ମୁମ୍ବାଇ: ଦୀର୍ଘଦିନର ବ୍ୟବଧାନ ପରେ ବଲିଉଡ୍ ଅଭିନେତ୍ରୀ ହୁମା କୁରେଶି ପୁଣି ଫେରିଛନ୍ତି ବଡ଼ ପରଦାକୁ। ଫିଲ୍ମ ‘ପୂଜା ମେରୀ ଜାନ୍’ ଜରିଆରେ ସେ କମ୍ବ୍ୟାକ୍ କରିଥିବା ଖବର ପ୍ରକାଶ ପାଇଛି। ମଙ୍ଗଳବାର ହୁମା ନିଜ ଇନ୍ଷ୍ଟାଗ୍ରାମରେ ଏ ନେଇ ଏକ ପୋଷ୍ଟ ମଧ୍ୟ ଶେୟାର କରିଛନ୍ତି। ଫିଲ୍ମରେ ହୁମାଙ୍କ ସହ ମୃନାଲ ଠାକୁର ମଧ୍ୟ ଅଭିନୟ କରିବେ। ଏହାର କାହାଣୀ ଲେଖିଛନ୍ତି କନିଶ୍କା ଏବଂ ନବଜୋତ ଗୁଲାଟି। ଫିଲ୍ମର ଶୁଟିଂ ଆରମ୍ଭ ହୋଇସାରିଛି। ଏ ନେଇ ଅଧିକ ସୂଚନା ହସ୍ତଗତ ହୋଇନାହିଁ। ୨୦୧୬ରେ ରିଲିଜ୍ ହୋଇଥିବା ଫିଲ୍ମ ‘ବଦଲାପୁର’ରେ ହୁମା ଅଭିନୟ କରିଥିଲେ। ଏହା ପରେ ହୁମାଙ୍କୁ କୌଣସି ଫିଲ୍ମରେ ଦେଖିବାର ସୁଯୋଗ ପାଇ ନ ଥିଲେ ତାଙ୍କ ଫ୍ୟାନ୍ସ। ଗତବର୍ଷ ଓ୍ବେବ୍ ସିରିଜ୍ ‘ମହାରାଣୀ’ ଜରିଆରେ ହୁମା ଓଟିଟି ପ୍ଲାଟଫର୍ମରେ ଡେବ୍ୟୁ କରିଥିଲେ। ସିରିଜ୍ଟି ଦର୍ଶକଙ୍କୁ ଖୁବ୍ ପସନ୍ଦ ଆସିଥିବା କୁହାଯାଉଛି।