ନୂଆଦିଲ୍ଲୀ,୭।୨: ତୁର୍କୀ ଏବଂ ସିରିଆ ସମେତ ଚାରିଟି ଦେଶରେ ଭୂକମ୍ପ ବ୍ୟାପକ ଧ୍ୱଂସ ଘଟାଇଛି। ତୁର୍କୀର ନୁର୍ଦାଗି ଠାରୁ ୨୩ କିଲୋମିଟର ପୂର୍ବରେ ଏହି କମ୍ପନ ଅନୁଭୂତ ହୋଇଥିଲା। ଏହାର ପ୍ରଭାବ ସିରିଆ ପର୍ଯ୍ୟନ୍ତ ଥିଲା। ଭୂକମ୍ପ ଯୋଗୁ ଅନେକ ଅଟ୍ଟାଳିକା ଭୁଶୁଡି ପଡିଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୭.୮ ଥିଲା।
ସୂଚନାନୁସାରେ, ତୁର୍କୀ ଏବଂ ସିରିଆରେ ଅତି କମରେ ୩୮୦୦ ଲୋକ ପ୍ରାଣ ହରାଇଛନ୍ତି ଏବଂ ୫୦୦୦ ରୁ ଅଧିକ ଲୋକ ଆହତ ହୋଇଛନ୍ତି। ୧୦ଟି ସହରରେ ୧୭୦୦ରୁ ଅଧିକ କୋଠା ନଷ୍ଟ ହୋଇଯାଇଛି ବୋଲି ଦେଶର ଉପରାଷ୍ଟ୍ରପତି ଫିଆଟ ଅକ୍ଟାଇ ଦର୍ଶାଇଛନ୍ତି। ଏଥିସହ ସିରିଆରେ ଅତି କମରେ ୭୮୩ ଜଣଙ୍କର ମୃତ୍ୟୁ ଘଟିଥିବା ବେଳେ ୬୩୯ ଜଣ ଆହତ ହୋଇଛନ୍ତି। ଇସ୍ରାଏଲ ଏବଂ ଲେବାନନରେ ମଧ୍ୟ ଅନେକ ଲୋକଙ୍କ ମୃତ୍ୟୁ ଘଟିଛି। ଶହ ଶହ ଲୋକ ଏବେ ମଧ୍ୟ କୋଠା ତଳେ ଫସି ରହିଛନ୍ତି ଏବଂ ଅନେକ ନିଖୋଜ ଅଛନ୍ତି। ମୃତ୍ୟୁ ସଂଖ୍ୟା ଆହୁରି ବୃଦ୍ଧି ପାଇବ ବୋଲି ଆଶା କରାଯାଉଛି। ତୁର୍କୀରେ ସାତ ଦିନ ଜାତୀୟ ଶୋକ ଘୋଷଣା କରାଯାଇଛି।
ତୁର୍କୀକୁ ସମସ୍ତ ସମ୍ଭାବ୍ୟ ସାହାଯ୍ୟ ଭାରତ ନିଶ୍ଚିତ କରିଛି। ଏହା ଅଧୀନରେ ଏନ୍ଡିଆର୍ଏଫ୍ ଦଳ ଏବଂ ସ୍ବତନ୍ତ୍ର ତାଲିମପ୍ରାପ୍ତ କୁକୁର ଦଳ ତୁର୍କୀକୁ ପଠାଯାଇଛି।