ନୂଆଦିଲ୍ଲୀ,୨।୮: ଓ୍ବେଷ୍ଟଇଣ୍ଡିଜ ବିପକ୍ଷରେ ସୋମବାର ଖେଳାଯାଇଥିବା ଦ୍ୱିତୀୟ ଟି୨୦ ମୁକାବିଲାରେ ଟିମ୍ ଇଣ୍ଡିଆ ପରାଜିତ ହୋଇଛି। ପ୍ରଥମେ ଭାରତର ବ୍ୟାଟିଂ ଫ୍ଲପ ସାବ୍ୟସ୍ତ ହୋଇଥିଲା। ଫଳରେ ବୋଲର୍ମାନେ ମ୍ୟାଚ୍କୁ ଜିତାଇପାରି ନ ଥିଲେ। ଏହସତ୍ତ୍ୱେ ଜଣେ ବୋଲରଙ୍କ ଭୂରି ପ୍ରଶଂସା କରାଯାଉଛି। ସେ ହେଲେ ଭାରତର ଯୁବ ଦ୍ରୁତ ବୋଲର୍ ଅର୍ଶଦୀପ ସିଂହ।
୨୩ ବର୍ଷୀୟ ଅର୍ଶଦୀପ ଓ୍ବେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ ଟି୨୦ରେ ୪ ଓଭର ବୋଲିଂ କରିଥିଲେ। ଏଥିରେ ସେ ମାତ୍ର ୨୪ ରନ୍ ଦେଇଥିଲେ। ବିଶେଷକରି ୧୯ତମ ଓଭରରେ ଅର୍ଶଦୀପ ୬ ରନ୍ ଦେଇ ଗୋଟିଏ ଉଇକେଟ ନେଇଥିଲେ। ସେତେବେଳେ ଭାରତ ଜିତିଯାଇପାରେ ବୋଲି ଅନୁମାନ କରାଯାଇଥିଲା। ହେଲେ ପରବର୍ତ୍ତୀ ଓଭରରେ ଆବେଶ ଖାଁ ୧୦ ରନ୍ ବଞ୍ଚାଇପାରି ନ ଥିଲେ।
ପ୍ରଥମେ ଭାରତ ବ୍ୟାଟିଂ କରି ୧୩୮ ରନ୍ ସ୍କୋର କରିଥିଲା। ଓ୍ବେଷ୍ଟଇଣ୍ଡିଜ ଦଳ ଏହି ଲକ୍ଷ୍ୟକୁ ପିଛା କରି ଭଲ ଆରମ୍ଭ କରିଥିଲେ। ହେଲେ ଅନ୍ତିମ କିଛି ଓଭରରେ ଦଳ ଚାପରେ ରହିଥିଲା। ଶେଷ ୨ ଓଭରରେ ୧୬ ରନ୍ର ଆବଶ୍ୟକତା ଥିଲା। ସେତେବେଳେ ରୋହିତ ଅର୍ଶଦୀପଙ୍କୁ ବୋଲିଂ ଦେଇଥିଲେ।
ଅଧିନାୟକଙ୍କ ବିଶ୍ୱାସ ଅନୁଯାୟୀ ଅର୍ଶଦୀପ ମାତ୍ର ୬ ରନ୍ ଦେଇ ଏକ ଉଇକେଟ ନେଇଥିଲେ। ଚାପରେ ଥାଇ ବି ଅର୍ଶଦୀପଙ୍କ ଏଭଳି ବୋଲିଂ ଅନେକଙ୍କୁ ଚକିତ କରିଥିଲା। ସେ ନିଜର ତୃତୀୟ ଟି୨୦ ଅ ଅନ୍ତର୍ଜାତୀୟ ମ୍ୟାଚ୍ରେ ଭଲ ପ୍ରଦର୍ଶନ କରି ବାହାବା ସାଉଁଟୁଛନ୍ତି। ଏଭଳିସ୍ଥିତିରେ ଆଗାମୀ ଦିନରେ ହେବାକୁ ଥିବା ବିଶ୍ୱକପ୍ ଟିମ୍ରେ ଅର୍ଶଦୀପଙ୍କୁ ସୁଯୋଗ ମିଳିପାରେ ବୋଲି କୁହାଯାଉଛି।
A🎯S🎯D🎯E🎯
Our 🦁 nailed it yet again at the death last night 🔥#WIvIND #SaddaPunjab #PunjabKings #Arshdeep pic.twitter.com/lSDGQEssaF
— Punjab Kings (@PunjabKingsIPL) August 2, 2022
