ଲଣ୍ଡନ,୩।୮: ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ଭାରତୀୟ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଅଧିନାୟକ ବିରାଟ କୋହଲି ଏହି ସିରିଜକୁ ଦଳ ପାଇଁ ଏକ ବଡ଼ ସିରିଜ ବୋଲି ବର୍ଣ୍ଣନା କରିଛନ୍ତି। ସିରିଜ ଆରମ୍ଭ ହେବା ପୂର୍ବରୁ ବିରାଟ କୋହଲି କହିଛନ୍ତି ଯେ, ଇଂଲଣ୍ଡରେ ଟେଷ୍ଟ ସିରିଜ ଜିତିବା ପାଇଁ ବହୁ ପରିଶ୍ରମ ଆବଶ୍ୟକ। ତେଣୁ ଏଥିଉପରେ ସମ୍ପୂର୍ଣ୍ଣ ଧ୍ୟାନ ଦିଆଯାଉଛି। ଦୀନେଶ କାର୍ତ୍ତିକଙ୍କ ସହ ଏକ ସାକ୍ଷାତକାରରେ କୋହଲି କହିଛନ୍ତି, ଏହି ପ୍ରକାର କାର୍ଯ୍ୟଭାର ପାଇଁ ଆପଣଙ୍କୁ ମାନସିକ ଭାବେ ପ୍ରସ୍ତୁତ ହେବାକୁ ପଡ଼ିବ। ବ୍ୟକ୍ତିଗତ ଭାବେ ଇଂଲଣ୍ଡରେ ଜିତିବା ଅନ୍ୟ କୌଣସି ସ୍ଥାନରେ ଜିତିବା ଅପେକ୍ଷା ଏକ ବଡ଼ ସଫଳତା। ବ୍ୟକ୍ତିଗତ ଭାବେ ମୋ ପାଇଁ ଏଠାରେ ଟେଷ୍ଟ ମ୍ୟାଚ କିମ୍ବା ଟେଷ୍ଟ ସିରିଜ ଜିତିବା ଛଡା ଆଉ କିଛି ନାହିଁ। ଆମେ ପ୍ରତ୍ୟେକ ଟେଷ୍ଟ ମ୍ୟାଚ ଜିତିବାକୁ ଚାହୁଁ, ତାହା ମୋ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ହେବ। ଆମେ ତୃତୀୟ କିମ୍ବା ଚତୁର୍ଥ ଦିନରେ ମ୍ୟାଚ୍ ଜିତିବାକୁ ଚେଷ୍ଟା କରିବୁ। କାରଣ ମୋତେ ଆତ୍ମସମର୍ପଣ କରି ମ୍ୟାଚ୍ ବଞ୍ଚାିବାକୁ ଚେଷ୍ଟ ପସନ୍ଦ ନାହିଁ। ମ୍ୟାଚ୍ ହାରିଗଲେ ଦୁଃଖ ନାହିଁକି କିନ୍ତୁ ନିଜ ଶତପ୍ରତିଶତ ଦେବା ଜରୁରୀ ବୋଲି ସେ କହିଛନ୍ତି।
ସୂଚନାଯୋଗ୍ୟ, ଦଳ ଜୋ ରୁଟଙ୍କ ଅଧିନାୟକତ୍ୱରେ ଇଂଲଣ୍ଡ ବିପକ୍ଷରେ ଭାରତ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବ। ଯାହା ବୁଧବାର ପ୍ରଥମ ଟେଷ୍ଟରୁ ଆରମ୍ଭ ହେବ।