ଗୋପାଳପୁର,୧୧ା୪(ନବୀନ ରାଜ ଆଚାରୀ): ସାଧାରଣ ନିର୍ବାଚନ ତାରିଖ ଯେତେ ପାଖେଇ ଆସୁଛି ନିର୍ବାଚନୀ ତାତି ସେତେ ବଢ଼ୁଛି। ଗୁରୁବାର ଗୋପାଳପୁର ନିର୍ବାଚନ ମଣ୍ଡଳୀରେ ଭାଜପା ପକ୍ଷରୁ ଖଜୁରିଆ ବାଇପାସଠାରେ ବୁଥ୍ସ୍ତରୀୟ ଅଭିଯାନ କର୍ମଶାଳା ଅନୁଷ୍ଠିତ ହୋଇଯାଇଛି। ଆୟୋଜିତ ସଭାରେ ବ୍ରହ୍ମପୁର ଏମ୍ପି ପ୍ରାର୍ଥୀ ଡ. ପ୍ରଦୀପ କୁମାର ପାଣିଗ୍ରାହୀ, ଗୋପାଳପୁର ବିଧାୟକ ପ୍ରାର୍ଥୀ ବିଭୂତି ଭୂଷଣ ଜେନା, ଯୁବନେତା ପୀତବାସ ପଣ୍ଡା, ଲୋକ ସଭା ସଂଯୋଜକ ସ ସରୋଜ ସାବତ, ଜିଲା ଯୁବ ମୋର୍ଚ୍ଚା ସଭାପତି ଶିବ ନାୟକ, ଗଙ୍ଗାଧର ଶତପଥୀ, ପଞ୍ଚୁ ବେହେରା, ପ୍ରଦୀପ ପଟ୍ଟନାୟକ, ସନତ ନାହକ, ବିଭିନ୍ନ ମଣ୍ଡଳୀ ସଭାପତି ଯୋଗ ଦେଇଥିଲେ। ଏହି ନିର୍ବାଚନ ମଣ୍ଡଳୀରେ ୨୧୩ଟି ବୁଥ୍ ଥିବା ବେଳେ ପ୍ରତି ବୁଥ୍ରେ ୧୦ ଜଣ ସଦସ୍ୟ ରହିବେ। ମହିଳା ଓ ଯୁବକ ପାଖକୁ ଯାଇ ସମ୍ପର୍କ ବଢ଼ାଇବା ସହ କେନ୍ଦ୍ର ସରକାରଙ୍କ ଯୋଜନା ପହଞ୍ଚଇବା ପାଇଁ କୁହାଯାଇଥିଲା। ସୈନିକ ଭାବେ ବୁଥ୍ରେ କାର୍ଯ୍ୟ କରିବା ପଡ଼ିବ ବୋଲି କର୍ମୀମାନଙ୍କୁ ଯୁବନେତା ପଣ୍ଡା ଆହ୍ବାନ କରିଥିଲେ। ସରକାରୀ କଳ ଓ ସରକାର ଦଳ ଭୟଭୀତ କରାଉଛନ୍ତି। ତାକୁ ସମ୍ମୁଖୀନ ହେବାକୁ ପଡ଼ିବ। ଡରିବେ ନାହିଁ ବୋଲି ବିଧାୟକ ପ୍ରାର୍ଥୀ ଜେନା କହିଥିଲେ। ବୁଥ୍ସ୍ତରରେ ଭୋଟ ଆଣିବା ପାଇଁ ସଂକଳ୍ପ ସହ ଶପଥ ନେବା ଏବଂ ପରିବର୍ତ୍ତନ କରି ପ୍ରଧାନମନ୍ତ୍ରୀ ନେତୃତ୍ୱରେ ଡବଲ ଇଞ୍ଜିନ ସରକାର ଆଣିବା ପାଇଁ ଏମ୍ପି ପ୍ରାର୍ଥୀ ପାଣିଗ୍ରାହୀ କହିଥିଲେ।
ଏହି କାର୍ଯ୍ୟକ୍ରମରେ ପୂର୍ବତନ ସରପଞ୍ଚ, ସମିତି ସଭ୍ୟ, ବିଜେଡି ଓ ଅନ୍ୟ ଦଳ ବହୁ କର୍ମୀମାନେ ଭାଜପାରେ ସାମିଲ ହୋଇଥିଲେ। ଏହି ଅବସରରେ ରାଜେଶ ସାହୁ, ଅନିଲ ପତି, ସୁନୀଲ ପାତ୍ର, ଗଙ୍ଗା ପାତ୍ର, ଜଗମୋହନ ପାତ୍ର, ଗଙ୍ଗାଧର ପାତ୍ର,ଏନ ଧନଞ୍ଜୟ ରାଓ,ବ୍ରଜମୋହନ ନାହକ, ଅସିତ ଶତପଥୀ, ଗୋପୀନାଥ ମହାରଣା, ରାଜେଶ ପଟ୍ଟନାୟକ,ଗୋପାଳ ରେଡ୍ଡୀ, ସନ୍ତୋଷ ବିଷୋୟୀ, ଲକ୍ଷ୍ମୀ ନାରାୟଣ ପାତ୍ର, ପି.କାମ ରାଜୁ ଓ ଶତାଧିକ କର୍ମୀ ଉପସ୍ଥିତ ଥିଲେ।