ପାଟଣା,୧୩।୧୧(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗା ବଜାରରୁ ମଙ୍ଗଳବାର ବିଳମ୍ବିତ ରାତିରେ ୩ଟି ଦୋକାନରୁ ତାଲା ଭାଙ୍ଗି ଦୁର୍ବୃତ୍ତ ଚୋରି କରି ନେଇଛନ୍ତି। ବଜାରରେ ଥିବା ଏକ ଓମ୍ଫେଡ ପାର୍ଲରର ତାଲା ଭାଙ୍ଗି ଚୋର ମାନେ ରାବଡି, କ୍ଷୀର ,ଦହି , ଲସି କୁ ଖାଇ ଖୋଳ ପକାଇଥିବା ଦେଖିବାକୁ ମିଳିଛି। ଏଥି ସହ ଟଙ୍କା ବାକ୍ସ ଚୋରି କରି ନେଇଥିବା ଦୋକାନୀ ଗଗନ ସାହୁ କହିଛନ୍ତି। ସେହିଭଳି ଏକ ଚା, ଦୋକାନ ଓ ସାରଦୋକାନ ଚାବି ଭାଙ୍ଗି ଦୁର୍ବୃତ୍ତ ଚୋରି କରି ନେଇଛନ୍ତି। ତୁରୁମୁଙ୍ଗା ପୋଲିସ ଘଟଣାର ତଦନ୍ତ କରୁଛି।