ଓ୍ବାଶିଂଟନ,୧୪।୭: ଗୁଗୁଲ ଏବଂ ଆଲଫାବେଟ ସିଇଓ ସୁନ୍ଦର ପିଚାଇ ତାଙ୍କର କିଛି ବୈଷୟିକ ଅଭ୍ୟାସ ବିଷୟରେ ସୂଚନା ଦେଇଛନ୍ତି। ପାସୱାର୍ଡ କେବେ ଏବଂ କେତେ ଶୀଘ୍ର ବଦଳାଯିବ ଏବଂ ସେ କେତେ ମୋବାଇଲ ଫୋନ ବ୍ୟବହାର କରନ୍ତି ସେ ସମସ୍ତ ସୂଚନା ଦେଇଛନ୍ତି। ସୁନ୍ଦର ପିଚାଇଙ୍କୁ ଏକ ସାକ୍ଷାତକାରରେ ପଚରାଯାଇଥିଲା ଯେ ସେ ନିଜ ପିଲାମାନଙ୍କୁ ଫୋନ ବ୍ୟବହାର କେତେ ସମୟ ଅନୁମତି ଦିଅନ୍ତି?ଏହାର ଜବାବରେ ସେ କହିଛନ୍ତି ଯେ ସେ ନିଜ ପିଲାମାନଙ୍କୁ ନିଜର ସୀମା ସ୍ଥିର କରିବାକୁ ସ୍ବାଧୀନତା ଏବଂ ଉତ୍ସାହ ପ୍ରଦାନ କରନ୍ତି। ମୁଁ ଏହାକୁ ଏକ ବ୍ୟକ୍ତିଗତ ଦାୟିତ୍ୱ ବୋଲି ଭାବୁଛି, ଯାହା ବ୍ୟକ୍ତିର ନିଷ୍ପତ୍ତି ହେବା ଉଚିତ୍।ସେ ପାସୱାର୍ଡକୁ କେତେଥର ବଦଳାନ୍ତି ବୋଲି ପଚରାଗଲା, ସେ କହିଥିଲେ ଯେ ସେ ବାରମ୍ବାର ପାସୱାର୍ଡ ପରିବର୍ତ୍ତନ କରନ୍ତି ନାହିଁ। ପାସୱାର୍ଡ ସମ୍ବନ୍ଧରେ ଦୁଇଟି ଫ୍ୟାକ୍ଟର୍ ପ୍ରାମାଣିକରଣ(two-factor authentication) ଗ୍ରହଣ କରିବାକୁ ସେ ପରାମର୍ଶ ଦେଇଛନ୍ତି । ଏହା ଅନେକ ପ୍ରକାରର ସୁରକ୍ଷା ଯୋଗାଏ।
ଆପଣ କେତେ ଫୋନ ବ୍ୟବହାର କରନ୍ତି ବୋଲି ପଚରାଗଲା, ସେ କହିଥିଲେ ଯେ ଏକ ସମୟରେ ବିଭିନ୍ନ କାର୍ଯ୍ୟ ପାଇଁ ୨୦ରୁ ଅଧିକ ଫୋନ ବ୍ୟବହାର କରନ୍ତି। ମୁଁ ଲଗାତାର ଫୋନ ବଦଳାଇ ନୂଆ ନେବାକୁ ଚେଷ୍ଟା କରେ ଏବଂ ମୁଁ ସବୁବେଳେ ସେଗୁଡିକୁ ପରୀକ୍ଷା କରେ। ମଣିଷ ଦ୍ୱାରା ସୃଷ୍ଟି ହୋଇଥିବା ଏହି ପ୍ରଯୁକ୍ତିବିଦ୍ୟା ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି।
