ଭାରତ ନାଁରେ ବିପୁଳ ଅର୍ଥ ସଂଗ୍ରହ

ୱାଶିଂଟନ,୧୭ା୬: ଭାରତରେ କରୋନା ଭାଇରସ୍‌ର ଦ୍ୱିତୀୟ ଲହର ଯୋଗୁ ଅକ୍ସିଜେନ ସଙ୍କଟ ଦେଖାଦେଇଥିଲା। ଭାରତ ପକ୍ଷରୁ ଦିଆଯାଇଥିବା ସହାୟତା ବଦଳରେ ବିଶ୍ୱର ଅନେକ ଦେଶ ସହଯୋଗର ହାତ ବଢ଼ାଇଥିଲେ। ଏହାକୁ ଦେଖି କେତେକ ପାକିସ୍ତାନୀ ସଙ୍ଗଠନ ଭାରତକୁ ସହାୟତା ଦେବା ନାଁରେ କ୍ରାଉଡ୍‌ ଫଣ୍ଡିଂର ସାହାରା ନେଇଥିଲେ। ସଂଗୃହୀତ ଅର୍ଥ ଏବେ ଆତଙ୍କବାଦୀ କାର୍ଯ୍ୟକଳାପରେ ଉପଯୋଗ ହେବା ଆଶଙ୍କା ସୃଷ୍ଟି ହୋଇଛି।

କରୋନା ସଙ୍କଟ ସମୟରେ ଆମେରିକାରେ ପାକିସ୍ତାନର କେତୋଟି ଦାତବ୍ୟ ସଂସ୍ଥା ମହାମାରୀ ମୁକାବିଲାରେ ଭାରତକୁ ସହାୟତା ଦେବା ନାଁରେ କୋଟି କୋଟି ଡଲାର ସଂଗ୍ରହ କରିଛନ୍ତି। ଏହି ରାଶିର ବ୍ୟବହାର ଆତଙ୍କବାଦୀ କାର୍ଯ୍ୟକଳାପ ପରିଚାଳନା ଓ ସରକାର ବିରୋଧୀ ପ୍ରଦର୍ଶନର ଆୟୋଜନ ପାଇଁ କରାଯାଉଥିବା ନେଇ ଏକ ରିପୋର୍ଟରେ ଆଶଙ୍କା କରାଯାଇଛି। ଡିସ୍‌ଇନ୍‌ଫୋ ଲାବ୍‌ ପକ୍ଷରୁ କୋଭିଡ୍‌-୧୯ ସ୍କାମ୍‌ ୨୦୨୧ ରିପୋର୍ଟରେ ଦାବି କରାଯାଇଛି ଯେ କୋଭିଡ୍‌-୧୯ ଆଳରେ ପାକିସ୍ତାନର ଦାତବ୍ୟ ସଙ୍ଗଠନଗୁଡ଼ିକ ମାନବ ଇତିହାସର ଅନ୍ୟତମ ବଡ଼ ଦୁର୍ନୀତି କରିଛନ୍ତି। ଉକ୍ତ ରିପୋର୍ଟରେ ଉଲ୍ଲେଖ କରାଯାଇଛି ଯେ ‘ହେଲ୍ପ ଇଣ୍ଡିଆ ବ୍ରିଦ୍‌’ ନାମରେ ଏକ ଅଭିଯାନ ଚଳାଇ କରୋନା ଦ୍ୱିତୀୟ ଲହରର ସାମ୍ନା କରୁଥିବା ଭାରତରେ ଭେଣ୍ଟିଲେଟର, ମେଡିକାଲ ଅକ୍ସିଜେନ ଓ ଟିକା ସମେତ ଅନ୍ୟ ସ୍ବାସ୍ଥ୍ୟ ସୁବିଧା ଉପଲବ୍ଧ କରାଇବା ପାଇଁ ଆର୍ଥତ୍କ ସହଯୋଗ ଦେବାକୁ ଚ୍ୟାରିଟି ସଂସ୍ଥାଗୁଡ଼ିକ ଅନୁରୋଧ କରିଥିଲେ।
ଭାରତର ଭଲ ଛବି ଥିବା ଦେଖି ବହୁ ସଂଖ୍ୟକ ଲୋକ ମୋଟା ଅଙ୍କର ଅର୍ଥ ଦାନ କରିଥିଲେ। ଏହି ସଙ୍ଗଠନଗୁଡ଼ିକର ସମ୍ପର୍କ ପାକିସ୍ତାନୀ ସେନା ଇଙ୍ଗିତରେ ପରିଚାଳିତ ଆତଙ୍କବାଦୀ ସଙ୍ଗଠନ ସହିତ ରହିଥିବା ସାମ୍ନାକୁ ଆସିଛି। ଚ୍ୟାରିଟି ନାମରେ ସଂଗୃହୀତ ଅର୍ଥର ବ୍ୟବହାର ବିକ୍ଷୋଭ ପ୍ରଦର୍ଶନ ଓ ଆତଙ୍କବାଦୀ କାର୍ଯ୍ୟକଳାପରେ ଖର୍ଚ୍ଚ କରାଯାଇପାରେ। ଭାରତକୁ ସାହାଯ୍ୟ ଆଳରେ ଏଭଳି କାମ କରିଥିବା ଚ୍ୟାରିଟି ସଂସ୍ଥା ମଧ୍ୟରେ ଇସ୍‌ଲାମିକ୍‌ ମେଡିକାଲ ଆସୋସିଏଶନ ଅଫ୍‌ ନର୍ଥ ଆମେରିକା (ଇମାନା) ସାମିଲ ଅଛି। ୨୦୨୧ ଏପ୍ରିଲ ୨୭ରେ ଇମାନା ହ୍ୟାସ୍‌ଟ୍ୟାଗ୍‌ ହେଲ୍ପ ଇଣ୍ଡିଆ ବ୍ରିଦ୍‌ ଅଭିଯାନ ଆରମ୍ଭ କରିଥିଲା। ଏଥିରେ ପ୍ରାଥମିକ ଭାବେ ୧.୮ କୋଟି ଡଲାର ସଂଗ୍ରହର ଲକ୍ଷ୍ୟ ରଖାଯାଇଥିଲା। ତେବେ ଏହି ସଂସ୍ଥା ମିଛ କହି ଲୋକଙ୍କଠାରୁ କେତେ ଅର୍ଥ ନେଇଛି ସେନେଇ କିଛି ସ୍ପଷ୍ଟ କରିନାହିଁ। ସଂଗୃହୀତ ଅର୍ଥ କେବେ ଓ କେଉଁ କାର୍ଯ୍ୟରେ ଲଗାଯାଇଛି ତାହା ମଧ୍ୟ କହିନାହିଁ। ଆମେରିକାରେ ଥିବା ଅନ୍ୟ ଚ୍ୟାରିଟି ସଙ୍ଗଠନଗୁଡ଼ିକ ମଧ୍ୟ ଏଭଳି ଭାବେ ଅର୍ଥ ସଂଗ୍ରହ କରିଛନ୍ତି। ରିପୋର୍ଟରେ ଏହାକୁ ମାନବ ଇତିହାସରେ ସବୁଠୁ ନିକୃଷ୍ଟ ଭ୍ରଷ୍ଟାଚାର ମଧ୍ୟରୁ ଅନ୍ୟତମ ବୋଲି କୁହାଯାଇଛି। ଅଭିଯାନ ଚଳାଇଥିବା ସଙ୍ଗଠନ ଇମାନା ଆମେରିକାର ଇଲିନୋଇସ୍‌ରେ ସକ୍ରିୟ ରହିଛି। ଏହି ସଂସ୍ଥା ୧୯୬୭ରେ ପ୍ରତିଷ୍ଠା ହୋଇଥିଲା। ଡକ୍ଟର ଇସ୍‌ମାଇଲ ମେହର ଇମାନା ଏହାର ଅଧ୍ୟକ୍ଷ। ମୁଖ୍ୟତଃ ଡକ୍ଟର ଇମାନା ‘ହେଲ୍ପ ଇଣ୍ଡିଆ ବ୍ରିଦ୍‌’ର ଯୋଜନା ତିଆରି କରିଥିଲେ। ପ୍ରକାଶ ଯେ, ଇମାନାର କୌଣସି ସ୍ଥାନରେ ଅଫିସ କିମ୍ବା ବ୍ରାଣ୍ଡ୍‌ ନାହିଁ। ଏଥିଲାଗି ଏହି ସଂସ୍ଥାକୁ ଅର୍ଥ ସଂଗ୍ରହ କରିବାରେ ରୋକାଯାଇ ପାରିନାହିଁ। ଏକ ଆକଳନ ଅନୁସାରେ ସଂଗୃହୀତ ରାଶି ୩୦-୧୫୮ କୋଟି ଡଲାର ହେବ।


Enter your email to get our daily news in your inbox.

All Right Reserved By Dharitri.Com

ଟ୍ରମ୍ପ୍‌ଙ୍କ ଶପଥ ସମାରୋହରେ ଅର୍ଦ୍ଧନମିତ ରହିବ ଆମେରିକା ପତାକା: ଜାଣନ୍ତୁ ଏହାର କାରଣ

ଓ୍ବାଶିଂଟନ, ୫।୧: ଆସନ୍ତା ୨୦ ତାରିଖରେ ଆମେରିକାର ୪୭ତମ ରାଷ୍ଟ୍ରପତି ଭାବେ ଡୋନାଲ୍ଡ ଟ୍ରମ୍ପ୍‌ ଶପଥ ନେବାକୁ ଯାଉଛନ୍ତି। କିନ୍ତୁ ଏହି ସମୟରେ ପୂରା ଦେଶରେ...

HMPV ନୁହେଁ ଚାଇନାରେ ମାଡିଗଲାଣି ଆଉ ଏକ ଭାଇରସ, ଫୁସଫୁସରେ ହେଉଛି…ଭାରତରେ ହାଇ ଆଲର୍ଟ!

ନୂଆଦିଲ୍ଲୀ,୬।୧: ଚାଇନାରେ ହ୍ୟୁମାନ ମେଟାପ୍ନୁମୋଭାଇରସ ମାମଲା ରିପୋର୍ଟ ହୋଇଛି। ଏହି ଭାଇରସ ଶ୍ୱାସକ୍ରିୟା ଦ୍ୱାରା ସଂକ୍ରମିତ ହୋଇ ବ୍ୟାପିବାରେ ଲାଗିଛି। ଏଯାଏ ୨ଟି ଶିଶୁ ଆକ୍ରାନ୍ତ...

ଭାରତ ସହ ତୁତୁମେମେ ଭିତରେ ବାଂଲାଦେଶ ନେଲା ବଡ ନିଷ୍ପତ୍ତି! ଏହି କାର୍ଯ୍ୟକ୍ରମକୁ କଲା ରଦ୍ଦ

ଢାକା,୬।୧: ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାର ରବିବାର (ଜାନୁୟାରୀ ୫) ଭାରତରେ ଯୋଜନା କରାଯାଇଥିବା ନ୍ୟାୟିକ ତାଲିମ କାର୍ଯ୍ୟକ୍ରମ ବାତିଲ କରିବାକୁ ଘୋଷଣା କରିଛି। ଏହି କାର୍ଯ୍ୟକ୍ରମ...

୬୬ ବର୍ଷ ପୂର୍ବରୁ ପୃଥିବୀରେ ଅଛି HMPV Virus, ଅଣଦେଖା କରିବାରୁ ନେଉଛି ପ୍ରତିଶୋଧ! ଜାଣନ୍ତୁ ଏହା କେତେ ଭୟଙ୍କର

ବେଜିଂ/ନୂଆଦିଲ୍ଲୀ,୬।୧: ବିଶ୍ୱରେ ଅନେକ ପ୍ରକାରର ଭାଇରସ ଅଛନ୍ତି, ସେଥିମଧ୍ୟରୁ କେତେକ ବିପଜ୍ଜନକ ହୋଇଥିବାବେଳେ କେତେକ କମ କ୍ଷତିକାରକ। ଏହି ଜୀବାଣୁ ଉପରେ ଅଧ୍ୟୟନ କରିବା ପରେ...

ସାରା ବିଶ୍ୱରେ ଖେଳିଗଲା ଆତଙ୍କ: ଆଉ ୨ ଦେଶକୁ ବ୍ୟାପିଲା ଚାଇନାର ଏଚ୍‌ଏମ୍‌ପିଭି ଭାଇରସ୍‌

ବେଜିଂ,୬।୧: କୋଭିଡ-୧୯ ମହାମାରୀର ପ୍ରାୟ ୫ ବର୍ଷ ପରେ ଚାଇନାଏକ ନୂତନ ସ୍ବାସ୍ଥ୍ୟ ସଙ୍କଟ ଦେଇ ଗତି କରୁଛି। ଏଥର ଚାଇନାରେ ହ୍ୟୁମାନ ମେଟାପ୍ନୁମୋଭାଇରସ (ଏଚ୍‌ଏମ୍‌ପିଭି)...

ଭାରତରେ ପ୍ରବେଶ କଲା ଚାଇନାର ଏଚ୍‌ଏମ୍‌ପିଭି ଭାଇରସ୍‌: ୮ ମାସର ଝିଅ ସଂକ୍ରମିତ

ବେଙ୍ଗାଲୁରୁ,୬।୧: ଚାଇନାର ହ୍ୟୁମାନ୍‌ ମେଟାନ୍ୟୁମୋଭାଇରସ (ଏଚ୍‌ଏମ୍‌ପିଭି) ଭାଇରସ୍‌ ଭାରତରେ ପହଞ୍ଚିଛି। ଏହାର ପ୍ରଥମ ମାମଲା ବେଙ୍ଗାଲୁରୁରୁ ଆସିଛି। ସୂଚନାନୁସାରେ, ଜଣେ ୮ ମାସର ଝିଅ ଏହା...

ଧରାପଡିଲା ପାକିସ୍ତାନର ମିଛ, BLA ଜାରି କଲା ଆତ୍ମଘାତୀ ବମ୍ବରଙ୍କ ଫଟୋ

ଇସଲାମାବାଦ,୬।୧: ପାକିସ୍ତାନର ମିଥ୍ୟା ପୁଣି ଥରେ ପ୍ରକାଶ ପାଇଛି। ଶନିବାର (ଜାନୁୟାରୀ ୪, ୨୦୨୫) ପାକିସ୍ତାନର ବାଲୁଚିସ୍ତାନର ତୁର୍ବତ ଅଞ୍ଚଳରେ ଏକ ସେନା କନଭେନରେ ଆତ୍ମଘାତୀ...

ଆଜି ଇସ୍ତଫା ଦେବେ ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ! କାନାଡା ରାଜନୀତିରେ ନୂଆମୋଡ

ଅଟଓ୍ବା,୬।୧: କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ଇସ୍ତଫା ନେଇ ବହୁଦିନ ଧରି ଚର୍ଚ୍ଚା ଲାଗି ରହିଛି। ତେବେ ସଦ୍ୟତମ ଅପଡେଟରୁ ସୂଚନା ମିଳିଛି କି, ଟ୍ରୁଡୋ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri