ନୂଆଦିଲ୍ଲୀ, ୩୦।୦୭: ସଂସଦରେ ଜାରି ରହଛି ମୌସୁମୀ ଅଧିବେସନ । ବିରୋଧୀ ଦଳ ନେତା ରାହୁଲ ଗାନ୍ଧୀ ବଜେଟ୍କୁ ନେଇ ଗତକାଲି ସଂସଦରେ ହାଲ୍ଲା କରିଛନ୍ତି । କେନ୍ଦ୍ରୀୟ ବଜେଟ୍ ପୂର୍ବରୁ ହୋଇଥିବା ହଲୱା ସେରେମନି ସମୟର ଫଟୋ ଦେଖାଇ କହିଥିଲେ ଯେ, ଏଥିରେ ବଜେଟ୍ର ହଲୱା ବଣ୍ଟା ଯାଉଛି । କିନ୍ତୁ ଫଟୋରେ ମତେ କୌଣସି ଓବିସି, ଆଦିବାସୀ କିମ଼୍ବା ଦଳିତଙ୍କ ସମସ୍ୟା କାଇଁ ଦେଖାଯାଉନି । ଦେଶର ହଲୱା ବଣ୍ଟା ଯାଉଛି ହେଲେ ୭୩ ପ୍ରତିଶତ ନାହିଁ । ସେ ଆହୁରି କହିଛନ୍ତି ଯେ ବଜେଟ୍ର ହଲୱା ବଣ୍ଟା ଯାଉଛି କିନ୍ତୁ ଦେଶକୁ ହଲୱା ମିଳୁନାହିଁ ।
ତେବେ ଏହି ହଲୱାର ଜନ୍ମ ଆରବ ଦେଶରେ ବୋଲି କୁହାଯାଉଛି । ଏହି ହଲୱା ଶବ୍ଦ ଆରବୀ ଶବ୍ଦ ହୁଲୱରୁ ଆସିଛି । ଯାହାର ଅର୍ଥ ମିଠା । ପୂର୍ବରୁ ଏହି ମିଠା ଗୁଡ଼ ଏବଂ ଦୁଗ୍ଧରେ ପ୍ରସ୍ତୁତ ହେଉଥିଲା । ଆଜି ବି ଆରବ ଲୋକେ ସେମାନଙ୍କ ଘରକୁ ଆସୁଥିବା ଅତିଥିଙ୍କୁ ହଲୱା ଖୁଆଇ ଚର୍ଚ୍ଚା କରିଥାନ୍ତି । ବର୍ତ୍ତମାନ ସେମାନେ ଆରାରୁଟ, ଅଣ୍ଡା, ଚିନି, ବାଦାମ, ଘିଅ ଆଦି ବ୍ୟବହାର କରି ଏହି ହଲୱା ପ୍ରସ୍ତୁତ କରୁଛନ୍ତି ।
କୁହାଯାଏ ଦିଲ୍ଲୀରେ ସୁଲତାନ ରାଜୁତି ସମୟରେ ଆରବୀୟ ହାଲୱା ଭାରତ ଆସିଥିଲା। ହଲୱା ହୁଏତ ୧୩ ତମ ଶତାବ୍ଦୀର ଆରମ୍ଭରୁ ୧୬ ତମ ଶତାବ୍ଦୀର ମଧ୍ୟଭାଗ ମଧ୍ୟରେ ଭାରତ ଆସିଥାଇପାରେ । ହଲୱା ଏବଂ ଏହାର ରେସିପି ମାଲୱା ସୁଲତାନଙ୍କ ପାଇଁ ୧୫ଶହ ଶତାବ୍ଦୀରେ ଲେଖାଯାଇଥିବା ଏକ ପୁସ୍ତକ ’ନିମାତନାମା ବା ବୁକ ଅଫ ଡେଲିଟ୍ସ’ରେ ଉଲ୍ଲେଖ କରାଯାଇଛି।