ବ୍ୟକ୍ତିଗତ ଋଣ ଆମ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ । ବ୍ୟକ୍ତିଗତ ଋଣ ବିଭିନ୍ନ ପ୍ରୟୋଜନରେ ବ୍ୟବହୃତ ହୋଇପାରେ ଯେପରିକି ଋଣ ପରିଶୋଧ କରିବା, ଘର ଖର୍ଚ୍ଚ, ବିବାହ, ବ୍ୟବସାୟ ପୁନଃନବୀକରଣ ଇତ୍ୟାଦି। ଚିନ୍ତା କରନ୍ତୁ ଆପଣ, ଏକ ବ୍ୟବସାୟ କରିବାକୁ ଚେଷ୍ଟା କରୁଛନ୍ତି ଏବଂ ନିବେଶର ଅଭାବ ଯୋଗୁ ତାହା ହୋଇପାରୁ ନାହିଁ। ଯଦି ଏଭଳି ପରିସ୍ଥିତିରେ ଆପଣଙ୍କୁ କୌଣସି ବ୍ୟାଙ୍କ କିମ୍ବା ଏନ୍ବିଏଫ୍ସି ଋଣ ମିଳିଯାଏ ଆଉ କାହାରିକୁ ସାହାଯ୍ୟ ମାଗିବାକୁ ନ ପଡେ ତେବେ ତାହା ନିଶ୍ଚିତ ରୂପେ ବହୁତ ଆଶ୍ୱାସନା ଦେଇଥାଏ।
ବ୍ୟକ୍ତିଗତ ଋଣ ପାଇଁ ଯୋଗ୍ୟତା ନିର୍ଦ୍ଦେଶାବଳୀ ପ୍ରତ୍ୟେକ ବ୍ୟକ୍ତିଙ୍କ ପାଇଁ ଭିନ୍ନ ହୋଇଥାଏ। କିନ୍ତୁ ଏକ ବ୍ୟକ୍ତିଗତ ଋଣ ପାଇଁ ଆବେଦନ କରିବା ପୂର୍ବରୁ ଆପଣଙ୍କ ଯୋଗ୍ୟତା ପ୍ରମାଣିତ କରିବା ଆବଶ୍ୟକ। ନିମ୍ନୋକ୍ତ ତଥ୍ୟ ଆପଣଙ୍କୁ କିଛି ପ୍ରମୁଖ କାରଣ, ଯୋଗ୍ୟତା ନିର୍ଦ୍ଦେଶାବଳୀ ଏବଂ ସର୍ବାଧିକ ଋଣ ରାଶି ଯାହା ଆପଣ ବ୍ୟକ୍ତିଗତ ଋଣ ମାଧ୍ୟମରେ ପାଇପାରିବେ ସେ ବିଷୟରେ ଅବଗତ କରିବ।
ବ୍ୟକ୍ତିଗତ ଋଣ କ’ଣ?
ବ୍ୟକ୍ତିଗତ ଋଣ ହେଉଛି ଏକ ରାଶି ଯାହା ବ୍ୟାଙ୍କ କିମ୍ବା ଆର୍ଥିକ ସଂସ୍ଥାନରୁ ବ୍ୟକ୍ତିଗତ କାରଣ ଯୋଗୁ ନିଆଯାଏ, ଯେପରିକି ପୁନଃନବୀକରଣ, ବିବାହ, ଋଣ ସମାହାରଣ, ଇଏମ୍ଆଇ, ନିବେଶ, ଚିକିତ୍ସା ଖର୍ଚ୍ଚ ଏବଂ କ୍ରେଡିଟ୍ ଇତିହାସ ତିଆରି କରିବା। ଏହି ଋଣ ସୁଧ ସହିତ ପରିଶୋଧ କରିବାକୁ ହୋଇଥାଏ। ବ୍ୟକ୍ତିଗତ ଋଣ କାର ଏବଂ ଘର ଋଣଠାରୁ ଭିନ୍ନ। ବ୍ୟକ୍ତିଗତ ଋଣଗୁଡ଼ିକ ବ୍ୟକ୍ତିଗତ କାରଣରେ ବ୍ୟବହୃତ ହୁଏ ଏବଂ ଅନ୍ୟ ଋଣଗୁଡିକ ଅନ୍ୟାନ୍ୟ ଖର୍ଚ୍ଚ ପାଇଁ ବ୍ୟବହୃତ ହୁଏ।
ଏକ ବ୍ୟକ୍ତିଗତ ଋଣ ପାଇଁ ଆବେଦନ କରିବାକୁ ଆପଣଙ୍କୁ ଏକ ଋଣଦାତାଙ୍କ ନିକଟରେ ଆବେଦନ କରିବାକୁ ପଡ଼ିବ। ଋଣ ପ୍ରଦାନକାରୀ ଏକ ଆର୍ଥିକ ସଂସ୍ଥାନ କିମ୍ବା ବ୍ୟାଙ୍କ ହୋଇପାରେ। ଋଣଦାତା ଆପଣଙ୍କ ଆବେଦନ ଯାଞ୍ଚ କରିବେ ଏବଂ ଆପଣ ଏକ ବ୍ୟକ୍ତିଗତ ଋଣ ପାଇଁ ଯୋଗ୍ୟ କି ନୁହଁନ୍ତି ତାହା ନିର୍ଣ୍ଣୟ କରିବେ। Personal loan EMI calculator ଏକ ଅନ୍ଲାଇନ ଟୁଲ୍ ଯାହା ଇଏମ୍ଆଇ ରାଶି ଅନୁମାନ କରିବାରେ ସାହାଯ୍ୟ କରେ। ଯାହା ଲୋକଙ୍କୁ ଆର୍ଥିକ ଅନୁମାନ ଏବଂ ପରିଚାଳନା ଜାଣିବାକୁ ସାହାଯ୍ୟ କରେ।
ବ୍ୟକ୍ତିଗତ ଋଣ ପାଇଁ ଯୋଗ୍ୟତା
୧. ବୟସ: ବ୍ୟକ୍ତିଗତ ଋଣ ପାଇଁ ସର୍ବନିମ୍ନ ଯୋଗ୍ୟତା ବୟସ ୨୧ କିମ୍ବା ଊର୍ଦ୍ଧ୍ୱ ଅଟେ। ବ୍ୟକ୍ତିଗତ ଋଣ ପାଇବାରେ ବୟସ ଏକମାତ୍ର ମାନଦଣ୍ଡ ନୁହେଁ। ଯଦିଓ ଆପଣ ୨୧ କିମ୍ବା ଉର୍ଦ୍ଧ୍ୱ ଅଟନ୍ତି କିନ୍ତୁ ଅନ୍ୟ ଯୋଗ୍ୟତା ମାନଦଣ୍ଡ ପାଇଁ ଯୋଗ୍ୟ ନୁହଁନ୍ତି, ତେବେ ବ୍ୟକ୍ତିଗତ ଋଣ ପାଇପାରିବେ ନାହିଁ। ତେଣୁ, ପ୍ରତ୍ୟେକ ଆବଶ୍ୟକତା ପୂରଣ କରିବା ଜରୁରୀ ହୋଇଥାଏ।
୨. ସ୍ଥିର ଆୟ: ବ୍ୟକ୍ତିଗତ ଋଣ ଯୋଗ୍ୟତା ପାଇଁ ଅନ୍ୟ ଏକ ଗୁରୁତ୍ୱପୂର୍ଣ୍ଣ କାରଣ ହେଉଛି ଏକ ସ୍ଥିର ଆୟ। ୨ରୁ ୩ ବର୍ଷ ପର୍ଯ୍ୟନ୍ତ ଜଣେ ବ୍ୟକ୍ତିଙ୍କ ସ୍ଥିର ଆୟ ରହିବା ଆବଶ୍ୟକ। ଆର୍ଥିକ ପ୍ରତିଷ୍ଠାନ ଏବଂ ବ୍ୟାଙ୍କଗୁଡିକ ଆୟ ପ୍ରମାଣ ଆବଶ୍ୟକ କରନ୍ତି। ଦରମା ସ୍ଲିପ୍ସ ଏବଂ ବ୍ୟାଙ୍କ ଷ୍ଟେଟ୍ମେଣ୍ଟ ପରି ଆର୍ଥିକ ଦଲିଲ ଏହି ଆୟ ପ୍ରମାଣ ସାବ୍ୟସ୍ତ କରିପାରିବ।
୩. କ୍ରେଡିଟ୍ ଇତିହାସ: ଋଣଦାତାମାନେ ସାଧାରଣତଃ ଆପଣଙ୍କ କ୍ରେଡିଟ୍ ଇତିହାସକୁ ଦେଖନ୍ତି, ଯାହା ଆପଣଙ୍କ ବିଲ୍ ଠିକ୍ ସମୟରେ ପୈଠ କରିବା ବିଷୟରେ ଆପଣଙ୍କ ଗମ୍ଭୀରତାର ଧାରଣା ଦେଇଥାଏ। ଠିକ୍ ସମୟରେ ପରିଶୋଧ କରିବା ଆପଣଙ୍କ କ୍ରେଡିଟ ଇତିହାସରେ ଉନ୍ନତି ଆଣିପାରେ ଏବଂ ବ୍ୟକ୍ତିଗତ ଋଣ ପାଇବା ଲାଗି ଯୋଗ୍ୟତା ଆଧାରରେ ସମ୍ଭାବନାକୁ ବଢ଼ାଇଥାଏ।
୪. CIBIL ସ୍କୋର: କମ୍ ସୁଧ ହାର ସହିତ ଘର ଋଣ ପାଇବାରେ CIBIL ସ୍କୋର ହେଉଛି ଅନ୍ୟ ଏକ ଗୁରୁତ୍ୱପୂର୍ଣ୍ଣ କାରଣ। କିସ୍ତିଗୁଡ଼ିକର ଠିକ୍ ସମୟରେ ପରିଶୋଧ କରିବା ଦ୍ୱାରା ଉତ୍କୃଷ୍ଟ CIBIL ସ୍କୋର ବଜାୟ ରୁହେ। ସାଧାରଣତଃ ୭୩୦ ଏକ ଭଲ CIBIL ସ୍କୋର ଭାବରେ ବିବେଚନା କରାଯାଏ। ତେଣୁ, CIBIL ସ୍କୋର ଯେତେ ଅଧିକ ହୁଏ, ସୁଧ ହାର ମଧ୍ୟ ସେହି ଅନୁସାରେ କମ୍ ହୋଇଥାଏ।
୫. ଅବସ୍ଥାନ: ଋଣଦାତାମାନେ ଆପଣଙ୍କ ରହୁଥିବା ଠିକଣାର ସ୍ଥିରତା ଉପରେ ଗୁରୁତ୍ୱାରୋପ କରନ୍ତି। ଋଣଦାତାମାନେ ସ୍ଥିର ଅବସ୍ଥାନ ଇତିହାସ ଥିବା ବ୍ୟକ୍ତିବିଶେଷଙ୍କୁ ପସନ୍ଦ କରନ୍ତି।
ଉପରୋକ୍ତ କାରଣଗୁଡିକର ମୂଲ୍ୟାଙ୍କନ କରି, ଆପଣ ବ୍ୟକ୍ତିଗତ ଋଣ ପାଇଁ ଆପଣଙ୍କ ସର୍ବାଧିକ ଯୋଗ୍ୟତାକୁ ସ୍ପଷ୍ଟ ଭାବେ ବୁଝିପାରିବେ।
ବ୍ୟକ୍ତିଗତ ଋଣ ଇଏମ୍ଆଇ କାଲକୁଲେଟର୍
ବ୍ୟକ୍ତିଗତ ଋଣ କାଲକୁଲେଟର ହେଉଛି EMI ପରିମାଣର ମୂଲ୍ୟାଙ୍କନ ପାଇଁ ଏକ ଅନ୍ଲାଇନ ଉପକରଣ। ଏହା ଆପଣଙ୍କ ମାସିକ କିସ୍ତି ଆକଳନ କରିବାରେ ସାହାଯ୍ୟ କରେ, ସୁଗମ ପରିଶୋଧ ଏବଂ ଉତ୍ତମ ଅର୍ଥ ପରିଚାଳନା ପୂର୍ବାନୁମାନକୁ ସକ୍ଷମ କରେ। ଏହି ଉପକରଣଟି EMI, ସୁଧ ହାର, କାର୍ଯ୍ୟକାଳ ଇତ୍ୟାଦି ବିଷୟରେ ଏକ ବିସ୍ତୃତ ଆକଳନ ଦେଇଥାଏ।
ବ୍ୟକ୍ତିଗତ ଋଣ ପାଇଁ ଆବଶ୍ୟକୀୟ ଡକ୍ୟୁମେଣ୍ଟ
ବ୍ୟକ୍ତିଗତ ଋଣ ପାଇବାରେ ଡକ୍ୟୁମେଣ୍ଟସନ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ ସହିତ, ଜଣେ ବ୍ୟକ୍ତିଗତ ଋଣ ପାଇବା ସହଜ ଏବଂ ସରଳ ହୋଇପାରେ। ବ୍ୟକ୍ତିଗତ ଋଣ ଲାଗି ଆବେଦନ କରିବା ପାଇଁ କୌଣସି ଡକ୍ୟୁମେଣ୍ଟ ଆବଶ୍ୟକ ହୁଏ ନାହିଁ, କିନ୍ତୁ ଅଫ୍ଲାଇନ୍ ଆବେଦନ କରିବା ଲାଗି ନିମ୍ନଲିଖିତ ଡକ୍ୟୁମେଣ୍ଟ ଆବଶ୍ୟକ ହୋଇଥାଏ।
୧.ପରିଚୟ ପ୍ରମାଣ: ପରିଚୟ ପ୍ରମାଣ କରିବା ଏବଂ ଠିକଣା ଯାଞ୍ଚ କରିବା ପାଇଁ ଆଧାର କାର୍ଡ, ଭୋଟର ଆଇଡି ଏବଂ ପାସ୍ପୋର୍ଟ ଭଳି KYC ଡକ୍ୟୁମେଣ୍ଟ ଆବଶ୍ୟକ। ଏକ ସରକାରୀ ଦସ୍ତାବେଜ୍ ଯେଉଁଥିରେ ବ୍ୟକ୍ତି ଜଣକ ଭାରତର ବାସିନ୍ଦା ବୋଲି ଲେଖା ଯାଇଥାଏ ତାହା ପ୍ରଦାନ କରାଯିବା ଆବଶ୍ୟକ।
୨. ଦସ୍ତଖତ ପ୍ରମାଣ: ଦସ୍ତଖତର ପ୍ରମାଣ ପାଇଁ ପାନ୍ କାର୍ଡ ଏବଂ ବ୍ୟାଙ୍କର୍ ଯାଞ୍ଚ ପରି ଡକ୍ୟୁମେଣ୍ଟ ଆବଶ୍ୟକ।
୩. ଆୟ ପ୍ରମାଣ: ଆୟ ପ୍ରମାଣ ବ୍ୟକ୍ତିଗତ ଋଣ ପାଇଁ ଏକ ଜରୁରୀ ତଥ୍ୟ ଅଟେ। ତେଣୁ ଦରମା ସ୍ଲିପ, ବ୍ୟାଙ୍କ ଷ୍ଟେଟ୍ମେଣ୍ଟ ଏବଂ ପାସ୍ବୁକ ଭଳି ଆର୍ଥିକ ଦଲିଲ୍ ଉପରେ ଆପଣଙ୍କ ୧ରୁ ୨ ବର୍ଷର କ୍ରମାଗତ ଆୟ ପ୍ରମାଣ କରିବା ଜରୁରୀ ଅଟେ।
୪. ଠିକଣା ପ୍ରମାଣ: ଆପଣଙ୍କ ଠିକଣା ନିଶ୍ଚିତ କରିବାକୁ ବିଦ୍ୟୁତ୍ ବିଲ୍, ଭଡ଼ା ଚୁକ୍ତି ଏବଂ ରାଶନ କାର୍ଡ ପରି ଡକ୍ୟୁମେଣ୍ଟ ଆବଶ୍ୟକ। ଏହି ଡକ୍ୟୁମେଣ୍ଟ ଆପଣଙ୍କ ବାସସ୍ଥାନ ପ୍ରମାଣ ଭାବେ କାର୍ଯ୍ୟ କରେ।
୫. ନିଯୁକ୍ତି ପ୍ରମାଣ: ଆପଣ ଏକ ନିର୍ଦ୍ଦିଷ୍ଟ ସଂସ୍ଥାର କର୍ମଚାରୀ ବୋଲି ପ୍ରମାଣ କରିବାକୁ ଏକ ଅଫର୍ ଲେଟର୍ ଏବଂ କର୍ମଚାରୀ ପ୍ରମାଣପତ୍ର ପରି ଡକ୍ୟୁମେଣ୍ଟଗୁଡିକ ଆବଶ୍ୟକ।
୬. ଏକ ପୂର୍ଣ୍ଣ ଋଣ ଆବେଦନ: ଏକ ଆବେଦନକାରୀଙ୍କ ଦସ୍ତଖତ ଏବଂ ଏକ ପାସ୍ପୋର୍ଟ ସାଇଜ୍ ଫଟୋ ସହିତ ଏକ ପୂର୍ଣ୍ଣ ଋଣ ଆବେଦନ ଫର୍ମ ଆବଶ୍ୟକ।
ଆପଣ ଋଣ ପରିଶୋଧ କରିବାର ଉପାୟ ଖୋଜୁଛନ୍ତି କି? କିମ୍ବା ବିବାହ ଅଥବା ନବୀକରଣ କାର୍ଯ୍ୟ ପାଇଁ ବଜେଟ୍ ଅଭାବ ଅନୁଭବ କରୁଛନ୍ତି କି? ବ୍ୟକ୍ତିଗତ ଋଣ ଆପଣଙ୍କୁ ଆଶ୍ୱାସନା ଦେବ। ଆର୍ଥିକ ସୁପରିଚାଳନା ଏବଂ ଡକ୍ୟୁମେଣ୍ଟେସନ ଏକ ବଡ଼ ପରିବର୍ତ୍ତନ ଆଣିପାରେ। ବ୍ୟକ୍ତିଗତ ଋଣ ପାଇଁ ସର୍ବାଧିକ ଋଣ ଯୋଗ୍ୟତା ଆକଳନ କରିବା ପାଇଁ ଚିନ୍ତା କରିବାର ଆବଶ୍ୟକତା ନାହିଁ। ଏହା ବାସ କିଛି ମିନିଟର ବିଷୟ। ଆପଣଙ୍କ ଆୟ, CIBIL ସ୍କୋର ଏବଂ ଆର୍ଥିକ ଦାୟିତ୍ୱଗୁଡିକର ମୂଲ୍ୟାଙ୍କନ ଆପଣଙ୍କୁ ବ୍ୟକ୍ତିଗତ ଋଣ ପାଇଁ ଆବେଦନ କରିବା ସହ ଆଗାମୀ ସୁଯୋଗ ଲାଗି ପ୍ରସ୍ତୁତ କରିପାରିବ। ଉପଯୁକ୍ତ ମାର୍ଗଦର୍ଶନ ଏବଂ ସୂଚନା ସହିତ ଆପଣ ବ୍ୟକ୍ତିଗତ ଋଣର ଲାଭ ମଧ୍ୟ ନେଇ ପାରିବେ।