ଇସ୍ରାଏଲ କେମିତି କଲା ଆକ୍ରମଣ, ଇରାନର କେତେ ହେଲା କ୍ଷତି ଜାଣନ୍ତୁ ସେ ସମ୍ପର୍କରେ…
05 ତେହରାନ,୧୯ା୪: ଇରାନ ଏବଂ ଇସ୍ରାଏଲ ମଧ୍ୟରେ ବିଶ୍ୱଯୁଦ୍ଧର ଆଶଙ୍କା ଆହୁରି ଗଭୀର ହେବାକୁ ଲାଗିଲାଣି। ଇସ୍ରାଏଲ ଦ୍ୱାରା ଇରାନ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ୍ ଆକ୍ରମଣ ଖବର ତୃତୀୟ ବିଶ୍ୱଯୁଦ୍ଧର ଭୟ ସୃଷ୍ଟି କରିଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଶୁକ୍ରବାର ସକାଳେ ଇରାନର ଇସ୍ଫାହାନ ସହରରେ ଏକ ବଡ଼ ଧରଣର ବିସ୍ଫୋରଣ ଶୁଭିଥିଲା। ଏହି ସହରରେ ଇରାନର ଏକ ବଡ଼ ପରମାଣୁ କାରଖାନା ଅଛି ଏବଂ ଏହି ଆକ୍ରମଣରେ ଇସ୍ରାଏଲ ଏହି ପ୍ଲାଣ୍ଟକୁ ଟାର୍ଗେଟ କରିଥିବା ଜଣାଯାଇଛି। ଏହି ଆକ୍ରମଣ ସମ୍ପର୍କରେ ଇରାନ କିମ୍ବା ଇସ୍ରାଏଲ ପକ୍ଷରୁ କୌଣସି ସରକାରୀ ବିବୃତ୍ତି ହୋଇନାହିଁ, କିନ୍ତୁ ଆମେରିକା ଏହି ଆକ୍ରମଣକୁ ନିଶ୍ଚିତ କରିଛି। ତେବେ ଇରାନର ଏକ ନ୍ୟୁଜ୍ ସଂସ୍ଥା ଏହି ଆକ୍ରମଣକୁ ଭୁଲ୍ ବୋଲି କହିଛି ଏବଂ ଇସଫାହାନର ଆଣବିକ କାରଖାନା ସମ୍ପୂର୍ଣ୍ଣ ସୁରକ୍ଷିତ ବୋଲି କହିଛି।
ଇରାନର ଜଣେ ସରକାରୀ ଅଧିକାରୀ ଏବଂ ପରେ ଇରାନର ରାଜ୍ୟ ଟେଲିଭିଜନ ପ୍ରସାରଣକାରୀ କହିଛନ୍ତି ଯେ, ଆଣବିକ ସ୍ଥାନଗୁଡିକ ଡ୍ରୋନ୍ ଦ୍ୱାରା ଟାର୍ଗେଟ ହୋଇଥାଇପାରେ। ଅନ୍ୟପକ୍ଷରେ ଆଉ ଏକ ରିପୋର୍ଟ ଅନୁଯାୟୀ, ଇସ୍ରାଏଲକୁ ଏହି ଆକ୍ରମଣରେ ଅଭିହିତ କରିଥିବା ୩ ଇରାନ ଅଧିକାରୀ ଶୁକ୍ରବାର କେନ୍ଦ୍ରୀୟ ଇରାନର ଇସ୍ଫାହାନ ସହର ନିକଟରେ ଏକ ସାମରିକ ବିମାନବନ୍ଦର ଉପରେ ଆକ୍ରମଣ କରିଥିବା ନିଶ୍ଚିତ କରିଛନ୍ତି।