ମୁମ୍ବାଇ: ଅଭିନେତା ହ୍ରିତିକ ରୋଶନ ଫିଲ୍ମ ଇଣ୍ଡଷ୍ଟ୍ରିରେ ଦୁଇ ଦଶକରୁ ଅଧିକ ସମୟ ହେବ ଆକ୍ଟିଭ ଅଛନ୍ତି। ଇଣ୍ଡଷ୍ଟ୍ରିର ଟପ ଆକ୍ଟର ଲିଷ୍ଟରେ ରହିଛି ତାଙ୍କର ନାମ। ତାଙ୍କର ଆକ୍ଟିଂ ସାଙ୍ଗକୁ ଡ୍ୟାନ୍ସ ଅଡିଅନ୍ସଙ୍କୁ ଦିଓ୍ବାନା କରିଥାଏ। ତାଙ୍କ ଫିଲ୍ମ ବକ୍ସ ଅଫିସରେ ଧମାଲ କରିଥାଏ। ଏବେ ଶୁଣିବାକୁ ମିଳିଛି କି ଅଭିନେତା ନିର୍ଦ୍ଦେଶନା କ୍ଷେତ୍ରରେ ନିଜର ଭାଗ୍ୟ ପରୀକ୍ଷା କରିବାକୁ ଯାଉଛନ୍ତି। ହେଲେ ସେ ଫିଲ୍ମ ନୁହେଁ ଏକ ବିଜ୍ଞାପନର ନିର୍ଦ୍ଦେଶନାରେ ନିଜର ଭାଗ୍ୟ ପରୀକ୍ଷା କରିଛନ୍ତି।
ଟାଇମ୍ସ ଅଫ ଇଣ୍ଡିଆର ଖବର ଅନୁଯାୟୀ ଅଭିନେତା ବିହାଇଣ୍ଡ ଦ କ୍ୟାମେରା ନିଜ ଭାଗ୍ୟ ପରୀକ୍ଷା କରିଛନ୍ତି। ସେ ଏକ ପ୍ରିମିୟମ ମେନସୱେର ବ୍ରାଣ୍ଡ ପାଇଁ ଏକ ବିଜ୍ଞାପନ ଶୁଟ କରିଛନ୍ତି । ହ୍ରିତିକ ମଧ୍ୟ ଏହାର ବ୍ରାଣ୍ଡକୁ ସମର୍ଥନ କରନ୍ତି। ଏହି ବିଜ୍ଞାପନ ହ୍ରିତିକ ରୋଶନଙ୍କ ୨୫ ବର୍ଷର ଜର୍ନିଂକୁ ମଧ୍ୟ ସେଲିବ୍ରେଟ କରିଥାଏ। ହେଲେ ଏବେ ପର୍ଯ୍ୟନ୍ତ ହ୍ରିତିକ ରୋଶନଙ୍କ ନିର୍ଦ୍ଦେଶକ ଡେବ୍ୟୁ ବିଷୟରେ କୌଣସି ଅଫିସିୟାଲି ସୂଚନା ସାମ୍ନାକୁ ଆସିନାହିଁ।
