ହାଟଡିହୀ,୨୧l୫(ଶୁଭକାନ୍ତ ନାୟକ):କେନ୍ଦୁଝର ଜିଲା ଆନନ୍ଦପୁର ବିଧାନସଭା କ୍ଷେତ୍ରର କାଠକଟା ପଞ୍ଚାୟତର ଶତାଧିକ କଂଗ୍ରେସ ଏବଂ ଭାଜପା କର୍ମୀ ସୁବ୍ରତ ସାମଲଙ୍କ ତତ୍ୱାବଧାନରେ ବିଜେଡିରେ ସାମିଲ ହୋଇଛନ୍ତି l ତରତରା ଠାରେ ଆୟୋଜିତ ମିଶ୍ରଣ ପର୍ବରେ କେନ୍ଦୁଝର ସେଣ୍ଟ୍ରାଲ କୋଅପରେଟିଭ ବ୍ୟାଙ୍କ ଡାଇରେକ୍ଟର ଦେବପ୍ରିୟ ପାତ୍ର,ବିଜେଡି ବିଧାୟକ ପ୍ରାର୍ଥୀ ଅଭିମନ୍ୟୁ ସେଠି,ଆନନ୍ଦପୁର ବିଜେଡି ବ୍ଲକ ସଭାପତି ରାମଚନ୍ଦ୍ର ପଲେଇ,ଜିତେନ୍ଦ୍ର ସାମଲ, ମନ୍ଦର ସାମଲ ପ୍ରମୁଖଙ୍କ ସମେତ ବହୁ ସଂଖ୍ୟାରେ ବଳିଷ୍ଠ ନେତୃତ୍ୱ ବ୍ୟକ୍ତି ବିଶେଷ ଉପସ୍ଥିତ ଥିଲେ l କାଠକଟା ପଞ୍ଚାୟତର ସରପଞ୍ଚ ବିଚିତ୍ର ଜେନାଙ୍କ ସମେତ ଶତାଧିକ କଂଗ୍ରେସ ଏବଂ ଭାଜପା କର୍ମୀ ବିଜେଡିରେ ସାମଲ ହୋଇଥିଲେ l ବିଧାୟକ ପ୍ରାର୍ଥୀ ଅଭିମନ୍ୟୁ ଦଳ ତରଫରୁ ନବାଗତଙ୍କୁ ସ୍ବାଗତ କରିଥିବା ବେଳେ ବିଜେଡି ଡବଲ ଶଙ୍ଖ ଚିହ୍ନରେ ଭୋଟ ଦେଇ ବିରୋଧୀଙ୍କୁ ମୁକାବିଲା ପାଇଁ ଆହ୍ବାନ ଦେଇଥିଲେ l