କୋରାପୁଟ,୫।୯(ଅମିତାଭ ବେହେରା )କୋରାପୁଟସ୍ଥିତ ଦକ୍ଷତା ବୃଦ୍ଧି ତାଲିମ କେନ୍ଦ୍ର ପରିସରରେ ମଙ୍ଗଳବାର ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି. କୋରାପୁଟ ଜିଲା ବିଜେଡି ସଭାପତି ଝିନ ହିକକାଙ୍କ ଅଧ୍ୟକ୍ଷତାରେ ଆୟୋଜିତ ମିଶ୍ରଣ ପର୍ବରେ ଜିଲାର ବୈପାରୀଗୁଡା ବ୍ଲକ ଅଞ୍ଚଳରୁ ୨୬୮ ଜଣ କଂଗ୍ରେସ ଓ ଭାଜପା ଦଳର ନେତା ଓ କର୍ମୀ ବିଜେଡି ଦଳରେ ଯୋଗଦେଇଛନ୍ତି। ସେମାନେ ରାଜ୍ୟ ସରକାରଙ୍କ ବିଭିନ୍ନ ବିକାଶମୂଳକ କାର୍ଯ୍ୟକୁ ଦେଖି ଏବଂ ସେମାନଙ୍କ ଅଞ୍ଚଳରେ ସରକାରଙ୍କ ଏହି ବିକାଶ କାର୍ଯ୍ୟକୁ ଅଧିକ ତ୍ୱରାନ୍ବିତ କରିବା ନେଇ ସେମାନେ ବିଜେଡି ଦଳରେ ଯୋଗଦେଇଥିବା ପ୍ରକାଶ କରିଛନ୍ତି। ଏହି କାର୍ଯ୍ୟରେ କୋରାପୁଟ ବିଧାୟକ ରଘୁରାମ ପଡାଲ, କୋଟପାଡ଼ ବିଧାୟିକା ପଦ୍ମିନୀ ଦିଆନ, ଏସ.ଡି.ସି ଅଧ୍ୟକ୍ଷ ଚନ୍ଦ୍ରଶେଖର ମାଝୀ, ଜିଲା କାର୍ଯ୍ୟକାରୀ ଜିଲା ବିଜେଡି ସଭାପତି ପ୍ରଶାନ୍ତ ଗୁପ୍ତାଙ୍କ କଠିନ ଉଦ୍ୟମ ଓ ବୈପାରୀଗୁଡାର ଗୁପ୍ତେଶ୍ୱରର ଉନ୍ନତି ଓ ଏହି ଅଞ୍ଚଳରେ ଗମନା ଗମନରେ ଉନ୍ନତି ଯୋଗୁଁ ଉପରୋକ୍ତ ବ୍ୟକ୍ତି ବିଶେଷ ବିଜେଡି ଦଳରେ ଯୋଗଦେଇଛନ୍ତି ବୋଲି କହିଛନ୍ତି। ଏହି ଅବସରରେ ଜିଲାର ବିଜେଡି ଦଳର ସଭାପତି ଶ୍ରୀ ହିକକା ଓ କୋରାପୁଟ ବିଧୟକ ଶ୍ରୀ ପଡାଲ ସମେତ ବହୁ ନେତା ଓ କର୍ମୀମାନେ ଉପସ୍ଥିତ ରହି ଦଳରେ ଯୋଗଦେଇଥିବା ନେତା ଓ କର୍ମୀମାନଙ୍କୁ ପୁଷ୍ପମାଲ୍ୟ ପିନ୍ଧାଇ, ବିଜେଡି ଉତ୍ତରୀୟ ଦେଇ ସୱାଗତ କରିଥିଲେ। ଏହାଦ୍ୱାରା ବୈପାରୀଗୁଡା ଅଞ୍ଚଳରେ ବିଜେଡି ଦଳର ସ୍ଥିତି ଆହୁରି ମଜବୂତ ହୋଇପାରିଛି ବୋଲି କୋରାପୁଟ ବିଧାୟକ ପ୍ରକାଶ କରିଛନ୍ତି।