ନୂଆଦିଲ୍ଲୀ,୧୪।୧୨:ଭାରତର ହରନାଜ୍ ସାନ୍ଧୁ ମିସ ୟୁନିଭର୍ସ ୨୦୨୧ର ମୁକୁଟ ଜିତିଛନ୍ତି। ୨ଲାମିଟ ବର୍ଷ ବୟସରେ ହରନାଜ୍ ଟାଇଟେଲ୍ ହାତେଇଛନ୍ତି। ୭୦ ତମ ମିସ ୟୁନିଭର୍ସ ପ୍ରତିଯୋଗିତା ଚଳିତ ବର୍ଷ ଡିସେମ୍ବର ୧୨ରେ ଇସ୍ରାଏଲରେ ହୋଇଥିଲା। ତୃତୀୟ ଥର ପାଇଁ ମିସ ୟୁନିଭର୍ସ ଟାଇଟଲ ଭାରତକୁ ଆସିଛି।
ଏବେ ସମସ୍ତେ ହରନାଜ୍ ମିସ ୟୁନିଭର୍ସ ଜିତିବା ପରେ ମୁଣ୍ଡରେ ଡାଇମଣ୍ଡ କ୍ରାଉନ ବିଷୟରେ ଜାଣିବାକୁ ଚାହାଁନ୍ତି। ହୀରାର ମୂଲ୍ୟବାନ ମୁକୁଟ ସହିତ ମିସ ୟୁନିଭର୍ସକୁ ସମସ୍ତ ପ୍ରକାରର ପୁରସ୍କାର ରାଶି ଏବଂ ସୁବିଧା ଦିଆଯାଏ। ମିସ ୟୁନିଭର୍ସ ୨୦୨୦ ଆଣ୍ଡ୍ରିଆ ମେଜା ହରନାଜ୍ଙ୍କ ମୁଣ୍ଡରେ ହୀରାର ଏକ ସୁନ୍ଦର ମୁକୁଟ ସଜାଇଥିଲେ।
ହରନାଜ୍ ସାନ୍ଧୁଙ୍କ ମୁକୁଟ ପୂର୍ବରୁ ଭାରତୁ ତରଫରୁ ମିସ୍ ୟୁନିଭର୍ସ ଜିତିଥିବା ସୁସ୍ମିତା ସେନ ଏବଂ ଲାରା ଦତ୍ତଙ୍କଠାରୁ ସମ୍ପୂର୍ଣ୍ଣ ଭିନ୍ନ। ଏହି ମୁକୁଟକୁ ପୂର୍ବ ଅପେକ୍ଷା ଅଧିକ ସ୍ବତନ୍ତ୍ର କରାଯାଇଛି। ଅତ୍ୟାଧୁନିକ ମୁକୁଟ ବିଷୟରେ କହିବାକୁ ଗଲେ, ଏହା ୨୦୧୯ ମସିହାରେ ମିସ ୟୁନିଭର୍ସ ଅର୍ଗାନାଇଜେସନ ମୋୱାଡ ଅଳଙ୍କାର ମାଉୱାଡ ପାୱାର୍ ଅଫ ୟୁନିଟି କ୍ରାଉନ ଦ୍ୱାରା ପ୍ରସ୍ତୁତ ହୋଇଛି।
ଏହି ମୂଲ୍ୟବାନ ମୁକୁଟର ମୂଲ୍ୟ ୫ ନିୟୁତ ଆମେରିକୀୟ ଡଲାର ଅଟେ। ଯାହା ଭାରତୀୟ ମୁଦ୍ରା ଅନୁଯାୟୀ ୩୭,୮୭୯୦,୦୦୦ ଟଙ୍କା ଅର୍ଥାତ୍ ୩୭ କୋଟିରୁ ଅଧିକ ହେବ। ଏପର୍ଯ୍ୟନ୍ତ ଏହା ସବୁଠାରୁ ଦାମୀ ମୁକୁଟ। ୨୦୧୯ରେ ଦକ୍ଷିଣ ଆଫ୍ରିକାର ଜୋଜିବିନି ଟୁନ୍ସି, ୨୦୨୦ରେ ମେକ୍ସିକୋର ଆଣ୍ଡ୍ରେଆ ମେଜା ଏବଂ ବର୍ତ୍ତମାନ ମିସ ୟୁନିଭର୍ସ ୨୦୨୧ ହରନାଜ୍ ସାନ୍ଧୁ ଏହାକୁ ପିନ୍ଧିଛନ୍ତି। ଏହି ମୁକୁଟଟି ୧୮ କ୍ୟାରେଟ ସୁନା, ୧୭୭୦ ହୀରା ଦ୍ୱାରା ନିର୍ମିତ ହୋଇଛି ଏବଂ ଏହାର ମଧ୍ୟଭାଗରେ ଲାଗିଥିବା ହୀରାର ଓଜନ ୬୨.୮୩ କ୍ୟାରେଟ।