ନୂଆଦିଲ୍ଲୀ,୨୩।୧୨: ଫେସବୁକ୍ର ମେସେଜିଂ ଆପ୍ ‘ହ୍ବାଟ୍ସଆପ୍’ ବିଶ୍ୱରେ ବ୍ୟବହୃତ ସବୁଠାରୁ ଲୋକପ୍ରିୟ ଆପ୍। ଏଥିରେ ଚାଟ୍ କରିବା ସମୟରେ କିଛି କଥା ପ୍ରତି ଅନେକେ ଡ଼ରିଥାନ୍ତି। ସେଇଟି ହେଲା ଗୋପନୀୟ ଚାଟ୍କୁ କେହି ପଢ଼ିଦେବେନି ତ। ଏଥିପାଇଁ ସେମାନେ ଚାଟ୍କୁ ଡିଲିଟ୍ ମଧ୍ୟ କରିଦେଇଥାନ୍ତି। ହେଲେ ଯଦି ଆପଣ ଚାଟ୍କୁ ଡିଲିଟ୍ କରିବାକୁ ଚାହାନ୍ତି ନାହିଁ ଏବଂ ଆପଣ ଚାହାନ୍ତି ତାକୁ ଅନ୍ୟ କେହି ନ ପଢ଼ନ୍ତୁ ତେବେ ଏଭଳି ଉପାୟ ଆପଣାନ୍ତୁ।
ହ୍ବାଟ୍ସଆପ୍ର ଏକ ଫିଚର ରହିଛି। ଏଥିରେ ସ୍କ୍ରିନ୍ରୁ ଡିଲିଟ୍ କରିବା ବିନା ହିଁ ହ୍ବାଟ୍ସଆପ୍ ହଟାଇଦେଇଥାଏ। କେହି ଚାହିଁଲେ ପୁନର୍ବାର ଉକ୍ତ ଚାଟ୍କୁ ଫେରାଇ ଆଣିପାରିବେ। ଉଭୟ ଗ୍ରୁପ୍ ଏବଂ ବ୍ୟକ୍ତିଗତ ଚାଟ୍କୁ ଏହି ଉପାୟରେ ଲୁଚାଇ ହେବ।
ହ୍ବାଟ୍ସଅପ୍ ଚାଟ୍କୁ କିଭଳି ଲୁଚାଇବେ:
-ଫୋନ୍ରୁ ହ୍ବାଟ୍ସଆପ୍ ଖୋଲନ୍ତୁ
-ଆପ୍ ଖୋଲିବା ପରେ ଯେଉଁ ଚାଟ୍କୁ ଲୁଚାଇବାକୁ ଚାହୁଁଛନ୍ତି, ତାକୁ କିଛି ସମୟ ଆଙ୍ଗୁଠିରେ ଚାପି ରଖନ୍ତୁ
-ଏହାପରେ ଆପଣଙ୍କୁ ଉପର ଭାଗରେ କିଛି ଅପ୍ଶନ୍ ଦେଖାଯିବ। ସେଥିରୁ ଗୋଟିଏ ହେଲା ‘Archive /ଆର୍କାଇଭ୍’। ଏହାକୁ ଚୟନ କରନ୍ତୁ।
-ଏହିପରି କରିବା ପରେ ଡିଲିଟ୍ ନ କରି ବି ଆପଣ ଚାଟ୍କୁ ଲୁଚାଇପାରିବେ। ଦରକାର ସମୟରେ ପୁଣିଥରେ ପାଇପାରିବେ।
