଏ। ଥଣ୍ଡା ଏବଂ ପବନ ଚଳାଚଳ ସ୍ଥାନରେ ଟମାଟୋକୁ ରଖିଲେ ତାହା ଅନେକ ଦିନ ରହିଥାଏ।
ବଳକା ଖାଦ୍ୟକୁ ଫ୍ରିଜରେ ରଖିବାକୁ ହେଲେ ବଡ଼ ପାତ୍ର ବଦଳରେ ଛୋଟ ପାତ୍ରରେ ହିଁ ରଖନ୍ତୁ। କାରଣ ଏହା ଶୀଘ୍ର ଥଣ୍ଡା ହୁଏ ଏବଂ ବେଶି ସମୟ ଭଲ ରହେ।
ଶସ୍ ଏବଂ ଟମାଟୋ କ୍ୟାଚଅପ୍ ଆଦି ଫ୍ରିଜରେ ରଖିବା ପୂର୍ବରୁ ବଟଲ୍ର ମୁହଁକୁ ଭଲଭାବେ ସଫା କରି ବନ୍ଦ କରି ରଖନ୍ତୁ। ନଚେତ୍ ତାହା ଶୀଘ୍ର ଖରାପ ହୋଇଯିବ।