ମୁମ୍ବାଇ : ଇଣ୍ଡିଆନ ଆଇଡଲ- ୧୨ ବିଜେତା ପଓ୍ବନଦୀପ ରାଜନ ଏବଂ ଅରୁଣିତା କାଞ୍ଜିଲାଲ ଏବେ ବେଶ ପରିଚିତ। ଏହି ଯୋଡି ଏବେ ଖୁବ୍ ଚର୍ଚ୍ଚାରେ। ନିକଟରେ ଏହି ଯୋଡି ଅଭିନେତା ହ୍ରିତିକ୍ ରୋଶନ ଏବଂ ତାଙ୍କ ବାପା, ମାଙ୍କୁ ମୁମ୍ବାଇ ବାସ ଭବନରେ ଭେଟିଥିଲେ। ଏହି ଅବସରରେ ହ୍ରିତିକଙ୍କ ମା’ ପିଙ୍କି ରୋଶନ ତାଙ୍କୁ ରୁଦ୍ରକଳା ଓ ଦେବୀ ଲକ୍ଷ୍ମୀଙ୍କ ମୁଦ୍ରା ସହିତ ଏକ ସୁନା ଚେନ୍ ଉପହାର ଦେଇଥିବା ନେଇ ଦୁହେଁ ଏକ ସାକ୍ଷାତକାରରେ କହିଛନ୍ତି।
ବିଜେତା ପଓ୍ବନଦୀପ ଏବଂ ରନରଅପ ଅରୁଣିତା ସେମାଙ୍କର ‘ରିଆଲିଟି ସୋ’ରେ ନିଜର ଜଲଓ୍ବା ଦେଖାଇସାରିଛନ୍ତି। ଇଣ୍ଡିଆନ ଆଇଡଲ- ୧୨ ଶେଷ ହେବା ପରେ ଦୁହଁିଙ୍କୁ ବିଭିନ୍ନ କାର୍ଯ୍ୟକ୍ରମ ଏବଂ ‘ରିଆଲିଟି ଶୋ’ପାଇଁ ନିମନ୍ତ୍ରଣ କରାଯାଉଛି। କିଛି ଦିନ ପୁର୍ବରୁ ଦୁହେଁ ପାଖାପାଖି ଫ୍ଲାଟ କିଣିବା ନେଇ ଚର୍ଚ୍ଚାରେ ଥିଲେ।