ଭଦ୍ରକ ଅଫିସ,୨୬।୮: ସାମାଜିକ ଗଣମାଧ୍ୟମ ଫେସ୍ବୁକରେ ଜଣେ ବ୍ୟକ୍ତି ହିନ୍ଦୁ ଧର୍ମୀୟ ଭାବନାକୁ ଆଘାତ ଦେଲା ଭଳି ପୋଷ୍ଟ କରିଥିବା ନେଇ ଭାଜପା ମହିଳା ମୋର୍ଚ୍ଚା ଭଦ୍ରକ ଜିଲା ଏସ୍ପିଙ୍କୁ ଭେଟି ଅଭିଯୋଗ କରିଛନ୍ତି। ଉକ୍ତ ବ୍ୟକ୍ତି ହିନ୍ଦୁ ଦେବାଦେବୀଙ୍କ ସମ୍ପର୍କରେ ଆପତ୍ତିଜନକ ଭାଷା ଫେସ୍ବୁକରେ ବ୍ୟବହାର କରିଛନ୍ତି। ମହିଳା ମୋର୍ଚ୍ଚା ଜିଲା ସଭାନେତ୍ରୀ ହରପ୍ରିୟା ସାହୁ ଏହାକୁ ବିରୋଧ କରି ଟାଉନ ଥାନାରେ ଏକ ଅଭିଯୋଗ କରିଛନ୍ତି। ଫେସ୍ବୁକରୁ ଉକ୍ତ ପୋଷ୍ଟ ତୁରନ୍ତ ହଟାଯିବା ବ୍ୟବସ୍ଥା ସହ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଦାବି ହୋଇଛି। ମହିଳା ମୋର୍ଚ୍ଚା ସଭାନେତ୍ରୀଙ୍କ ସହ ପଦ୍ମିନୀ ଦ୍ୱିବେଦୀ, ଚୈତାଳି ଖିଲାର, ମଞ୍ଜୁବାଳା ସିହ୍ନା ଏବଂ ସ୍ବର୍ଣ୍ଣଲତା ମିଶ୍ର ଏସ୍ପି ଚରଣ ସିଂ ମୀନାଙ୍କୁ ଭେଟିଥିଲେ।
