ନୂଆଦିଲ୍ଲୀ, ୫।୪ : ଭାରତ ସମେତ ପୃଥିବୀର ସମସ୍ତ ଦେଶରେ ପ୍ରତିଦିନ ବହୁ ପ୍ରକାର ପ୍ରକାରର ହ୍ୟାକିଂ ହେଉଛି। ହ୍ୟାକରମାନେ ବେଳେବେଳେ ସରକାରଙ୍କୁ ଟାର୍ଗେଟ କରୁଛନ୍ତି। ଏହା ସହିତ ବହୁ ସମୟରେ ସେମାନେ ସାଧାରଣ ଲୋକଙ୍କୁ ସେମାନଙ୍କର ଶିକାର କରୁଛନ୍ତି। ଅଧିକାଂଶ ସମୟରେ ସାଧାରଣ ଲୋକଙ୍କ ସୋସିଆଲ ମିଡିଆ ଆକାଉଣ୍ଟଗୁଡ଼ିକ ହ୍ୟାକ ହୋଇଥାଏ। ବେଳେବେଳେ ପ୍ରଧାନମନ୍ତ୍ରୀ ରାଷ୍ଟ୍ରପତିଙ୍କ ଭଳିି ବଡ ବ୍ୟକ୍ତିତ୍ୱମାନଙ୍କର ସୋସିଆଲ ମିଡିଆ ଆକାଉଣ୍ଟ ମଧ୍ୟ ହ୍ୟାକ ହୋଇଥାଏ।
ସାଧାରଣ ଲୋକ ହ୍ୟାକିଂର ଶିକାର ହୁଅନ୍ତି, ସାଇବର ସୁରକ୍ଷା କମ୍ପାନୀଗୁଡିକ ଲୋକଙ୍କୁ ଡିଜିଟାଲ ଦୁନିଆରେ ନିରାପଦ ରହିବାକୁ ପରାମର୍ଶ ଦିଅନ୍ତି, କିନ୍ତୁ ଯେତେବେଳେ ସରକାରୀ ୱେବସାଇଟ ଏବଂ ସୋସିଆଲ ମିଡିଆ ଆକାଉଣ୍ଟରେ ସାଇବର ଆକ୍ରମଣ ହୁଏ, ସେତେବେଳେ ମାମଲା ଟିକେ ଗୁରୁତ୍ୱପୂର୍ଣ୍ଣ ହୋଇଥାଏ। ଗତ ପାଞ୍ଚ ବର୍ଷ ମଧ୍ୟରେ ୨୦୧୭ଠାରୁ ୬୦୦ ସରକାରୀ ସୋସିଆଲ ମିଡିଆ ଆକାଉଣ୍ଟ ଉପରେ ସାଇବର ଆକ୍ରମଣ ହୋଇଛି।
ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ମଙ୍ଗଳବାର ଲୋକ ସଭାରେ କହିଛନ୍ତି ଯେ ଗତ ପାଞ୍ଚ ବର୍ଷ ମଧ୍ୟରେ କେନ୍ଦ୍ର ସରକାରଙ୍କ ବହୁ ସୋସିଆଲ ମିଡିଆ ଆକାଉଣ୍ଟ ହ୍ୟାକ ହୋଇଛି। ସରକାରଙ୍କ ଟୁଇଟର ହ୍ୟାଣ୍ଡେଲ ଏବଂ ଇ-ମେଲ ଆକାଉଣ୍ଟକୁ ହ୍ୟାକ କରାଯାଇଥିବା ଏକ ପ୍ରଶ୍ନର ଉତ୍ତରରେ ଅନୁରାଗ ଠାକୁର କହିଛନ୍ତି। ୨୦୧୭ ପରଠାରୁ ଇତିମଧ୍ୟରେ ୬୪୧ ଟି ସରକାରୀ ଆକାଉଣ୍ଟ ହ୍ୟାକ ହୋଇଛି।
ଏକ ଲିଖିତ ଉତ୍ତରରେ ସେ କହିଛନ୍ତି ଯେ ୨୦୧୭ ରେ ମୋଟ ୧୭୫ ଆକାଉଣ୍ଟ, ୨୦୧୮ ରେ ୧୧୪ ଆକାଉଣ୍ଟ, ୨୦୧୯ ରେ ୬୧ଟି , ୨୦୨୦ରେ ୭୭ ଟି ଏବଂ ୨୦୨୧ ରେ ସର୍ବାଧିକ ୧୮୬ ଏବଂ ଚଳିତ ବର୍ଷ ୨୦୨୨ରେ ବର୍ତ୍ତମାନ ସୁଦ୍ଧା ୨୮ ଟି ସରକାରୀ ସୋସିଆଲ ମିଡିଆ ଆକାଉଣ୍ଟକୁ ହ୍ୟାକ କରାଯାଇଛି।
ସେ କହିଛନ୍ତି ଯେ ଇଲେକ୍ଟ୍ରୋନିକ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟକୁ ଭାରତୀୟ କମ୍ପୂ୍ୟଟର ଜରୁରୀକାଳୀନ ପ୍ରତିକ୍ରିୟା ଟିମ୍ (ସିଇଆରଟି-ଇନ୍) ଦ୍ୱାରା ଏହି ସୂଚନା ଉପଲବ୍ଧ କରାଯାଇଛି। ଭବିଷ୍ୟତରେ ଏଭଳି ହ୍ୟାକିଂକୁ ରୋକିବା ପାଇଁ ସରକାର ଗ୍ରହଣ କରୁଥିବା ପଦକ୍ଷେପ ସମ୍ପର୍କରେ ପଚରାଯିବାରୁ ମନ୍ତ୍ରୀ କହିଛନ୍ତି ଯେ ସାଇବର ସୁରକ୍ଷାକୁ ବଢ଼ାଇବା ପାଇଁ ସିଇଆରଟି-ଇନ୍ ଗଠନ କରାଯାଇଛି।
ଅତ୍ୟାଧୁନିକ ସାଇବର ଧମକ ଏବଂ ଡିଜିଟାଲ ଟେକ୍ନୋଲୋଜିର ନିରାପଦ ବ୍ୟବହାରକୁ ନିଶ୍ଚିତ କରିବା ପାଇଁ ଓ ଏହାକୁ ଏଡ଼ାଇବା ପାଇଁ ନିୟମିତ ବ୍ୟବଧାନରେ ଏହା ଆଲର୍ଟ ଏବଂ ପରାମର୍ଶ ପ୍ରଦାନ କରିଥାଏ। ସେ କହିଛନ୍ତି ଯେ ଉପଭୋକ୍ତାମାନଙ୍କୁ ସେମାନଙ୍କର ଡେସ୍କଟପ, ମୋବାଇଲ / ସ୍ମାର୍ଟଫୋନ ସୁରକ୍ଷିତ ରଖିବା ଏବଂ ଫିସିଙ୍ଗ ଆକ୍ରମଣକୁ ରୋକିବା ଲାଗି ସିଏସ୍ଆଇଆରଟି ସମୟ ସମୟରେ ଜାରି କରାଯାଇଥାଏ ।