ଭୁବନେଶ୍ୱର:୩୦।୮: ଓଡ଼ିଶାରେ ଉଭୟେ ସ୍ୱାମୀ ସ୍ତ୍ରୀ ସରକାରୀ ଚାକିରି କରୁଥିଲେ ସେମାନଙ୍କ ପାଇଁ ଖୁସି ଖବର। ଶୁକ୍ରବାର ବିଧାନସଭାରେ ଏକ ପ୍ରଶ୍ନର ଉତ୍ତରରେ ଗଣଶିକ୍ଷାମନ୍ତ୍ରୀ ନିତ୍ୟାନନ୍ଦ ଗଣ୍ଡ ବଡ଼ କଥା କହିଛନ୍ତି। ସ୍ୱାମୀ ଓ ସ୍ତ୍ରୀ ୨ଜଣ ଭିନ୍ନ ଭିନ୍ନ ବିଭାଗରେ ଚାକିରି କରିଥିଲେ ବି ଏହି ନିୟମକୁ ଲାଗୁ ଉପରେ ସରକାର ବିଚାର କରିବର କି ପ୍ରଶ୍ନ କରିଥିଲେ ବିଧାୟକ ପୂର୍ଣ୍ଣଚନ୍ଦ୍ର ସେଠୀ।
ଏହାର ଉତ୍ତରରେ ମନ୍ତ୍ରୀ ଉତ୍ତର ଦେଇଛନ୍ତି ଯେ, ପୂର୍ବରୁ ଶିକ୍ଷା ବିଭାଗରେ ଏପରି ପ୍ରକ୍ରିୟା ଆରମ୍ଭ ହୋଇଛି। ସ୍ୱାମୀ ସ୍ତ୍ରୀ ଚାହିଁଲେ ସେମାନଙ୍କର ବଦଳି କରିପାରିବେ। ତେବେ ଅନ୍ୟ ବିଭାଗରେ ଚାକିରି କରିଥିଲେ ବଦଳି ହୋଇପାରିବ କି ନାହିଁ ସରକାର ଚିନ୍ତା କରିବେ, କିନ୍ତୁ ବର୍ତ୍ତମାନ ଶିକ୍ଷା ବିଭାଗରେ ଏହି ପ୍ରକ୍ରିୟା ଆରମ୍ଭ ହୋଇସାରିଛି।
