ବଲିଉଡ ଅଭିନେତା ବିକି କୌଶଲ ଆଜି ୩୪ତମ ଜନ୍ମଦିନ ପାଳନ କରୁଛନ୍ତି। ସେ ମେ ୧୬, ୧୯୮୮ରେ ଜନ୍ମଗ୍ରହଣ କରିଥିଲେ। ବିବାହ ପରେ ସେ ସ୍ତ୍ରୀ କ୍ୟାଟ୍ରିନା କୈଫ୍ଙ୍କ ସହ ନ୍ୟୁୟର୍କରେ ପ୍ରଥମ ଥର ପାଇଁ ପାଳନ କରିଛନ୍ତି। ସେ ‘ଗ୍ୟାଙ୍ଗସ ଅଫ ୱାସେପୁର’ରେ ସହକାରୀ ନିର୍ଦ୍ଦେଶକ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ। ଏହି ଫିଲ୍ମରେ ସେ ଏକ ଛୋଟ ଭୂମିକା ମଧ୍ୟ ଗ୍ରହଣ କରିଥିଲେ। ଏହା ପରେ, ସେ ଫିଲ୍ମ ‘ମସାନ’ରେ ଜଣେ ମୁଖ୍ୟ ଅଭିନେତା ଭାବରେ ୨୦୧୫ରେ କାମ କରିବାର ସୁଯୋଗ ପାଇଥିଲେ। ଏହି ଫିଲ୍ମଟି ତାଙ୍କ କ୍ୟାରିଅର୍ ଟର୍ଣ୍ଣି ପଏଣ୍ଟ୍ ଥିଲା। ତାଙ୍କୁ ପ୍ରକୃତ ପରିଚୟ ଦେଇଥିବା ଫିଲ୍ମଟି ହେଲା ‘ଉରି’। ଏହି ଫିଲ୍ମଟି ବିକିଙ୍କ ଭାଗ୍ୟ ବଦଳାଇ ଦେଇଥିଲା। ଆଦିତ୍ୟ ଧରଙ୍କ ନିର୍ଦ୍ଦେଶିତ ଏହି ଫିଲ୍ମ ତାଙ୍କୁ ରାତାରାତି ଷ୍ଟାର କରିଥିଲା। ଏହି ଫିଲ୍ମ ପାଇଁ ବିକିଙ୍କୁ ଜାତୀୟ ପୁରସ୍କାରରେ ସମ୍ମାନିତ କରାଯାଇଥିଲା।
ବିକି ଏକ ବିଳାଶପୂର୍ଣ୍ଣ ଶୈଳୀରେ ଜୀବନଯାପନ କରନ୍ତି। ତାଙ୍କର ମୁମ୍ବାଇରେ ଏକ ଘର ଅଛି। ବିବାହ ପରେ, ସେ ମୁମ୍ବାଇର ଅନ୍ଧେରୀ ଅଞ୍ଚଳରେ ଥିବା ଓବରେଇ ସ୍ପ୍ରିଙ୍ଗରେ କ୍ୟାଟ୍ରିନାଙ୍କ ସହ ରହୁଛନ୍ତି। ଭିକିଙ୍କ ସହ ତାଙ୍କ ପରିବାର ମଧ୍ୟ ଏହି ଘରେ ରୁହନ୍ତି।
ବିକି ମୁଖ୍ୟତଃ ଫିଲ୍ମରୁ ରୋଜଗାର କରନ୍ତି। ସେ ଗୋଟିଏ ଫିଲ୍ମ ୍ପାଇଁ ତିନିରୁ ଚାରି କୋଟି ଟଙ୍କା ନିଅନ୍ତି। ଏହା ବ୍ୟତୀତ ସେ ଅନେକ ବ୍ରାଣ୍ଡ ଏଣ୍ଡୋର୍ସମେଣ୍ଟ ମାଧ୍ୟମରେ ମଧ୍ୟ ରୋଜଗାର କରନ୍ତି। ବିକିଙ୍କ ବାର୍ଷିକ ଆୟ ପ୍ରାୟ ୪ କୋଟି ଟଙ୍କା ହେବ ବୋଲି କୁହାଯାଉଛି। ସେ ମାସକୁ ୨୫ ଲକ୍ଷରୁ ଅଧିକ ରୋଜଗାର କରନ୍ତି। ବିକିଙ୍କ ସମ୍ପତ୍ତି ମୂଲ୍ୟ ପ୍ରାୟ ୩୦ କୋଟି ଟଙ୍କା।
ବିକିଙ୍କର ଏକ ରେଞ୍ଜ ରୋଭର ଗାଡି ଅଛି। ଏହାକୁ ସେ ଗତ ବର୍ଷ କିଣିଥିଲେ। ଏହା ବ୍ୟତୀତ ତାଙ୍କର ଏକ ମର୍ସିଡିଜ ବେଞ୍ଜ ଜିଏଲ୍ସି ଏସୟୁଭି କାର୍ ଅଛି।