ଖରାଦିନେ ସାଧାରଣତଃ ଝାଳ ବୋହି ଶରୀରରୁ ଦୁର୍ଗନ୍ଧ ବାହାରିଥାଏ। ଏଥିପାଇଁ ମହିଳାମାନଙ୍କ ସୌନ୍ଦର୍ଯ୍ୟ ମଧ୍ୟ ଫିକା ଲାଗିଥାଏ। ତେବେ ବିଭିନ୍ନ ଘରୋଇ ଉପାୟରେ ଝାଳର ଗନ୍ଧ ଦୂରକରି କିଭଳି ଫ୍ରେଶ୍ ଅନୁଭବ କରିବେ ଜାଣିରଖନ୍ତୁ….
ଆଳୁକୁ ପତଳା ପତଳା କରି କାଟି କିଛି ସମୟ ପର୍ଯ୍ୟନ୍ତ ଅଣ୍ଡରଆର୍ମ କିମ୍ବା ଅଧିକ ଝାଳ ହେଉଥିବା ସ୍ଥାନରେ ଘଷନ୍ତୁ। ଏହାପରେ ଧୋଇ ଦିଅନ୍ତୁ। ଝାଳର ଗନ୍ଧ କମ୍ ହୋଇଯିବ।
ଟମାଟୋ ରସରେ କିଛି ଲେମ୍ବୁରସ ମିଶାଇ ଝାଳ ହେଉଥିବା ସ୍ଥାନରେ ଲଗାଇଲେ ଗନ୍ଧ ଦୂର ହୋଇଥାଏ।
ନଡ଼ିଆତେଲକୁ ୧୫ ମିନିଟ୍ ପର୍ଯ୍ୟନ୍ତ ଭଲଭାବେ ମସାଜ୍ କରନ୍ତୁ। ଏହାପରେ ପାଣିରେ ଧୋଇଦିଅନ୍ତୁ।
ଝାଳର ଗନ୍ଧ ଦୂରକରିବା ପାଇଁ ଆଲୋ ଭେରା ଜେଲ୍ ବେଶ୍ ଫଳପ୍ରଦ। ଆଲୋ ଭେରା ଜେଲ୍କୁ ଅଣ୍ଡରଆର୍ମ ସହିତ ଝାଳ ହେଉଥିବା ସ୍ଥାନରେ ଲଗାଇ ଅଧଘଣ୍ଟା ପର୍ଯ୍ୟନ୍ତ ଛାଡ଼ି ଦିଅନ୍ତୁ। ଏହାପରେ ଧୋଇଦିଅନ୍ତୁ।
ବେକିଂ ସୋଡ଼ାରେ ଲେମ୍ବୁରସ ମିଶାଇ ଏକ ପେଷ୍ଟ ତିଆରି କରନ୍ତୁ। ଏହି ପେଷ୍ଟକୁ ଲଗାଇ ୧୦ ମିନିଟ୍ ଛାଡ଼ି ଦିଅନ୍ତୁ। ଝାଳ ଗନ୍ଧ ଦୂର ହୋଇଯିବ।
ଆପଲ ସାଇଡର ଭିନେଗାରକୁ ପାଣିରେ ମିଶାଇ ଲଗାଇ କିଛି ସମୟ ପରେ ଧୋଇଦେଲେ ଗନ୍ଧ ଦୂର ହୋଇଥାଏ।
ଦିନକୁ ୨ ଥର ଆଣ୍ଟିବ୍ୟାକ୍ଟେରିଆଲ ସାବୁନ ଲଗାଇ ସ୍ନାନ କରନ୍ତୁ। ତ୍ୱଚାରେ ଥିବା ବ୍ୟାକ୍ଟେରିଆ ନଷ୍ଟ ହୋଇ ଝାଳ ଗନ୍ଧ କମ୍ ହୋଇଥାଏ।
ଖରାଦିନେ ସୂତା ଭଳି ନରମ କପଡ଼ାର ପୋଷାକ ପିନ୍ଧନ୍ତୁ। ଫଳରେ ଝାଳ କପଡ଼ାରେ ଲାଗି ଶୀଘ୍ର ଶୁଖିଯିବ ଏବଂ ଗନ୍ଧ କମ୍ ହେବ।
ଖରାଦିନେ ମସଲାଯୁକ୍ତ ଖାଦ୍ୟ, ଚିନି, ଆଲ୍କହଲ କିମ୍ବା ସିଗାରେଟ୍ ନିଅନ୍ତୁ ନାହିଁ। ଏସବୁ ଖାଦ୍ୟ ଶରୀରରେ ଦୁର୍ଗନ୍ଧ ସୃଷ୍ଟି କରିଥାଏ।
ତୁଳସୀ ଓ ନିମ୍ବପତ୍ରକୁ ବାଟି ସେଥିରେ ପେଷ୍ଟ ତିଆରି କରନ୍ତୁ। ଖରାଦିନେ ଏହି ପେଷ୍ଟକୁ ସ୍ନାନ ପୂର୍ବରୁ ଲଗାଇ ଶୁଖିବା ପରେ ସ୍ନାନ କରନ୍ତୁ।