ନୂଆଦିଲ୍ଲୀ,୨୧।୨: ଯଦି ଆପଣଙ୍କ ପାଖରେ କୌଣସି ବ୍ୟବସାୟ କରିବା ଲାଗି ଯୋଜନା ରହିଛି, ଏପରିକି ଆପଣ ତାହାକୁ ବିନିଯୋଗ କରି ଏକ ପ୍ରତିଷ୍ଠାନ କରିଛନ୍ତି ତେବେ ଫଣ୍ଡିଂ ଲାଗି ସାର୍କ ଟ୍ୟାଙ୍କ ଇଣ୍ଡିଆକୁ ବାଛିପାରିବେ। ଏହି ରିଆଲିଟି ଶୋ’କୁ ନେଇ ଆଜିକାଲି ଚାରିଆଡେ ଚର୍ଚ୍ଚା। ଗୋଟିଏରୁ ବଳି ଆରେକ ବ୍ୟବସାୟୀ ଏହି ଶୋ’କୁ ଆସି ନିଜର ବ୍ୟବସାୟ ଯୋଜନା ଆଧାରରେ ଫଣ୍ଡ ହାସଲ କରୁଛନ୍ତି। ଆସନ୍ତୁ ଜାଣିବା ସାର୍କ ଟ୍ୟାଙ୍କ ଇଣ୍ଡିଆକୁ ଯିବାକୁ ହେଲେ କ’ଣ କରିବାକୁ ହେବ…
-ରେଜିଷ୍ଟ୍ରେଶନ ଫର୍ମ:ସର୍ବପ୍ରଥମେ ରେଜିଷ୍ଟ୍ରେଶନ ବିଷୟରେ ଜାଣିବାକୁ ସୋନି ଲିଭ୍ ଆପ୍ ଡାଉନଲୋଡ ନଚେତ ଅପଡେଟ୍ କରନ୍ତୁ। ଏହାର ସିଜନ ୩ ରେଜିଷ୍ଟ୍ରେଶନ ଫର୍ମ ପୂରଣ କରିବାକୁ Sonyliv.comରେ ଲଗ୍ଇନ୍ କରନ୍ତୁ। ଯଦି ଆପଣଙ୍କ ଯୋଜନା ଟିମ୍କୁ ପସନ୍ଦ ଆସିବ ତେବେ ଆପଣଙ୍କୁ ନିଜ ବ୍ୟବସାୟ ବିଷୟରେ କହିବାକୁ ହେବ। ଫଳରେ ଆଗାମୀ ପାହାଚକୁ ଯିବାର ସମ୍ଭାବନା ବଢ଼ିଯିବ।
-୩ ମିନିଟ୍ର ଭିଡିଓ ପିଚ୍: ନିଜର ବ୍ୟବସାୟ ବିଷୟରେ କହିବାକୁ ଆପଣ ୩ ମିନିଟ୍ର ଭିଡିଓ ପିଚ୍ ଅପଲୋଡ୍ କରିପାରିବେ। ଫଳରେ ଟିମ୍ ଆପଣଙ୍କ ବ୍ୟବସାୟକୁ ପୁରା ବୁଝିଯିବେ। ଭିଡିଓରେ ଆପଣଙ୍କୁ କହିବାକୁ ହେବ ଯେ କାହିଁକି ଏହି ବ୍ୟବସାୟ ଅନ୍ୟଙ୍କଠାରୁ ଅଲଗା। ଆପଣ ନୂଆ କ’ଣ କରିପାରିବେ। ଆପଣଙ୍କ ନିକଟରେ ଶୋ’ରେ ଭାଗ ନେବାକୁ ଆବଶ୍ୟକ ଯୋଗ୍ୟତା ଅଛି କି ନାହିଁ।
-ଅଡିଶନ କିଭଳି ହେବ?
ଯେଉଁଲୋକେ ପ୍ରାରମ୍ଭିକ ପର୍ଯ୍ୟାୟରେ ସଫଳ ହୋଇଥାନ୍ତି ସେମାନେ ଅଡିଶନର ସାମ୍ନା କରନ୍ତି। ତାଙ୍କୁ ନିଜର ବ୍ୟବସାୟକୁ ନେଇ ଯୋଜନା ସାର୍କ ଟ୍ୟାଙ୍କ ଇଣ୍ଡିଆ ଟିମ୍ ସମ୍ମୁଖରେ ରଖିବାକୁ ହୋଇଥାଏ। ସେମାନେ କ୍ଷମତାକୁ ଆକଳନ କରିଥାନ୍ତି। ସେଥିରେ ସର୍ବଶ୍ରେଷ୍ଠ ପ୍ରାର୍ଥୀ ଚୟନ କରିଥାନ୍ତି।
-ପରେ ହେବ ଏଣ୍ଟ୍ରି: ଯଦି ଆପଣ ଅଡିଶନରେ ସଫଳ ହୁଅନ୍ତି ତେବେ ଆପଣଙ୍କୁ ପିଚର୍ସ ବୋଲି କୁହାଯାଏ। ଏହାପରେ ଆପଣ ପ୍ୟାନେଲ ସମ୍ମୁଖରେ ଏଣ୍ଟ୍ରି କରିବେ। ଅନୁଭବୀ ନିବେଶକ ଅନ୍ତିମ ପିଚ୍ ଆଧାରରେ ଭ୍ୟାଲୁଏଶନ ଏବଂ ଆକଳନ କରି ନିବେଶ କରିପାରନ୍ତି।