ବଲିଉଡ୍ ସୁପରଷ୍ଟାର ହ୍ରିତିକ ରୋଶନ ଏବେ ତାଙ୍କ ସିକ୍ରେଟ ଗର୍ଲଫ୍ରେଣ୍ଡଙ୍କୁ ନେଇ ଚର୍ଚ୍ଚାରେ ଅଛନ୍ତି। ସବା ଆଜାଦଙ୍କ ସହିତ ତାଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। କିଛି ଦିନ ହେବ ସବା ଏବଂ ହ୍ରିତିକଙ୍କ ପରିବାରର ଘନିଷ୍ଠତା ମଧ୍ୟ ଦେଖିବାକୁ ମିଳିଛି। ନିକଟରେ ରୋଶନ ପରିବାର ସବାଙ୍କ ଉପରେ ଢେର୍ ସାରା ପ୍ରେମ ଦେଖାଇ ତାଙ୍କୁ ଖାଇବା ପଠାଇଥିଲେ। ବର୍ତ୍ତମାନ ସବା ସୋସିଆଲ ମିଡିଆରେ ଏକ ଫଟୋ ସେୟାର କରିଛନ୍ତି, ଯେଉଁଥିରେ ହ୍ରିତିକଙ୍କ ସମ୍ପର୍କୀୟ ପଶ୍ମିନା ଏକ ସୁନ୍ଦର କମେଣ୍ଟ ଦେଇଛନ୍ତି। ଏହି କମେଣ୍ଟରୁ ଏହା ସ୍ପଷ୍ଟ ଯେ, ସେ ସବାଙ୍କ ଫଟୋକୁ ବହୁତ ପସନ୍ଦ କରିଛନ୍ତି ।
ସାବାଙ୍କୁ ୱେବ ସିରିଜ ‘ରକେଟ ବଏଜ’ରେ ଦେଖିବାକୁ ମିଳିଥିଲା। ଅଭିନେତ୍ରୀ ୱେବ ସିରିଜ୍ର ଏକ ଫଟୋ ଇନଷ୍ଟାଗ୍ରାମରେ କରିଛନ୍ତି। ଏହି ଫଟୋରେ, ସବା ଏକ ପିଚ କଲର ଶାଢ଼ୀରେ ବହୁତ ସୁନ୍ଦର ଦେଖାଯାଉଛନ୍ତି। ଫଟୋ ସହିତ କ୍ୟାପଶନରେ ଲେଖିଛନ୍ତି, ‘ମିସ, ପରୱାନା ଇରାନୀ, ସିର୍ସା ୧୯୪୨ସବାଙ୍କ ଏହି ଫଟୋରେ ହ୍ରିତିକଙ୍କ ସମ୍ପର୍କୀୟ ପଶ୍ମିନା ମନ୍ତବ୍ୟ ଦେଇଛନ୍ତି।
ହ୍ରିତିକ ରୋଶନଙ୍କ ଭଉଣୀ ତଥା ରାଜେଶ ରୋଶନଙ୍କ ଝିଅ ପଶ୍ମିନା କମେଣ୍ଟ ଦେଇ ଲେଖିଛନ୍ତି, ‘ଉଫ’ ଏହା ସହିତ ପଶ୍ମିନା ମଧ୍ୟ ହୃଦୟର ଏକ ଇମୋଜି ପୋଷ୍ଟ କରିଛନ୍ତି। ପଶ୍ମିନାଙ୍କ ଏହି ମନ୍ତବ୍ୟ ଉପରେ ସବା ମଧ୍ୟ ପ୍ରତିକ୍ରିୟା ଦେଇଛନ୍ତି। ସେ ଚୁମ୍ବନ ଇମୋଜି ପୋଷ୍ଟ କରିଛନ୍ତି।