ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ଫଟୋ, ଭିଡିଓ ଭାଇରାଲ ହେବାରେ ଲାଗିଛି। ଠିକ୍ ସେପରି ଏକ ଭିଡିଓ ସାମ୍ନାକୁ ଆସିଛି। ଯାହା ଏବେ ସୋସିଆଲ ମିଡିଆରେ ଘୂରିବୁଲୁଛି। ତେବେ ସେହି ଭିଡିଓରେ ଦେଖିବାକୁ ମିଳିଛି ଯେ, ବୃଦ୍ଧ ଦମ୍ପତି ଦୁହେଁ ଏକ ମଲ୍ରେ ଲଗା ହୋଇଥିବା ଗଛ ପାଖରେ ଛିଡା ହୋଇଛନ୍ତି। ଆଉ ଚାରି ପାଖକୁ ଅନାଉଛନ୍ତି। ଠିକ୍ ସେହି ସମୟରେ କେହି ନ ଥିବା ବେଳେ ଚତୁରତାର ସହ ବୃଦ୍ଧା ମହିଳା ଜଣଙ୍କ ଗଛଟିକୁ ଓପାଡି ତାଙ୍କ ବ୍ୟାଗ୍ରେ ଭର୍ତ୍ତି କରିଦେଲେ। ଶେଷରେ, କିଛି ନ ଜାଣିଲା ପରି ଦମ୍ପତି ଦୁହେଁ ସେହି ମଲ୍ରୁ ଚାଲିଗଲେ। ଏହି ଭିଡିଓକୁ ପବିଟି ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଆଉ ଏହି ଭିଡିଓକୁ ପାଖାପାଖି ୪ ଲକ୍ଷ ଲୋକ ଦେଖିସାରିଲେଣି।